Bahasa jawa

RUDI LAN PS3

Ing bug sacedhake prapatan, katon nom-noman kang lagi padha cangkrukan.

Tomo : Cangkrukan sore-sore ngene iki enak banget ya? (sambi molet)

Hasan : Iya Tom, bener. Aku ya seneng banget, bisa ngerti wong sliwar-sliwer.

Salim : Padha, aku iya. Amerga aku ora perlu nunggu toko ing omah. (ngadeg)

Hasan : (ngethak Salim) Pancen anak durhaka kowe iku Lim, Lim. dikongkon mbokmu jaga toko kok malah dolan.

Salim : (ngendha saka kethakane Hasan) Heh! San, awakmu iki kok ngethak-ngethak wong sakenake dhewe wae? Kok kira aku iki anakmu ngono ta? (rada nesu)

Hasan : Ya ora ngono Lim, mung aku iki ora tega karo ibumu, wis randha duwe anak siji wae kok angel menawa dikongkon rewang-rewang. (sinambi ngelus dhadha) Apa awakmu ora mesakake mbokmu?

Salim : Ya jelas ngesakake ta, San. Tapi aku cah enom kan ya pengin dolan barang. Mosok arep neng omah terus, boring man, boring! (karo tangane melu obah-obah, ekspresif)

Hasan : Perasaanku wiwit biyen gaweanmu mung dolan thok. (karo nglirik, nyindir salim)

Alur saka pethikan teks wacan kasebut yaiku alur ....

• A. maju

• B. mundur

• C. maju mundur

• D. campuran

Saka wacan ing ndhuwur bisa didudut watak saka paraga Hasan yaiku

• A. seneng dolan

• B. seneng tetulung

• C. seneng aweh pitutur

• D. seneng nyemoni (nyindir)

Wacanen kanthi titi!

Puluhan taun kali lamongan mbanjiri warga ing sakiwa tengene. Gresik, Walikota Surabaya, Gubernur Jawa Timur, Wis bola-bali ganti, nanging meksa durung bisa ngatasi banjir kali ing tapel wates kabupaten Gresik lan kotamadya Surabaya iku. Saben taun warga kecamatan Benjeng, Menganti, Cerme ing kabupaten Gresik lan warga kecamatan Benowo ing surabaya iku mesthi keleban banjir, sing sok nganti nuwuhake kurban jiwa. Tanduran pangan padha kelem, iwak-iwak ing tambak padha kentir embuh parane. Sing sekolah kepeksa prei amarga sekolahane kebanjiran. Kantor kecamatan, kantor desa, Polsek lan Koramil, uga ora bisa weh paladenan jalaran kelem

Pethikan struktur teks observasi ing ndhuwur kalebu perangan ....

• A. dhefinisi umum

• B. dheskripsi bagean

• C. dheskripsi manfaat

• D. dheskripsi dhefinisi

Rafida Helmi lair ing tanggal 31 Juli 1998 ing Sukabumi, Jawa Barat.

Dheweke kenya putrine bapak Helmi lan ibu Rofi’ah. Rafida pancen pinter lan genius. Umur lagi 14 taun wis nyandhang status mahasiswi kedokteran ing Universitas Islam Sultan Agung (Unissula) Semarang.

Setaun sinau ing TK banjur mlebu SD Sriwedari Sukabumi mung mbutuhake wektu 5 taun,jalaran mlebu kelas akselerasi.Ing SMP lan SMA uga mlebu kelas akselerasi,kabeh mung mbutuhake wektu 4 taun. Prestasine Rafida ngetutake mbakyune, yaiku Rina Helmi sing tau kawisuda dadi dokter paling enom ing FK UGM.Rafida kasil jalaran wong tuwane ditanemake kesadharan sinau dhewe-dhewe.

