Sa yugto ng maagang pagdadalgaga o pagbibinata, inaasahan na ang pagkakaroon ng tinedyer ng kasintahan (girlfriend/boyfriend). Ang pangungusap ay:

• Tama, dahil mahalagang mamulat ang nagdadalaga o nagbibinata sa pagbuo ng relasyon sa katapat na kasarian sa maagang panahon.

• Tama, dahil ito ay makatutulong sa kanya upang matutong humawak ng isang relasyon at maging handa sa magiging seryosong relasyon sa hinaharap.

• Mali, dahil mahalagang masukat muna ang kahandaan ng isip at damdamin ng isang nagdadalaga/nagbibinata sa paghawak ng isang seryosong relasyon.

• Mali, dahil hindi pa nararapat na magkaroon ng seryosong relasyon ang isang tinedyer.

Ang mga sumusunod ay ilan sa mga inaasahang kakayahan at kilos na dapat malinang sa panahon ng pagdadalaga / pagbibinata maliban sa ______.

• Pagsisikap na makakilos ng angkop sa kanyang edad

• Pagtanggap ng papel sa lipunan na angkop sa babae o lalaki

• Pagtamo at pagtanggap ng maayos na ugali sa pakikipagkapwa

• Pagtamo ng bago at ganap na pakikipag-ugnayan sa mga kasing edad

Ang mga sumusunod ay pagkakaiba ng talento at kakayahan maliban sa:

• Ang talento ay isang pambihira at likas na kakayahan samantalang ang kakayahan ay kalakasang intelektwal upang makagawa ng isang pambihirang bagay.

• Ang talento ay mula sa pambihirang katangian na minana sa magulang samantalang ang kakayahan ay tinataglay ng tao dahil sa kanyang kakayahang mag-isip.

• Ang talento ay mahirap sukatin samantalang ang kakayahan ay tinataglay ng tao dahil sa kanyang kakayahang mag-isip.

• Ang talento ay kusang lumalabas sa takdang panahon samantalang ang kakayahan ay kailangang dumaan sa proseso ng pagsasanay.

Bakit mahalagang tuklasin at paunlarin ang mga angking talento atnkakayahan?

• Upang magkaroon ng tiwala sa sarili at malampasan ang mga kahinaan

• Upang maisakatuparan ang mga tungkulin sa sarili at sa lipunan

• Upang makapaglingkod sa pamayanan

• Lahat ng nabanggit

Si Cleo ay mahusay sa paglalaro ng basketball. Labis ang paghanga sa kanya ng kanyang mga kasamahan sa team. Sa tuwing maglalaro ay siya ang nakapagbibigay ng malaking puntos sa kanilan team. Makikitang halos naperpekto na niya ang kanyang kakayahan sa basketball. Ngunit sa labis na kaabalahan sa pag-aaral, barkada at pamilya hindi na siya nakapagsasanay nang mabuti. Ano ang maaaring maging kahihinatnan ng ganitong gawi ni Cleo?

• Manghihina ang kanyang katawan dahil sa kakulangan ng pagsasanay

• Hindi magkakaroon ng pagbabago sa kanyang paraan ng paglalaro dahil halos perpekto na niya ang kanyang kakayahan.

• Makaaapekto ito sa kanyang laro dahil bukod sa pagkokondisyon ng katawan ay mahalaga ang pagsasanay kasama ng kanyang team upang mahasa sa pagbuo ng laro kasama ang mga ito.

• Hindi ito makaaapekto dahil alam naman niyang laging nariyan ang kanyang mga kasamahan na patuloy ang masugid na pagsasanay at nakahandang sumuporta sa kanya sa laro.

Sa murang edad ay dapat ng matuklasan ang talento at kakayahan upang mahaba ang panahon ng pagpapaunlad nito. Ang pangungusap ay:

• Tama, dahil ang patuloy at mahabang pagsasanay ang nagpapaperpekto sa talento at kakayahan ng tao.

• Tama, dahil mas mahabang panahon ang maitutuon sa mga pagsubok sa talento katulad ng pagsali sa paligsahan at mga pagtatanghal

• Mali, dahil walang takdang panahon ang pag-usbong ng talento

• Mali, dahil maaring magbunga ito ng pagkabagot at pagkasawa

Ang mga sumusunod ay katangian ng tiwala sa sarili maliban sa:

• Ito ay hindi namamana
• Ito ay nababago sa paglipas ng panahon
• Ito ay hindi nakasalalay na sa mga bagay na labas sa ating sarili
• Ito ay unit-unting natutuklasan bunga ng karanasan

Bakit may mga taong nagsasabi na sila ay ipinanganak na walang talento?

• Dahil hindi sila naglalaan ng panahon upang ito ay tuklasin

• Dahil mayroon talagang tao na ipinanganak na walang talento

• Dahil hindi pa panahon upang matuklasan nila ang kanilang talento

• Dahil hindi nila kinikilala ang kanilang mga kakayahan na talento dahil hindi naman ito makaagaw atensyon

Ano ang pinakamahalagang maitutulong ng pagkakaroon ng bagay o gawain na kinahihiligan?

• Nakapagpapasaya sa tao

• Nakapagpapaunlad ng tiwala sa sarili

• Nakapag-aangat ito ng katayuan sa buhay

• Nakapagtuturo ito ng kakayahang kailangan para sa hinaharap

Ang mga sumusunod ay paraan sa pagtuklas ng hilig maliban sa:

• Suriin ang mga gawaing iniiwasang gawin
• Siyasatin ang mga gawaing nakapagpapasigla sa iyo.
• Pagnilayan ang iyong mga libangan at paboritong gawin.
• Suriin ang pamilya at ang kinahihiligang gawin kasama ang mga ito.