Մաթեմատիկական ճոճանակ

Ո՞ր բանաձևով է որոշվում  $l$  երկարությամբ մաթեմատիկական ճոճանակի ներդաշնակ տատանումների պարբերությունը, եթե ազատ անկման արագացումը g  է :

•  $\sqrt{\frac{l}{g}}$  

•  $\frac{1}{2\pi}\sqrt{\frac{l}{g}}$   

•  $2\pi\sqrt{\frac{l}{g}}$  

•  $\sqrt{\frac{g}{l}}$  

Ո՞ր զույգ մեծություններից կախված չէ մաթեմատիկական ճոճանակի ներդաշնակ տատանումների պարբերությունը:

• Բեռի զանգված և թելի երկարություն:

• Լայնույթ և թելի երկարություն:

• Ազատ անկման արագացում և թելի երկարություն:

• Լայնույթ և բեռի զանգված:

Ինչպե՞ս կփոխվի մաթեմատիկական ճոճանակի ներդաշնակ տատանումների պարբերությունը, եթե նրա երկարությունը փոքրացնենք 4 անգամ:

• Կմեծանա 4 անգամ

• Կփոքրանա 4 անգամ

• Կմեծանա 2 անգամ

• Կփոքրանա 2 անգամ

Ինչպե՞ս կփոխվի մաթեմատիկական ճոճանակի ներդաշնակ տատանումների հաճախությունը, եթե տատանումների լայնույթը մեծացնենք 9 անգամ:

• Կմեծանա 9 անգամ

• Կմեծանա 3 անգամ

• Կփոքրանա 3 անգամ

• Կմնա նույնը

Ճոճանակավոր ժամացույցն առաջ է ընկնում: Ի՞նչ է անհրաժեշտ կատարել, որպեսզի ժամացույցը ճիշտ աշխատի:

• Մեծացնել ճոճանակի բեռի զանգվածը:

• Փոքրացնել ճոճանակի բեռի զանգվածը:

• Մեծացնել ճոճանակի երկարությունը:

• Փոքրացնել ճոճանակի երկարությունը:

Ինչպե՞ս կփոխվի մաթեմատիկական ճոճանակի տատանումների պարբերությունը, եթե այն Երկրից տեղափոխվի Լուսին:

• Կմեծանա

• Կմնա նույնը

• Կփոքրանա

• Լուսնի վրա մաթեմատիկական ճոճանակը չի տատանվի:

Ինչպե՞ս է ուղղված մաթեմատիկական ճոճանակի բեռի վրա ազդող ուժերի համազորը ճոճանակի ամենամեծ շեղման դիրքում:

• Հորիզոնական ուղղությամբ:

• Թելի երկայնքով:

• Հետագծի շոշափողով դեպի հավասարակշռության դիրքը:

• Համազորը զրո է:

Որքա՞ն է մաթեմատիկական ճոճանակի թելի երկարությունը, եթե այն 12 վ-ում կատարում է 6 տատանում: Ընդունել` $\pi^2=$ 10 :

• 1 մ

• 2 մ

• 10 մ

• 20 մ

Որքա՞ն է մաթեմատիկական ճոճանակի սեփական տատանումների հաճախությունը , եթե նրա երկարությունը  $\frac{5}{18}$ մ  է: Ընդունել՝   $\pi$  =3

• 1,5 Հց

• 1Հց

• 5 Հց

• 2,5 Հց

Մաթեմատիկական ճոճանակներից մեկի ներդաշնակ տատանումների պարբերությունը 2 վ է, իսկ մյուսինը`4 վ: Որքա՞ն է երկրորդ և առաջին ճոճանակների երկարությունների հարաբերությունը:

• 12

• 8

• 2

• 4