Складаныя сказы з рознымі відамі сувязі (Варыянт 2)

Адзначце правільнае сцвярджэнне:

У складаных сказах з рознымі відамі сувязі па сэнсавай цэласнасці можна вылучыць…

• адну сэнсавую частку

• дзве сэнсавыя часткі

• тры сэнсавыя часткі

Адзначце сказы, у якіх правільна расстаўлены знакі прыпынку

• Лабановіч адчуваў вялікае маральнае задавальненне вучні займаліся дружна, старанна і рабілі значныя поспехі.

• Бацька шкадаваў, што няма маці дома ў такі цяжкі час, але ён спадзяваўся,што яна хутка прыйдзе.

• А хлопец гаварыў, і голас яго зрываўся на дзіцячы ўскрык, у якім чулася нечалавечая крыўда, крывавы боль растаптаных мар, спадзяванняў.

• Вечар быў млосны, дзённая спёка ўжо сышла, але ў паветры яшчэ патыхала духменем.

Што ўяўляе сабой у складаным сказе першая сэнсавая частка па граматычнай будове?

Над ускрайкамі лесу, дзе пачыналіся жоўтыя пяскі, зазвінела песня ляснога жаваранка; ён першы тут вітаў надыход дня.

• просты сказ

• складаназлучаны сказ

• складаназалежны сказ

• бяззлучнікавы сказ

Адзначце складаныя сказы са злучальнай і падпарадкавальнай сувяззю побач, дзе паміж злучальнымі і падпарадкавальнымі злучнікамі не патрэбна ставіць коску

• Стаяла чэрвеньская ноч, і , калі ў буйной квецені красуе зямля, поўніцца сокамі лісцвяны змрок лесу, то у цішы ночы чуваць, як шамаціць вожык пад кустом, збіраючыся ў начныя паходы.

• Ночы золкія, пранізлівыя, халодныя, і, калі часам не бывае дажджу,выбліскваюць зоры.

Адзначце сказы з рознымі відамі сувязі

• Мартын не ўправіўся адказаць: з боку лесу пачулася глухое тухканне ног па мяккай зямлі.

• Адчыніш ціха фортачку- павее халадок.

• Цяпер нам трэба паставіць справу так, каб гультаю ў калгасе было як ваўку на марозе.

• У хмары месяц зайшоў, і бляск зорны патух.

• Трэба было адпачыць, але Іван адчуваў, што калі ўпадзе ў снег, то, напэўна, болей ужо не ўстане.

Адзначце сказ, які адпавядае схеме:

[ наз.,(які…), ….], а [… ].

• У кроплі расы зіхаціць сонца, у магічным крышталі слова- ключ, якім можна адамкнуць скарбніцу мовы народа.

• Мы добра бачым тую небяспеку, якая пагражае людзям, і трэба зрабіць усё для таго, каб адвесці бяду.

• Шлях, які ляжыць паміж Масквой і Мінскам, масквічы называюць Мінскай шашой, а мінчане — Маскоўскай.

• Святлела неба, і недзе там, куды бег паравоз, разгараўся ўжо новы дзень.

Адзначце сказ з бяззлучнікавай, злучальнай і падпарадкавальнай сувяззю

• Запярэсцілі рознакаляровыя краскі, на пожнях расце збажына, а поруч з ёй вылазіць лапушысты асот, які імкне да сонца.

• Я ўпершыню так далёка ад родных мясцін, і ты мне прабачыш,калі я раптам заплачу.

• Ночка цёмная глядзела ды цямнейшай стала, адна зорка мігацела- і тая прапала.

• Бацька шкадаваў, што няма маці дома ў такі цяжкі час, але ён спадзяваўся, што яна хутка прыйдзе.

Адзначце сказы з бяззлучнікавай і падпарадкавальнай сувяззю частак

• Збіраючы букет з летніх кветак, трэба быць вельмі асцярожым: калі сарваць кветку казяльца, можна апячыся!

• Будзь толькі добры з лесам, шчырым, і ён пакажа табе ўсе свае таямніцы, шчыра падзеліцца багаццем, што хавае ад благога вока.

• Усе заціхлі, было чуваць, як за акном залапатаў па лісці дождж.

• Некуды спяшаецца цягавітая мурашка, уверх па сцябліцы паўзе спакойная божая кароўка, нястомна таўкуць мак дурнаватыя мошкі, якія зусім не думаюць пра тое, што вечарам, з першым павевам холаду, яны ўсе загінуць.

• Па кутах кладуцца цені, за акном робіцца ўраз цёмна, і маленькія фігуркі знікаюць.

Адзначце складаныя сказы з рознымі відамі сувязі частак, у якіх правільна пастаўлены знакі прыпынку паміж часкамі

• Пасажыраў у вагоне было нямнога і Лабановіч пераходзіў ад аднаго акна да другога, каб разгледзець гэтую мясцовасць і хоць прыблізна адгадаць, дзе яго новая школа.

• Я зразумеў: малады афіцэр моцна перажывае з-за нечага, што адбылося на вайсковай службе.

• Міналі дні, а душэўны неспакой не знікаў, нягледзячы на тое што Янка паправіўся, добра сябе адчуваў і рос здаровенькім.

• Андрэйка ніколі не дазваляў, каб ім камадавалі дзяўчынкі: і ён нават крыху раззлаваўся.

• Час ад часу на гарачых папялішчах разрываліся снарады, якімі абстэльвала горад марская эскадра, і тады велізарныя фантаны іскраў шугалі ў чорнае неба, рассыпаліся вогненнымі феерверкамі і падпальвалі ўсё, што яшчэ не гарэла…

Адзначце варыянт адказу, дзе правільна ўказаны ўсе лічбы, на месцы якіх у сказе трэба паставіць коску:

Яшчэ сонейка не прагрэла як след веснавой зямлі (1) аднак ужо насустрач яму выцягнула сваю зялёную сцяблінку невялікая кветачка (2) якую мы называем ‘маці- і- мачыха’ (3) і якая атрымала гэту назву за своеасаблівае лісце (4) з ніжняга боку лісцікі нагадваюць ласкавыя матчыны рукі (5) бо яны пяшчотныя, цёплыя, а з верхняга боку лісцікі халодныя, бы злая мачыха.

• 3, 4, 5

• 1, 2, 5

• 1, 2, 3, 4

• 1, 2, 3, 5

• 2, 3, 5