Ora kanyana babar blas,nalika pemerintah lagi repot ngadhepi pemilu legislatif 9 april 2009, ing tlatah Kabupaten Tanggerang, Propinsi Banten ana kedadeyan banjirbandhang amarga dhadhale bendungan Situ Gintung. Dumadine ing dina jemuah tanggal 27 maret 2009 ing wayah esuk, nalika wong-wong isih padha turu. Tembung situ iku saemper karo tembung wadhuk, kang sabanjure dibendung. Dene gintung iku jeneng panggonan utawa desa. Wadhuk kang mapan ing Desa Gintung iku banjur nemahi dhadhal lan sabanjure ngelebi lan nerak omah-omah sing mapan ing sangisore bendungan. Wis bisa dipesthekake omah-omah dadi rusak bosah-baseh, ajur mumur kagawa banjir bandhang. Malah sing nemahi seda luwih 100 wong. Durung meneh sing padha ilang lan kelangan sedulur, kanca, omah lan bandha liya-liyane.
Pawarta kang kaya mangkono mau mesthi wae enggal sumebar ingsaindhenge donya, ora mung tlatah Indonesia thok. Akeh sing padha trenyuh sabanjure padha melu tetulung. Menehi barang-barang awujud sandhang, pangan lan wujud liyane.
Babagan kang dirembug ing artikel kasebut, yaiku …
