ԹԵՍՏ ԽԱՌԸ ՏԻՊԻ 08․06․2019

1. Ո՞վ կամ ո՞վքեր են հանրակրթական ուսումնական հաստատությունում առաջադրում կառավարման խորհրդի անդամներին:

• ՀՀ կրթության եւ գիտության նախարարը, մանկավարժական խորհուրդը, ծնողական խորհուրդը:

• ՀՀ կրթության եւ գիտության նախարարը, լիազորված մարմինը, մանկավարժական խորհուրդը, ծնողական խորհուրդը:

• ՀՀ կրթության եւ գիտության նախարարը, լիազորված մարմինը, ծնողական խորհուրդը:

• Լիազորված մարմինը, մանկավարժական խորհուրդը, ծնողական խորհուրդը:

Ո՞վ է վարում հանրակրթական ուսումնական հաստատության Խորհրդի առաջին նիստը:

• Տարիքով կրտսեր խորհրդի անդամը:

• Տարիքով ավագ խորհրդի անդամը:

• Տնօրենը:

• Տեղական ինքնակառավարման մարմնի ներկայացուցիչը:

Ե՞րբ է նշանակվում հանրակրթական ուսումնական հաստատության ուսուցչի թափուր տեղի համար մրցույթի անցկացման օր:

• Փաստաթղթերի ընդունման ավարտից հետո հինգ օրվա ընթացքում:

• Մրցույթի անցկացման օր նշանակվում է փաստաթղթերի ընդունման ավարտից ոչ ուշ, քան հինգ աշխատանքային օրվա ընթացքում:

• Փաստաթղթերի ընդունման ավարտից հետո յոթերորդ աշխատանքային օրը:

• Փաստաթղթերի ընդունման ավարտից հետո ոչ շուտ, քան երրորդ և ոչ ուշ, քան չորրորդ աշխատանքային օրը:

Բանավոր փուլի ժամանակ մասնակիցը հարցաշարից վիճակահանությամբ քանի՞ հարց է ընտրում:

• 6 հարց:

• 7 հարց:

• 5 հարց:

• 4 հարց:

Ո՞ր դեպքում է իրավական ակտն անվավեր ճանաչվում՝

• Հայաստանի Հանրապետության վարչական դատարանի կողմից իրավական ակտը Հայաստանի Հանրապետության Սահմանադրությանը հակասող ճանաչվելու դեպքում:

• Հայաստանի Հանրապետության սահմանադրական դատարանի կողմից իրավական ակտը Հայաստանի Հանրապետության Սահմանադրությանը հակասող ճանաչվելու դեպքում:

• Հայաստանի Հանրապետության վճռաբեկ դատարանի կողմից իրավական ակտը Հայաստանի Հանրապետության Սահմանադրությանը հակասող ճանաչվելու դեպքում:

• Հայաստանի Հանրապետության վերաքննիչ դատարանի կողմից իրավական ակտը Հայաստանի Հանրապետության Սահմանադրությանը հակասող ճանաչվելու դեպքում:

Հանրակրթական դպրոցի դասարանի ղեկավարը՝ (դասղեկ), իսկ տարրական դպրոցում` դասվարը՝

• Օրենքով և դպրոցի կանոնադրությամբ սահմանված իր լիազորությունների սահմաններում արձակում է հրամաններ, հրահանգներ, տալիս կատարման համար պար­տադիր ցուցումներ և վերահսկում դրանց կատարումը,

• Դպրոցի բյուջեի և ծախսերի կատարման մասին տարեկան հաշվետվությունը խորհրդի հավանությանն արժանանալուց հետո հնգօրյա ժամկետում հրապարակում է դպրոցի պաշ­տոնական կայքում, դպրոցի հայտարարությունների անկյունում, կարող է հրապարակել նաև զանգվածային լրատվամիջոցներում:

• Դաստիարակչական աշխատանք է կատարում իր դասարանի սովորողների շրջանում, հայտնաբերում է կյանքի դժվարին իրավիճակում հայտնված սովորողի (ընտանիքի) և դրա մասին մեկօրյա ժամկետում տեղեկացնում է դպրոցի տնօրենին` սերտորեն համագործակցելով մյուս մանկավարժական աշխատողների հետ:

• որոշումներ է ընդունում դպրոցի աշխատանքային ռեժիմը և աշխատանքային շաբաթվա տևողությունը սահմանելու հարցերում:

Քառասունից ավելի մանկավարժ համակազմ ունեցող հանրակրթական դպրոցի մանկավարժական խորհրդի կազմում ընդգրկվում են՝

• Մարզպետարանի կրթության վարչության պետը :

• Համայնքապետը :

• Արհմիութենական կոմիտեի նախագահը, ծնողական խորհրդի նախագահը և առարկայական մեթոդական միավորումների կողմից առաջադրված 3-5 մանկավարժներ :

• Մարզպետի (Երևանի քաղաքապետի) ներկայացուցիչը :

Մանկավարժական խորհուրդը որոշում է ընդունում՝

• Օրենքով սահմանված կարգով սովորողի նկատմամբ կարգապահական տույժ կամ խրախուսում կիրառելու մասին:

• Հանրակրթական դպրոցի կանոնադրության մեջ փոփոխություններ կատարելու մասին:

• Հանրակրթական դպրոցի զարգացման ծրագիրը հաստատելու մասին:

• Օրենքով սահմանված կարգով սովորողի նկատմամբ վարչական տույժ կամ խրախուսում կիրառելու մասին:

Առարկայական կամ տարրական կրթության մեթոդական միավորումը նպաստում է՝

• Արձակուրդների ժամանակ սովորողների հանգստի և ժամանցի կազմակերպմանը:

• Այլ ուսումնական հաստատությունների հետ դպրոցի համագործակցությանը, միջազգային կապերի ստեղծմանը:

• Ուսուցիչների (դասվարների) որակավորման բարձրացմանը:

• Սովորողների սոցիալական աջակցության կազմակերպմանը:

Նշվածներից ո՞րն է հանրակրթական դպրոցի ծնողական խորհրդի լիազորություններից:

• Որակավորման տարակարգ չունեցող ուսուցիչների (դասվարների) ատեստավորման նախապատրաստությանը աջակցություն:

• Մանկավարժական աշխատողների ստեղծագործական նախաձեռնության խրախուսում:

• Աջակցում է դպրոցին` կրթության առանձնահատուկ պայմանների կարիք ունեցող սովորողների մանկավարժահոգեբանական աջակցության ծառայությունների կազմա­կերպ­ման գործում:

• Փորձարկվող դասագրքերի փորձաքննության սահմանված կարգով կազմակերպում: