Հանելուկներ

Գուշակի՛ր հանելուկը.

Հագնում է կանաչ ու շքեղ շորեր

Եվ զարդարում է հողագունդը մեր,

Զարթոնք է բերում սարին ու դաշտին՝

Զուգում, պճնում է անտառ ու այգի:

• աշուն

• ծառ

• ծաղիկ

• գարուն

Գուշակի՛ր հանելուկը.

Հագած ճերմակ, շքեղ բաճկոն՝

Զարդարում է ձեր երեկոն,

Ո՞վ է հյուրը այդ ցանկալի,

Որ բերում է ձեզ նոր տարի:

• տատիկն ու պապաիկը

• ձմեռ

• Ձմեռ պապ

Գուշակի՛ր հանելուկը.

Ձմեռվա ցրտին՝ շրջում է տխուր,

Փշրանք տեսնելիս՝ ճտճտում-պարում,

Ո՞ր հավքն է, գիտե՞ս, տխուր ոստոստում,

Կանաչ գարուն է անվերջ երազում:

• արագիլը

• ճնճղուկը

• ծիծեռնակը

Գուշակի՛ր հանելուկը.

Երբ դնում ենք, կտրատում,

Մանրիկ-մանրիկ մասնատում,

Լացացնում է ինձ ու քեզ,

Անունն ասա, թե գիտես:

• կանաչի

• սոխ

• վարունգ

• լոլիկ

Գուշակի՛ր հանելուկը.

Երեսունվեց քաջ, արի եղբայրներ

Մեր ուղեցույցն են բյուրավոր դարեր,

Ծաղիկ են դառնում, բացվում մեր շուրթին՝

Մենք փոխանցում ենք մեր սերունդներին:

• երգ

• խոսք

• բառ

• Մաշտոցյան այբուբեն

Գուշակի՛ր հանելուկը.

Հազարածալ, հազար թերթիկ՝

Ունի անհուն խորհուրդ ու միտք,

Ով որ նրան ձեռքն է առնում,

Միտքը լույսով է զարդարվում:

• հեռախոս

• նկարչական ալբոմ

• գիրք

• համակարգիչ

Գուշակի՛ր հանելուկը.

Պոչը թավիշ ու երկար,

Շրջում է լեռ, դաշտ ու սար,

Սրտում վախ կա ու մեծ ցավ՝

Երազում է թառ ու հավ:

• նապաստակ

• աղվես

• շուն

Գուշակի՛ր հանելուկը.

Երեսուներկու ժիր եղբայրներ՝

Տրորում են սնունդը մեր,

Կարծր են, ճերմակ, թե գուշակես,

Նրանց ինչպե՞ս կանվանես:

• ատամներ

• ձեռքեր

• ոտքեր

Գուշակի՛ր հանելուկը.

Թեև չենք տեսնում ու չենք շոշափում,

Բայց նրանով ենք ապրում ու ծնչում,

Իմացիր, ի՞նչ է անունը նրա՝

Անչափ կարևոր աշխարհի վրա:

• օդ

• սնունդ

• խաղալիք

Գուշակի՛ր հանելուկը.

Ո՞վ է խուսափում դասից ու գրքից,

Եվ աչքը բնավ չի կտրում դրսից,

Կամ խանգարում է սրան ու նրան,

Ինչպե՞ս կանվանեք արդյոք դուք նրան:

• աշխատասեր

• ծույլ

• խելացի

• գիտուն