Дзеепрыметнік

На аснове якіх прымет можна сцвярджаць, што слова пажаўцелы з’яўляецца дзеепрыметнікам?

• адказвае на пытанні які?

• абазначае прымету прадмета

• мае прыстаўку па-

• абазначае прымету прадмета паводле дзеяння

Адзначце словазлучэнні “дзеепрыметнік + назоўнік”:

• роўненькая дарога

• казачны домік

• выраўненая лінія

• счарнелая дошка

• перафарбаваны дом

Адзначце словазлучэнні з галоўным словам дзеепрыметнікам:

• засланы абрусам

• чыста засланы

• засланы ложак

• стомленая жанчына

• пачырванелы ад сораму

Адзначце сказы з дзеепрыметнымі зваротамі:

• Жанчына стаяла каля стала, засланага белым абрусам, налівала ў конаўку з вялікага гладыша малако

• Скошаная трава ўжо добра падвяла на сонцы

• Цёмныя гмахі камяніц з асветленымі вокнамі загароджвалі далягляд

• Люблю хадзіць па ўсланых лісцем дарожках купалаўскага сквера

• Праз завешанае коўдрай акно прабіваліся першыя промні сонца

Адзначце сказы, у якіх дзеепрыметныя звароты трэба выдзеліць коскамі:

• На таку ляжала прыкрытае саломай новае жыта

• Паляна акружаная з усіх бакоў цёмнай сцяной лесу млела ад гарачыні

• Прасеяныя скрозь іней сонечныя промні нясмела ўсплылі на шырокае крэсла

• Узрушаны і выведзены з раўнавагі старшыня грозна ўшчувае крыкуноў

• Дзядзька Пракоп павязаны наўскасяк ручніком вылез з-за стала амаль першым

Адзначце сказы, у якіх правільна выдзелены коскамі дзеепрыметныя звароты:

• Маці выйшла на дарогу, асветленую першымі промнямі сонца

• Над вершалінамі соснаў, густа пасыпаных мяккім пушыстым снегам вісеў паветраны шар

• Асіны і вольхі, пераплеценыя знізу, галінамі задумліва глядзяцца ў ціхую ваду

• За далёкім лесам, засланым сінім туманам, высокімі купаламі праглядвалася царква

• Цішынёй і бязлюддзем веяла ад вуліцы, ахутанай шэрай асенняй смугой

Адзначце сказы, у якіх дапушчаны памылкі ва ўжыванні дзеепрыметных зваротаў:

• Паветра, густа настоенае пахамі зямлі і агарода, навісла над зямлёй

• Зарослая алея травою давяла мяне да самай агароджы

• З сумам хлопец праводзіў вачыма нахіленае сонца на захад

• Нясмела ўставала з-за лесу ахутанае шэраю дымкаю сонца

• Ціха шалясцелі на ветры высахлыя лісты даўно ўжо

Адзначце словазлучэнні з дзеепрыметнікамі незалежнага стану:

• засеянае з восені поле

• зарослая травой сцежка

• на адрамантаванай машыне

• пасівелыя валасы

• куплены да свята падарунак

Адзначце дзеепрыметнікі, ад якіх можна ўтварыць кароткую форму:

• прачытаная кніга

• асірацелыя дзеці

• парыжэлыя стагі

• засеянае поле

• апранутая сукенка

Адзначце пары слоў, у якіх кароткія формы ўтвораны правільна:

• закончанае – закончана

• напоўненыя – напоўнены

• адкрыты – адкрыт

• перапраўленыя – перапраўлена

• абсталяваная – абсталявана