Գրականություն 9-րդ դաս․

Հայ գրականության գրային շրջանին,ինչը սկիզբ է առնում գրերի գյուտից հետո,նախորդել է ո՞ր շրջանը։

• Մեր մտավոր կյանքի պատմության մեջ հայտնի 5-րդ դարը։

• Նախագրային շրջանը,որն ընդգրկում է հայ ժողովրդի ծագումնաբանությունն ու պատմական զարգացումը մինչև 4-րդ դարի սկիզբը,այսինքն՝քրիստոնեության ընդունումը։

Գրային շրջանի հայ գրականության բուռն զարգացումը ինչի՞ հետ է կապվում։

• Հայ ժողովրդի ստեղծած դիցաբանության ու օրհներգերի հետ։

• Մեսրոպ Մաշտոցի ստեղծած հայոց այբուբենի հետ։

Մեր մտավոր կյանքի պատմության մեջ ինչպե՞ս կոչվեց 5-րդ դարը և նրա բարձր զարգացման ապրումը գրականության մեջ։

• Կոչվեց Ոսկեդար,երբ բարձր զարգացում ապրեց պատմագրությունը,վարքագրությունը,հոգևոր բանաստեղծությունը,թարգմանական գործը,իմաստասիրությունը,քարոզչական գրականությունը։

• Կոչվեց միջնադարյան,որը լի է հայ ժողովրդի պատմության բախտորոշ իրադարձություններով։

Հայ հին և միջնադարյան գրականությունն ստեղծվել է հայոց լեզվի զարգացման ինչպիսի՞ հաջորդական փուլերով։

• Գրաբար,միջին հայերեն,աշխարհաբար։

• Վարքագրություն,պատմագրություն,թարգմանական գործ։

Ե՞րբ է ձևավորվել հայ գրականությունը։

• 6-րդ դարում,որը լի էր հայ ժողովրդի պատմության բախտորոշ իրադարձություններով։

• 5-րդ դարի սկզբին՝ գրերի գյուտից/405 թ․/անմիջապես հետո, և համարվում է աշխարհի հնագույն գրականություններից մեկը։

Հայ հին և միջնադարյան գրականության պատմական զարգացումը ո՞ր դարերն է ընդգրկում։

• 5- 18-րդ դարերը

• 13- 18-րդ դարերը

Ե՞րբ ձևավորվեց աշխարհիկ և հոգևոր բանաստեղծության ավանդույթը, և ինչպե՞ս կոչվեց այս շրջանի գրականությունը։

• Հայ ժողովրդի հանճարն ստեղծեց<<Սասնա ծռեր>>դյուցազներգությունը,ինչը պատմվելով սերնդեսերունդ,հասավ մինչև 19-րդ դար,գրի առնվեց և առանձին պատումներից ստեղծվեց<<Սասունցի Դավիթ>>համահավաք բնագիրը։

• 6-9-րդ դարերում ձևավորվեց աշխարհիկ և հոգևոր բանաստեղծության ավանդույթը։Այս շրջանի գրականությունը կոչվում է նաև մաքառումների գրականություն,որովհետև ստեղծվեց հայոց պետականության անկումից հետո։

Ո՞ր դարերում հայ գրականությունն ընդունեց աշխարհիկ բնույթ և ի՞նչը փոխարինեց գրաբարին։

• 13-18-րդ դարերում հայ գրականությունն ընդունեց աշխարհիկ բնույթ, իսկ գրաբարին փոխարինում է միջին հայերենը։Պատմագրության,տաղերգության հետ մեկտեղ զարգացավ նաև առակագրությունը։

• 10-12-րդ դարերում շարունակվեց պատմագրությունը,այս շրջանում ապրեց և ստեղծագործեց մեծագույն հայ բանաստեղծ Գրիգոր Նարեկացին։

Հայ հին և միջնադարյան գրականությանը ե՞րբ հաջորդեց գրապատմական մի նոր շրջափուլ և ինչպե՞ս կոչվեց։

• 13-18-րդ դարերում գրաբարին փոխարինում է միջին հայերենը։Ստեղծվեցին հայրենները և ժողովրդական խաղիկները։

• 18-րդ դարի սկզբից հայ հին և միջնադարյան գրականությանը հաջորդեց մի նոր շրջափուլ և կոչվեց նոր շրջանի հայ գրականություն։Փոխվեց գրականության լեզուն և միջին հայերենին հաջորդեց աշխարհաբարը։

Ո՞ր թվականն էր նոր և նորագույն գրականության շրջանների սահմանաբաժանը և ի՞նչ կարևոր իրադարձության հետ է կապվում։

• Նոր և նորագույն գրակ․շրջանների սահմանաբաժանը 1918 թվականն էր, երբ վերականգնվեց հայոց պետականությունը։

• 1916 թվականն էր,երբ հայ գրականության վերածնունդին մեծապես նպաստեցին Մխիթարյան միաբանության հայագետները,գրողներն ու թարգմանիչները։