Խաղ

1905 թվականին ֆրանսիական նորաձևության արքա Պուարեն կանացի հագուստի այդ ատրիբուտից ազատվելու առաջին քայլն արեց։ Այդ ատրիբուտին դեմ էին նաև բազմաթիվ բժիշկներ, փիլիսոփաներ և դեռ ֆրանսիական հեղափոխության ռեֆորմատորներ։ Ո՞ր կանացի հագուստի ատրիբուտի մասին է խոսքը։

(a)  

Մեկ բառով գուշակեք աֆրիկական մի ցեղի այս հանելուկը. «Ի՞նչն է ընկնում բարձունքից և չի կոտրվում։»

(a)  

Ճապոնիայում թողարկվում է մի ալբոմ, որը նվիրված է ճապոնական ազգային արվեստի մի քանի ճյուղերի։ Դրա անվանումը բաղկացած է երեք բառից և համընկնում է մի խաղի անվանման հետ, որը մենք բոլորս կարող ենք հաղթել անգամ մեր ձախ ձեռքով։ Ինչպե՞ս է կոչվում այդ ալբոմը։ (ռուսերեն կամ անգլերեն)

(a)  

Դիզայներ Ջի Լին ստեղծում է մինիմալիստական պատկերներ, որոնցում բառերը վերածում է նկարների։ Դա ստանալու համար նա միայն օգտագործում է տառերի գրաֆիկական էլեմենտները։ Այս նկարում տեսնում եք մի կառույց բնութագրող բառից երկու տառ։ Անգլերենով գրեք այդ բառի մնացած 4 տառերը։

(a)  

Գերմանացի գրող Հայնրիխ Մաննը կարծում էր, որ հավատի մարումը և սոցիալական կյանքից դժգոհությունները ցանկացած պետության դեպքում ուղեկցվել է հանցագործությունների քանակի ավելացմամբ, ինչպես նաև X-ի քանակի ավելացմամբ։ Մեկ բառով գրեք X-ը։

(a)  

Դրա բառացի անվանումը թարգմանվում է դանիերենից որպես «լոգանքի օր»։ Իսկ մեկ այլ լեզվով դրա անվանումը ծագել է մի բառից, որը նշանակում է «զերծ մնալ»/«հեռու մնալ»: Ո՞ր բառի մասին է խոսքը։

(a)  

Հին հույները շատ էին սիրում այն և ամեն ինչ անում էին դրա զարգացման համար։ Դա նաև կոչում էին «դպրոց մեծահասակների համար» ։ Ինչի՞ մասին է խոսքը։

(a)  

«70 տարվա մենություն», «2.1 հրացանակիրները», «1388.8»: Ինչի՞ մասին էին տեղեկացնում այս գրառումները։

(a)  

1962 թվականին մի ավանգարդ կոմպոզիտոր գրել է սիմֆոնիկ պոեմ 100 կատարողների համար։ Ամերիկյան «Նյու Յորք» թերթը այդ ստեղծագործության մասին գրել է. «Կատարողները մեկը մյուսի հետևից լռում էին և հուզմունքի դող էր առաջանում։ Վերջին ողջ մնացողները օդում թափահարում էին իրենց փոքրիկ ձեռքերը։» Մեկ բառով անվանեք այդ ոչ սովորական կատարողներին, որոնց համար էլ գրվել էր այդ սիմֆոնիկ պոեմը։»

(a)  

«Այդ խնդիրն ունեցողներից շատ քչերն են գնում բժշկի։ Մնացած բոլորը գնում են թատրոն։» Ի՞նչ խնդրի մասին է այսպես արտահայտվել բրիտանացի դերասան Ալեքս Գիննեսը։ (մեկ բառ)

(a)