Ալեքսանդր Շիրվանզադե- <<Քաոս>>

Ալեքսանդր Շիրվանզադեի <<Քաոս>> վեպի ո՞ր կերպարի մասին է հետևյալ հեղինակային խոսքը․

<<Նա կանգնած էր երկու մարդու միջև՝ մեկը միլիոնների ժառանգը, մյուսը՝ այն աղքատ երիտասարդը, որ իր ընտանիքը պահում էր մասնավոր դասերով>>։

• Արշակի

• Միքայելի

• Սմբատի

• Մարութխանյանի

<<Քաոս>> վեպում ու՞մ մասին է ասվում՝

<<ամայի դաշտում բուսած մի մանուշակ>>։

• Անուշի

• Անտոնինա Իվանովնայի

• Մարթայի

• Շուշանիկի

 Համաձայն հոր կտակի՝ Սմբատը ե՞րբ կարող էր իր բաժին ժառանգությանը տեր դառնալ <<Քաոս>> վեպում։

• Երբ ամուսնանար Շուշանիկի հետ։

• Երբ լրանար նրա 36 ամյակը։

• Երբ բաժանվեր կնոջից ու երեխաներից և հայկական եկեղեցու օրենքներով ամուսնանար հայ լուսավորչականի հետ։

<Քաոս>> վեպում Միքայելը ե՞րբ կարող էր ստանալ իր բաժին ժառանգությունը։

• Շուշանիկի հետ ամուսնանալուց հետո

• հայրական գործերին տեր կանգնելուց հետո

• Արշակին անբարոյական, շռայլ կյանքից դուրս բերելուց հետո։

• միայն օրինավոր մարդ դառնալուց և հայ քրիստոնյա մի աղջկա հետ ամուսնանալուց հետո

Ո՞ր հերոսի խոսքն է․

<<19-րդ դարը, սիրելի՛ս, խաբեության դար է, իսկ այդ դարը դեռ չի վերջացել։ Այժմ խաբում են ամենքը և ամենից ավել նրանք, որոնք ըմբոստանում են խաբեության դեմ>>։

• Իսահակի

• Սաղաթելի

• Միքայելի

• Բագրատի

Պնդումներից քանի՞սն են ճիշտ <<Քաոս>> վեպի կերպարների վերաբերյալ։

․Ալիմյանի դուստրը՝ Մարթան, կեղծ է հոգով, նյութամոլ ու բանսարկու, ինչպես ամուսինը։

․Շուշանիկը կարեկից է, ազնվաբարո, սրտացավ և՛ օտարի, և՛ մերձավորի հանդեպ։

․Ոսկեհատը դժբախտ է համարում իրեն, քանի որ որդիներից ոչ մեկը օրինավոր կյանքով չի ապրում, իսկ նրա վիճակը առավել ծանրացնում է դուստրը՝ մորը գրգռելով հարսի և մեծ եղբոր դեմ։

․Անուշ Ղուլամյանը, դառնալով Միքայելի հերթական արկածի առարկան, կործանում է իր ընտանիքը, խայտառակում և՛ իրեն, և՛ եղբորը։

• երեքը

• բոլորը

• ոչ մեկը

• երկուսը

Գրական ո ՞ր ուղղության ներկայացուցիչն է Շիրվանզադեն։

• ռոմանտիզմի

• կլասիցիզմի

• սիմվոլիզմի

• ռեալիզմի

Ո՞րն է <<Քաոս>> վեպի հանգույցը։

• Միքայելի կապը <<ոսկի երիտասարդության>> հետ

• միլիոնատեր Մարկոս Ալիմյանի թողած կտակը

• Միքայելի և Մարութխանյանի կազմած կեղծ կտակը

• միլիոնատեր Մարկոս Ալիմյանի մահվան և հոգեհանգստի պատմությունը

<<Քաոս>> վեպի վերաբերյալ պնդումներից որու՞մ սխալ կա։

• Վեպի հիմքում Բաքվի հարուստ ընտանիքներից մեկու ունեցվածքի շուրջ ծագած վեճի իրական պատմությունն է։

• Գրողի պատկերած քաոսը վերաբերում է միայն Ալիմյանների ընտանիքի անդամներին։

• <Քաոս>> վեպով գրողը մի նոր աստիճանի բարձրացրեց ռեալիստական վեպի արվեստը մեզանում, ձևավորեց գեղարվեստական լեզվի մի նոր որակ։

• <<Քաոս>> վեպի գրությանը նախորդել է նյութի ուսումնասիրության երկարատև շրջան։

10. Ալեքսանդր Շիրվանզադեի <<Քաոս>> վեպի կերպարների մասին ո՞ր պնդումն է սխալ։

• Ինժեներ Սուլյանը սիրահետում է թեթևամիտ Մարթային։

• Հրդեհի տեսարանում Սմբատը փրկում է ոչ միայն իր երեխաների, այլև բանվորներից մի քանիսի կյանքը։

• Անտոնինա Իվանովնան, շփվելով բանվորական միջավայրի հետ, փոխում է իր կարծիքը հայերի մասին։

• Միքայելը ինչ-ինչ դրական գծերով առանձնանում է <<ոսկի երիտասարդության>> իր միջավայրից։