Бяззлучнікавы складаны сказ

Адзначце бяззлучнікавыя складаныя сказы

• Сонца ўжо звярнула з поўдня, але свяціла горача.

• Серабрацца невялікія звілістыя рэчкі, пабліскваюць сцюдзёныя крыніцы.

• З маленства навекі душой палюбіў зялёнае поле, блакітнае неба, світанні над лесам і золата ніў.

• Гамоняць зялёныя сосны, шумяць у прысадах бярозы.

Адзначце бяззлучнікавыя складаныя сказы з трыма часткамі.

• Усё навокал спявала, цешыла музыкай: Нёман манатонна нашэптваў свае адвечныя песні; вербы шамацелі лісцем, спявалі славу сонцу.

• Ведаю: сіняй таёжнай вясною пырснула позна на схілах трава.

• Пайдзі лугамі ў поўдзень светлы – увесь твой край, як сад, цвіце.

• Час ад часу на лёску намотваліся водарасці, паплаўкі ападалі на дно – прыходзілася выцягваць вуды.

Адзначце правільнае заканчэнне наступнай фармулёўкі.

Двукроп’е паміж часткамі ў бяззлучнікавых складаных сказах ставіцца…

• калі другая частка раскрывае прычыну таго, пра што гаворыцца ў першай частцы;

• калі першая частка паказвае на ўмову або час таго, пра што гаворыцца ў другой частцы;

• калі другая частка раскрывае, паясняе ці дапаўняе змест папярэдняй;

• калі змест наступнай часткі супрацьпастаўляецца зместу папярэдняй.

Адзначце правільныя сцверджанні.

• Працяжнік паміж часткамі бяззлучнікавага складанага сказа ставіцца, калі часткі паказваюць на хуткую змену падзей або другая частка паказвае на вынік.

• Часткі бяззлучнікавых складаных сказаў падзяляюцца на аднатыпныя і разнатыпныя.

• Асноўнымі сродкамі сувязі частак у бяззлучнікавым складаным сказе з’яўляюцца злучнікі і злучальныя словы, сэнс.

• Кропка з коскай паміж часткамі бяззлучнікавага складанага сказа ставіцца, калі сэнсавая сувязь паміж часткамі не надта цесная і часткі вызначаюцца адноснай самастойнасцю.

Адзначце сказы, у якіх на месцы пропуску ставіцца двукроп’е.

• Тая восень вечна будзе зоркай яснаю плысці _ восень будуць людзі вечна славіць у жыцці.

• Аглянуўся _ кусцікі згінулі ў процьме ночы.

• Недзе ўгары свяціла негарачае сонца _ вершаліны елак ціха гарэлі ў ягоных бліскучых промнях.

• Плынь пачала супакойвацца _ Быстранка нібы сагнала ахвоту, пайшла павольней.

Адзначце сказы, у якіх на месцы пропуску ставіцца працяжнік.

• Ніводнага з гэтых магутных дрэў не магла б узяць ніякая піла _ такія яны былі тоўстыя.

• Вясёлыя ліпы шумяць пад акном _ на кожнай галінцы лісток прабіваецца.

• І бачу дзіва _ упоперак ракі, шпаркае Шчары, сунецца роўна і досыць хутка ахапак, нават цэлая паўкапа сена ці травы.

• Ціха ўсюды _ ні самалётаў, ні гармат.

Колькі і якіх знакаў прыпынку павінна быць у сказе? Адзначце нумар правільнага адказу.

Спяшаліся сустрэчныя машыны спакойна пасвіліся пад дажджом каровы плавалі ў сажалцы гусі качкі прыкрыўшыся парасонам прабегла па сцежцы ўсцяж дарогі маладзіца перад шлагбаумам спыніўся аўтобус.

• кропка з коскай, 5 косак;

• 6 косак;

• 5 косак;

• 7 косак.

Адзначце сказы, у якіх другая частка дапаўняе першую, развіваючы дзеяслоў-выказнік.

• Праўду кажуць: воўк сабакі не баіцца, але звягі не любіць.

• Пара выгнанніку ў дарогу: чакаюць коні і вазак.

• Засцілае стэпы хмарай пыл зялёны і густы: едзе пара ўслед за парай, топчуць травы капыты.

• Таня нахілілася да акна: “страказа” якраз узлятае над іхнім селішчам.

Адзначце бяззлучнікавыя складаныя сказы, паміж часткамі якіх знакі прыпынку пастаўлены правільна:

• Людзей Руды адрозніваў па абутку: на ўзроўні вачэй ён бачыў менавіта чаравікі, боцікі, красоўкі...

• І вось пачуўся трэск: нехта ламіўся праз ельнік.

• Часам бачу, хаваеш у вейках іскрыначкі слёз.

• І кружыць галаву рачная быстрыня: бягуць насустрач мне нястомныя рамонкі.

Які знак прыпынку трэба паставіць паміж часткамі бяззлучнікавага складанага сказа?

Зноў дзіва міма Алеся паспяшаў да сходаў бацька.

• коска

• двукроп'е

• працяжнік

• кропка з коскай