Дзеепрыметнік ІІ варыянт

На аснове якіх прымет можна сцвярджаць, што слова прачытаны з’яўляецца дзеепрыметнікам?

• адказвае на пытанні які?

• абазначае прымету прадмета

• мае прыстаўку пра-

• абазначае прымету прадмета паводле дзеяння

Адзначце словазлучэнні “дзеепрыметнік + назоўнік”:

• жаўтаватая фарба

• пафарбаваны стол

• пусты пакой

• апусцелыя палеткі

• адрамантаваны тэлевізар

Адзначце словазлучэнні з галоўным словам дзеепрыметнікам:

• напісаная кніга

• напісаная вядомым пісьменнікам

• напісаная даўно

• патрывожаны стукам

• патрывожаны чалавек

Адзначце сказы з дзеепрыметнымі зваротамі:

• Над вершалінамі хвоі ўгары лёгка слізгаў вышчарблены маладзік месяца

• Краявіды Пінскага Палесся, залітыя святлом вераснёўскага сонца, захаплялі Лабановіча сваімі неабсяжнымі прасторамі

• Юзік узяў люстэрка і глядзіцца, зачэсвае валасы, расчэсвае вусы і даўно стрыжаную бараду

• Раззлаваны зубр надзвычай хуткі і ярасны, можа накінуцца нават на чалавека

• Там бабёр знайшоў на запруджанай паводкаю канаве многа трыснягу, рагозніку і травы

Адзначце сказы, у якіх дзеепрыметныя звароты трэба выдзеліць коскамі:

• Пясчаны шлях насыпаны ўздоўж чыгункі вядзе ў лес і ў мястэчка

• Не расшпільваючы кажушка, Рыбак паныла апусціўся на зляжалую ад сырасці салому

• Думкі закінутыя ў душу Лабановіча нелегальнай брашурай не давалі яму спакою

• Над Прыпяццю сінее лес, адтуль нясе густым водарам сатканым з пахаў хвоі, прэлай зямлі, грыбоў і багуну

• Пабітая на калдобіны вуліца ў гэтым месцы як бы разгаліноўваецца, атрымліваецца дзве вуліцы

Адзначце сказы, у якіх правільна выдзелены коскамі дзеепрыметныя звароты :

• Абсаджаная ліпамі з абодвух бакоў, алея вяла да самага будынка

• Лес, асветлены і абагрэты ранішнім сонцам, пазіраў вельмі весела і прыветна

• На зямлю ліліся чароўныя мелодыі сатканыя са звону срэбных струн, з булькання лясных ручайкоў, з шолаху красак

• З хаты выйшла маці, руплівая, працавітая, заўсёды заклапочаная жанчына

• Над наваколлем, асветленым ласкавым, шчодрым сонцам паветра аж свіцілася

.Адзначце сказы, у якіх дапушчаны памылкі ва ўжыванні дзеепрыметных зваротаў:

• Сонца надоўга застыла, быццам спыненае рукой нечай уладнай

• Вузкая лясная сцежка, зарослая густой травою, давяла нас да хаты лесніка

• Абветраныя і патрэсканыя рукі ад цяжкай працы бабуля ў час размовы хавала пад сталом

• Чакалі сваёй чаргі зжатыя і звезеныя снапы з поля

• Бацька ніяк не мог пазбыцца сумных дум, навеяных вялікай стратай

Адзначце словазлучэнні з дзеепрыметнікамі залежнага стану:

• прышыты гузік

• расшпіленая кашуля

• пажоўклыя дрэвы

• апалае лісце

• апрацаваныя палі

Адзначце дзеепрыметнікі, ад якіх нельга ўтварыць кароткую форму:

• раскіданыя рэчы

• зарослая сцежка

• пачарнелыя дошкі

• пафарбаванае крэсла

• апусцелыя палеткі

Адзначце пары слоў, у якіх кароткія формы ўтвораны правільна:

• прагледжаныя – прагледжаны

• нарэзанае – нарэзана

• правераны – праверан

• узнагароджаная – узнагароджана

• пераплеценыя – пераплецена