US

1. Wacen punggelan pidarta ring sor!

Kawentenan pulau Baline pinaka pulau wisata budaya sane sampun kaloktah ngantos ring dura Negara. Sampun sami uning pulau Bali kaparinama pulau seribu pura, pulau dewata, pulau surga. Napi sane ngawinang pulau Bali kaparinama asapunika? Sane ngawinang asapunika tur kasenengin olih para jananne boya ja tios, punika santukan kaasrian palemahan pulau Baline, katuku malih antuk seni lan budaya Bali. Nika mawinan iraga patut ngrajegang budaya Bali mangda budaya puniki asri, ajeg tur lestari.

Unteng sane wenten ring punggelan pidarta ring ajeng wantah …

• Pulau Bali kabaos pulau surga

• Pulau Bali kaparinama pulau seribu pura

• Kawentenan pulau Baline pinaka pulau wisata budaya

• Napi ngawinang pulau Bali kaloktah ngantos ring dura Negara?

• Iraga patut ngrajegang budaya Bali mangda budaya puniki asri tur ajeg

Aksara Bali prasida kakepah dados makudang-kudang soroh manut kawigunannyane, minakadi aksara Wrehastra, Swalalita, miwah Modre. Aksara wreastra ketah kaanggen nyurat …

• Kedyatmikan

• Kekawin Ramayana

• Kekawin Mahabharata

• Japa Mantra

• Satua bawak

• Ring rahina saniscara umanis wara medangsia.

• Ring rahina Sukra umanis wara medangsia kalaning sang hyang surya katon remrem.

• Kalaning sang hyang surya katon remrem titiang nyalempoh ring ajeng padmasana sane agung kaluhur.

• Kalaning sang hyang surya katon remrem titiang nyalempoh ring ajeng padmasana sekolah sane agung kaluhur.

• Kalaning sang hyang surya katon remrem titiang nyalempoh ring ajeng padmasana sekolah sane agung kaluhur ngaturang sembah pangabakti.

Wacen punggelan wacana ring sor!

Gedé Landi wau ja neked di kos-kosan sané tuah mapaekan sajan ajak hotél tongosné ngrereh pangupa jiwa duang tiban niki. Inget ipun dinané benjang wantah dina otonanné Gék Ayu, pianak tunggalipun né kakalahin marantau ka Meulaboh saking duang tiban né pidan.

(Kaketus saking Cerpeng Kangen, Pikardin I Putu Agus Sutrarama)

Kruna lingga ring wacana punika luiripun…

• mapaekan, dinane, kakalahin

• neked, tongosne, pianak

• kos-kosan, ngajak, ne pidan

• ajak, pianak, dina

• neked, dina, ajak

Uratiang babaosan ring sor!

Guru : Tu, ada maan kacunduk ngajak Made Darmawan dinane ibi?

Siswa : Nenten, Pak. Tiang budal saking sekolah langsung ngojog pondok tiange.

Wenten Napi, Pak?

Guru : Dinane jani Made Darmawan tusing masuk tur tuara ada kabar. Apa ja

minab makada?

Siswa : Indayang takenin Luh Indra, Pak. Ida mangkin gegelane Made. Minab Ida

uning.

Guru : Nah, suksma Tu. Buin kejep Bapak matakon teken Luh Indra.

Ring bebaosane ring ajeng punika wenten kruna sane tan nganutin sor singgih basa. Sapunapi sapatutne mangda nganutin sor singgih?

• ‘ida’ olih sisia patut kagentosin antuk ‘ipun’

• ‘indayang’ olih sisia patut kagentosin antuk ‘tegarang’

• ‘teken’ olih guru patut kagentosin antuk ‘majeng ring’

• ‘wenten napi’ olih sisia patut kagentosin antuk ‘ada apa’

• ‘makada’ olih guru patut kagentosin antuk ‘sane mawinan’

Uratiang punggelan carita ring sor!

