Ulangan Harian Bab Unggah-Ungguh Basa

Ing ngandhap menika ingkang trep migunakaken basa krama alus inggih menika...

• Simbah tindak Semarang tumbas sinjang.

• Bapak mriksani bal-balan wonten ing lapangan.

• Pakdhe kesah dhateng sabin.

• Adik tumbas layangan ing warung

• Bapak lagi sare ing kamar.

Nyuwun tulung sampeyan tumbasaken kabetahan kangge kegiyatan dangunipun tigang dinten. Basa ingkang dipunginakaken inggih menika…

• ngoko alus

• krama alus

• ngoko lugu

• krama lugu

• krama madya

Pak Karto: “Kapan panjenengan anggenipun rawuh, Pak?”

Pak Sukro:……….

Ukara ingkang trep kangge mangsuli pitakenan ing nginggil inggih menika…

• Kala wingi sonten anggenipun kula dugi.

• Wingi sore anggonku teka

• Wingi sonten anggonku rawuh

• Kala wingi sonten anggenipun kula rawuh

• Kala wingi sore anggenipun kula dhateng

“Ibuk, tindak dhateng toko badhe (…. ....) menapa? Kok boten nimbali kula mawon, janipun kula ugi badhe (...….) buku tulis kangge cathetan.” Tembung ingkang trep kangge ngisi ceceg-ceceg kasebut inggih menika ....

• mundhut, mundhut

• tumbas, tumbas

• mundhut, tumbas

• mundhut, tuku

• tumbas, mundhut

Ukara ing ngandhap menika ingkang leres nalika badhe matur kaliyan guru inggih menika...

• “Bu, kula badhe nyuwun pirsa bab pawartos basa Jawi!”

• “Bu, kula ajeng tanglet bab pawartos basa Jawi!”

• “Bu, kula badhe tanglet bab pawartos basa Jawi!”

• “Bu, kula ajeng nyuwun pirsa bab pawartos basa Jawi!”

• “Bu, aku badhe nyuwun pirsa bab pawartos Basa Jawi!”

Yen tindak daleme Pakdhe, aja lali welingane Bapak diaturke Pakdhe ya, Le!.

Basa ingkang dipunginakaken inggih menika…

• krama

• krama lugu

• krama alus

• ngoko lugu

• ngoko alus

Ibu :”Le, kok jam pira iki kok wis bali?”

Lare :”Wetenge lara Buk.”

Lare anggenipun wangsulan boten trep, ingkang leres….

• Wetengipun sakit buk

• Padharan kula gerah buk.

• Weteng kula gerah buk.

• Padharan kula sakit buk.

• Padharanku lara buk

Ibu : “Man, mengko mampira nggone Budhemu, ngomonga menawa simbah gerah.”

Arman :…..

Ukara ingkang trep kangge mangsuli ibu inggih menika…

• Iya bu, mengko dakmatur budhe

• Mbok panjenengan piyambak mawon ingkang tindak mrika.

• Nggih bu, nanging sanguine ditambah nggih.

• Wegah bu, mengko aku arep latihan pramuka.

• Inggih bu, mangkih kula mampir dalemipun budhe, kula matur menawi simbah gerah.

Ukara ing ngandhap menika ingkang boten migunakaken unggah-ungguh basa kanthi trep inggih menika…

• Kula boten sarujuk menawi tiyang dhahar punika kaliyan jumeneng lan ngendikan

• Pak, punapa kula pikantuk ndherek panjenengan

• Le, tulung golekana layang ulem nggone Pak Rejo.

• Menawi saged kula nyuwun wekdale sakedhap kangge ngendikan kaliyan panjenengan.

• Bu, nyuwun pangapunten menawi atur kula lepat.

Ing ngandhap menika boten kalebet cak-cakanipun basa ngoko lugu inggih menika...

• Kangge wicantenan dhateng kanca sejawat ingkang akrab

• Kangge wicantenan tiyang sepuh dhateng putra

• Kangge wicantenan guru dhateng murid

• Kangge rembugan tiyang ingkang inggil pangkatipun

• Kangge rembugan tiyang sapadha-padha