Babagan kang bisa dituladhani saka Rafida Helmi yaiku…

• A. Sekolahe pinter

• B. Prestasine apik

• C. Sadhar sinau dhewe

• D. Melbu kelas akselerasi

Padhang Bulan

Yo pra kanca dolanan ing jaba

Padhang bulan,padhange kaya rina

Rembulane-ne kang ngawe-awe

Ngelingake aja padha turu sore

Lagu kasebut dinyanyikake nalika wayah….

• A. Isuk

• B. Awan

• C. Sore

• D. Bengi

Isi saka tembang ing dhuwur yaiku….

• A. Ngajak tukaran

• B. Ngajak dolan bareng kanggo nambah kanca

• C. Ngajak turu sore

• D. Ora oleh turu

Wacanen kanthi tliti !

Saka 300 wit sanakembang sing diborong Rp 5.000.000,- dening juragan kayu bakar, wis ana 200 wit sing ditegor kuli-kuline. Panegore diwiwiti saka elor, wis ngliwati warung satene Abu Bakri, malah wis kliwat adoh mengidul tekan cedhak pasar Kedungadem. Nanging wit sanakembang ing ngarep warunge Abu Bakri isih meger-meger.

31. Saka wacan ing ndhuwur bisa dimangerteni yen latar panggonane yaiku…

• A. ing sekolah

• B. ing pasar

• C. ing tegalan (kebon)

• D. ing omah

Gatekna teks geguritan iki!

BUKU

(Dening: Anggit Panggrahita, S.Pd.)

Buku iku sumbere ilmu

Bisa dadi gantine guru

Tanpa buku, siswa ora bisa maju

Sumbering kawruh tumprap sing ngeluru

Mundhak kawruhe, tambah wasise lan pintere

Ya merga saka buku

Buku ora kena kanggo lemek tahu

Kudune diwaca lan disinau

Sing ora seneng maca buku kuwi wong sing mblilu

Yen kepengen sugih ilmu

Ya kudu taberi anggone sinau

Guru ora bisa pisah karo buku

Jagading pendhidhikan ora bisa uwal

Ninggalake buku sing mutu

(PS. No. 20: 19 Mei 2018)

39. Tema kang mathuk kanggo geguritan kasebut yaiku ....

• A. Buku

• B. Pendhidhikan

• C. Siswa

• D. Guru

KI HAJAR DEWANTARA

Ki Hajar Dewantara miyos ing Jogyakarta tanggal 2 Mei 1889, kagungan asma asli RM Suwardi Suryaningrat. Panjenengane miyos ing lingkungan kulawarga bangsawan saka trah Kraton Ngayogjakarta. Ki Hajar Dewantara kepengin bisa srawung lan cedhak karo kawula cilik, mula gelar kebangsawanane ora diagem lan ganti asma dari Ki Hajar Dewantara.

Sawise ngrampungake pendhidhikan dhasar Ki Hajar Dewantara nerusake pasinaon menyang STOVIA nanging ora nganti tamat, jalaran nandang gerah. Sabanjure Panjenengane nyambut gawe dadi wartawan yaiku ing layang kabar De Express, utusan Hindia, lan kaum muda. Liwat tulisan-tulisane mau Ki Hajar Dewantara ngobarake semangat anti kolonialisme.

Saka wacan kasebut, kang njalari Ki Hajar Dewantara ganti jeneng yaiku …

• A. Supaya bisa srawung lan cedhak karo kawula cilik.

• B. Panjenengane miyos ing lingkungan kaluwarga bangsawan

• C. Panjenengane kagungan asma asli RM Suwardi Suryaningrat

• D. Gelar kebangsawanane ora diagem

1) Cublak-Cublak Suweng

2) Stasiun Balapan

3) Menthok-Menthok

4) Sluku-Sluku Bathok

5) Kuncung

Tembang-tembang kasebut sing kalebu jenis tembang kreasi yaiku ….

• A. 1 lan 4

• B. 2 lan 5

• C. 3 lan 5

• D. 2 lan 4