Paunang Pagtataya

Ayon kay Dr. Manuel Dy, isang propesor ng Pilosopiya sa Ateneo De Manila University, binubuo ng tao ang lipunan at binubuo ng lipunan ang tao. Ito ay nangangahulugang:

• Ang tao ang gumagawa sa lipunan at kaalinsabay nito ay ang lipunan, at hinuhubog ng lipunan ang mga tao.

• Ang tao ang bumubuo sa lipunan dahil mula sa kanyang pagsilang ay nariyan na ang pamilyang nag-aaruga sa kanya; binubuo ng lipunan ang tao dahil matatagpuan ang tao sa lahat ng bahagi nito.

• Ang tao ang bumubuo sa lipunan dahil ang kanilang mga kontribusyon ang nagpapalago at nagpapatakbo dito; binubuo ng lipunan ang tao dahil ang lipunan ang nagbubuklod sa lahat ng tao.

• Ang tao ang bumubuo sa lipunan dahil pamilya ang nag-aaruga sa tao at dahil matatagpuan ang tao sa lahat ng bahagi nito; binubuo ng lipunan ang tao dahil sa lipunan makakamit ang kanyang kaganapan ng pagkatao.

Bakit dapat hangarin ng bawat tao ang pagkamit ng kabutihang panlahat?

• Mahalaga ito dahil mahirap mabuhay sa lipunang magulo.

• Dahil tungkulin natin ito sa lipunan.

• Mahalaga ito upang hindi tayo maparusahan ng batas.

• Kailangan natin itong gawin dahil hindi kaya ng tao ang mabuhay nang mag-isa sa lipunan.

Paano maisasabuhay ng mag-aaral na gaya mo ang kabutihang panlahat ngayong bagong normal?

• Magsusuot ng facemask kapag pupunta sa isang lugar.

• Hindi lalabas ng bahay dahil bawal lumabas ang edad 21 pababa.

• Maglalaro ng video games.

• wala sa nabanggit

Ang buhay ng tao ay panlipunan. Ang pangungusap ay:

• Tama, dahil sa lipunan siya nakapamumuhay.

• Tama, dahil lahat ng ating ginagawa at ikinikilos ay nakatuon sa ating kapwa.

• Mali, dahil may mga pagkakataong ang tao ay nagnanais na mapag-isa.

• Mali, dahil may iba pang aspekto ang tao maliban sa pagiging panlipunan.

Ang mga sumusunod ay elemento ng kabutihang panlahat maliban sa:

• kapayapaan

• katiwasayan

• paggalang sa indibidwal na tao

• tawag ng katarungan o kapakanang panlipunan ng pangkat

Ngayong panahon ng bagong normal, aling kilos ang nagpapakita ng kabutihang panlahat?

• pagrereklamo sa pamahalaan

• pagkokomento sa social media

• pagsunod sa social distancing

• pagbubukas ng negosyo

Ano ang tunay na layunin ng lipunan?

• kapayapaan

• kabutihang panlahat

• katiwasayan

• kasaganaan

Ano ang kabutihang panlahat?

• kabutihan ng lahat ng tao

• kabutihan ng mga pangkat na kasapi ng lipunan

• kabutihan ng bawat indibidwal na kasapi ng lipunan

• kabutihan ng lipunang nararapat bumalik sa lahat ng mga kasapi nito

Ang tunguhin ng lipunan ay kailangang pareho sa tunguhin ng bawat indibidwal. Ang pangungusap ay:

• Tama, dahil sa pagkakataon na ganito lamang matitiyak na makakamit ang tunay na layunin ng lipunan.

• Tama, dahil mahalagang makiayon ang bawat indibidwal sa layuning itinalaga ng lipunan.

• Mali, dahil may natatanging katangian at pangangailangan ang bawat indibidwal.

• Mali, dahil ang bawat indibidwal sa lipunan ang nararapat na nagtatakda ng mga layunin.

Kalayaan at pagkapantay-pantay ang nararapat na manaig sa lipunan. Ang pangungusap ay:

• Tama, dahil ito ang mahalaga upang mangibabaw ang paggalang sa mga karapatan ng tao.

• Tama, dahil ito ay inilaan na makamit ng tao sa lipunan ayon sa Likas na Batas.

• Mali, dahil sa kalayaan, masasakripisyo ang kabutihang panlahat at sa pagkapantay-pantay, masasakripisyo ang kabutihan ng indibidwal.

• Mali, dahil sa kalayaan, masasakripisyo ang kabutihan ng indibidwal at sa pagkapantay-pantay, masasakripisyo ang kabutihang panlahat.