Праверачная работа па тэме "Злучнік"

Адзначце падпарадкавальны злучнік

• але

• не то - не то

• што

Выберыце правільны адказ і закончыце фармулёўку: паводле складу злучнікі падзяляюцца на...

• простыя і састаўныя

• злучальныя і падпарадкавальныя

• адзіночныя, паўторныя і парныя

Адзначце сказ, у якім злучнік звязвае часткі складанага сказа

• Не любіць жыццё аднастайнасці, а прагне штодня навізны.

• Патрэбна штодзённая людзям руплівасць і песні, каб лашчыла сонца і слых.

• Будаўнічы атрад не толькі адрамантаваў школу, але і пабудаваў майстэрню.

Адзначце сказ, у якім падпарадкавальны злучнік афармляе часавыя адносіны паміж часткамі.

• Дзядок-ляснік няспешна растлумачыў, як лепей з пушчы выбрацца на шлях.

• Вяскоўцы спадзяваліся, што хутка пойдзе дождж.

• Калі развіднела, хлапчукі адправіліся ў вёску.

Адзначце сказ, у якім злучнік мае наступныя марфалагічныя прыметы: просты, адзіночны, падпарадкавальны, мэтавы.

• З маленькай крынічкі на Уздзеншчыне пачынаецца Нёманец, каб пасля стаць бацькам Нёманам.

• Усё зацвіло, загаманіла, бы жыватворная іх сіла ад сну прыроду абудзіла.

• Як хвалі шырокага мора, плывуць нашай славы гады.

Вызначце, у якім сказе на месцы пропуску перад злучнікам і коска не ставіцца

• Праз лясы_ і палеткі цягнік імчыццца ды імчыцца.

• Прыйшоў вясёлы красавік_ і ўся зямля красой запела.

• У жыцці маім даводзілася сеяць, і веяць_ і араць, і касіць.

Вызначце сказ з падпарадкавальным злучнікам (знакі прыпынку не пастаўлены)

• Сонца ўжо даўно звярнула з поўдня але свяціла яшчэ горача.

• На дварэ было цёмна затое яснымі былі думкі ў чалавека.

• Прыказкі заўсёды маюць павучальны сэнс паколькі іх стварае народная мудрасць.

Адзначце, у якім сказе (за) тое пішацца разам.

• Чаго было чапляцца (за) тое, што навек адышло, сплыло ў нябыт.

• Удзень свяціла сонца і нават было горача, (за) тое ноччу дацінаў холад.

• Люблю мой край (за) тое, што ў ім часы другія, што згінула былое.

Вызначце, колькі косак трэба паставіць у сказе.

Мова развіваецца і мы сведкі паступовых але прыкметных змен у будове асобных слоў іх правапісе і ўжыванні.

• дзве

• тры

• чатыры

Чым адрозніваюцца падпарадкавальныя злучнікі ад злучальных?

• падпарадкавальныя злучнікі звязваюць словы ў словазлучэнні

• падпарадкавальныя злучнікі звязваюць часткі сказа, у якіх адна з іх залежыць ад другой

• падпарадкавальныя злучнікі звязваюць раўнапраўныя па сэнсе часткі сказа