ISOLA
Ku : Devi Yuliana
Detik nilik-nilik rasa sirik
Menit milang wanci anu pedit
Jam ngukur-ngukur anu micangcam
Poe haben ngajen rasa rehe
Ngayuh kana minggu
Rumangkak nepi ka bulan
Terus nincak kana taun
Jog kana sawindu
Teu lila hanjat ka saabad
Lebah dinya
Caringin aya keneh
Ngabedega hareupeun Isola
Mahoni kari tunggulna
Hanjeli geus teu kaciri
Sesana hiji kalakay kadua regang
Rebuan daun maluguran
Geus nepi kana durukan
Silalatuna kabawa anginna lilimbungan
Ngapung ka alak paul ucing-ucingan
Lebah dinya …
Ancag incig hareupeun Isola
Nu ayeuna kapanasan
Sajak “ISOLA” mangrupa karya …..