Գ.Մահարի, Շ.Շահնուր,Հ.Շիրազ, Ն.Զարյան /ամփոփում/

Ի՞նչ սկիզբ ունի Շահան Շահնուրի «Նահանջը առանց երգի» վեպը:

• «Ներածություն»

• «Մուտք»

• «Առաջին գլուխ»

• «Առաջաբան»

Նշվածներից ո՞վ Շահան Շահնուրի «Նահանջը առանց երգի» վեպի հերոսներից չէ:

• Համբարձումը

• Սուրենը

• Հրաչը

• Միսաքը

Նշվածներից ո՞վ Շահան Շահնուրի «Նահանջը առանց երգի» վեպի հերոսուհիներից չէ:

• Սյուզին

• Եպրաքսե հանըմը

• մադամ Լանպեռը

• Փթիթ Լիզը

Ո՞ր պնդումն է սխալ Շահան Շահնուրի «Նահանջը առանց երգի» վեպի վերաբերյալ:

• Հեղինակը դիտարկել է Ֆրանսիայում նոր-նոր ձևավորվող հայ գաղութի կյանքը:

• Վեպում պատկերված են օտարության մեջ հայտնված հայ մարդկանց սիրո և բարոյականության խնդիրները:

• Վեպում ազգային ակունքներից նահանջի և հայապահպանության խնդիրներն արծարծված են Պիեր-Նենեթ դրամատիկ սիրավեպին համաձույլ:

• Օտար միջավայրն ու բարքերը չեն ազդում ֆրանսիացի չդարձած Պետրոսի վրա, և նա Նենեթի մահից հետո հայերենով արտասանում է «Հայր մեր»-ը:

Պնդումներից ո՞րն է սխալ Շահան Շահնուրի «Նահանջը առանց երգի» վեպի հերոս Սուրենի վերաբերյալ:

• Նա ազգային խնդիրների վերաբերյալ հեղինակի դատողությունների, խոհերի հիմնական կրողն է:

• «Նահանջող» հերոսներից նա առանձնանում է իր խոսքի խորությամբ, մտավոր կարողությամբ:

• Թեև փորձում է ազգային փրկության լուծումներ գտնել, սակայն իր անձնական կյանքով նա ընտրում է թույլ դիմադրության ուղին:

• Հուսալքությունն ու անկարողությունը ի վերջո նրան նետում են թմրամոլության գիրկը:

Ո՞ր շարքում նշված բոլոր հեղինակներն են սփյուռքահայ:

• Համաստեղ, Հակոբ Մնձուրի, Մուշեղ Իշխան

• Կոստան Զարյան, Հակոբ Օշական, Միսաք Մեծարենց

• Վազգեն Շուշանյան, Դանիել Վարուժան, Վահան Թեքեյան

• Անդրանիկ ծառուկյան, Հակոբ Կարապենց, Հակոբ Պարոնյան

Ի՞նչ հիմնահարց է արծարծում Շահան Շահնուրը «Նահանջը առանց երգի» վեպում:

• նահանջ մարտի դաշտից

• նահանջ ազգային արմատներից

• նահանջ իրականությունից

• նահանջ Արևմտյան Հայաստանից

Ո՞ր պնդումը ճիշտ չէ Շահան Շահնուրի «Նահանջը առանց երգի» վեպի վերաբերյալ:

• Վեպում Շահնուրը բարձրացնում է հայերի ձուլման, ազգային գաղափարներից նահանջելու խնդիրը:

• Հեղինակի կարծիքով ազգապահպանության հիմքը ընտանիքն է, որի քայքայումից էլ սկսվում է ազգային կորուստը:

• Շահնուրին մտահոգում է ոչ միայն հայության ներկան, այլև ապագան. չէ՞ որ ձուլման ճանապարհը բռնած վաղվա սերունդը այլևս հայ չի լինի:

• Շահնուրի հերոսները սիրում են իրենց հայրենիքը, բայց օտար հողում ապրում են երջանիկ:

Ո՞ր պնդումն է ճիշտ Շահան Շահնուրի «Նահանջը առանց երգի» վեպի վերաբերյալ:

• Վեպում պատկերված են Երկրորդ աշխարհամարտին հաջորդող տարիները:

• Շահնուրը պատկերում է Մեծ եղեռնի տարիների սարսափները:

• Վեպի հիմնական նպատակը ֆրանսիական իրականության ապականված բարքերի պատկերումն է:

• Վեպի առանցքային խնդիրը ազգապահպանության գաղափարն է:

Շահան Շահնուրի «Նահանջը առանց երգի» վեպի ո՞ր հերոսն է տարբերվում նահանջողներից, երազում մեկնել Հայաստան՝ «ճահիճները չորցնելու և ջրանցքներ բանալու»:

• Սուրենը

• Զարեհը (Լոխումը)

• Պետրոսը (Պիերը)

• Հրաչը