“Kreot … gedablag. Nyerit I Timun Mas, mara ampakanga jelanane, nengok I Raksasa. “Uduh … tulung … tulungin tiang … “ I Timun mas gelur-gelur ngidih tulung nanging tusing ada bani maakin. I Pangangon bebek jek macucun jaler saha ngomong, “ampura ning, dewek tuara bani teken I raksasa.” I Timun Mas jeg saupa lantas tegena plaibanga teken I Raksasa. I Timun Mas ngeling kameme-meme tusing ada nak nulungin”.

Basita paribasa sane wenten ring lengkara ring ajeng ngeranjing ring soroh …

• Sloka

• Sesonggan

• Bladbadan

• Sesenggakan

• Wewangsalan

Uratiang pupuh ring sor!

Kema beli malipetan

Mulih beli dina jani

Eda liu mararasan

Belog beliné kalangkung

Beli salah padidian

Cendek jani

Niki anggé kapitresnan

Yening kacingak saking padalingsanyane, pupuh ring ajeng wantah wangun pupuh….

• Ginanti

• Sinom

• Durma

• Pucung

• Ginada

Wacen punggelan wacana ring sor!

Luh Manik

Kacrita wenten anak istri sane sugih mawasta Luh Manik. Luh Manik sampun masekolah ring SMA. Marasa ring dewek jegeg, engsap ipun ring swagina malajah. Tan naenan ngutang galah, setata luas malali ajaka timpal-timpalnyane. Ri tepengan wenten jumah ten naenin ngejang HP, pragat SMS-an. Memenne sampun marasa kenyel ngwelin, nenten kalinguang. ………

Yening uratiang kutipan satua bawak punika, pragina Luh Manik madue watak sane …….

• Mayus malajah

• Seleg malajah

• Sombong

• Jemet

• Jail

Uratiang punggelan babaosan ring sor!

Arta : Yan mula saja wanen, eda buin ngantiang selah len! Jalan jani tegulang kancute dini!

Sila : Indik ngedengang kawisesan, tiang atapak tuara makirig, Bli. Sakewala unduke apang tinglas malu. Apa ane makada Bli teka mai misi galak nigtig tangkah buka keto?

Arta : Eda mapi-mapi sadu cai, Satya! Icang suba nawang cai ne mapisuna di banjar ngorahang icang madagang di tajen mabekel penglaris.

Sila : Adeng-adeng malu Bli ngraos. Dija Bli maan orta buka keto? Tiang tuara nawang unduk. Ka tajen gen tiang tuara taen, dija ja tiang maan rungu unduk Bli madagang di tajen?

Arta : Ah, eda suba liu buin ngraos. Cendek jani edengang wanene. Ne jagur icang di arep. Eda ngantiang uli duri buin!

Saking punggelan drama punika prasida kauningin….

• Sila gedeg teken Arta

• Arta salah tampi teken Sila

• Arta makeneh ngidih pelih teken Sila

• Arta miwah Sila madue bikas sane pateh

• Sila lantas nantangin Arta sawireh tusing terima teken unduk

Wacen punggelan babaosan ring sor!

Luh Camplung : Yadiastun beli ngomong keto nanging ring manah tiange beli

ne paling utama.

Madiun : Ampura luh beli anak suba mebunga layu ngajak Luh Wayan.

Luh Camplung : Ih Luh Wayan to ae beli keto muane buka tain sampine

ujanan demenan beli?

Madiun : Yadiastun Iluh ngorang keto beli tetep ……… ngajak Luh Wayan

Luh Camplung : Beh eda ja beli metaluh nyuh teken tiang, nah megedi ba jani

Beli, tingalin buin pidan enken penadine.

Bladbadan sane patut anggen nyangkepin babaosane sane macetak tebel punika wantah….

• Mawayang gadang

• Makamen disunduk

• Majempong bebek

• Makunyit di alas

• Majoan pancing