Pagganyak (Engage) - Ang Kahon ni Pandora

Para sa Bilang 1-5. Ang isang salita ay maaaring magkaroon ng kayariang payak, maylapi, inuulit, o tambalan. Maaaring iugnay ang kayarian ng salita sa kahulugan nito. Piliin ang kasingkahulugan ng mga salita sa bawat tanong batay sa kayarian at iba pang katangian nito na nasa loob ng pangungusap.

1. Ano ang payak na payak na salita ang kasingkahulugan ng tambalang pag-iisang dibdib?

• Pagpapakasal

• Pagkakaroon ng Kasintahan

• Panliligaw

2. Alin sa mga salitang maylapi ang naiiba ang kahulugan?

• Minamahal

• Sinisinta

• Hinahangaan

3. Anong payak na salita ang kasingkahulugan ng salitang ‘galak’ sa pangungusap na “Galak ng dulot ng pagdating ng dalaga sa kanyang buhay.”

• Lungkot

• Saya

• Inis

4. Anong salita ang maaaring maging kasingkahulugan ng inuulit na salitang ‘kahali-halina’ sa pangungusap na “Ang dalaga’y sadyang kahali-halina kaya’t agad na nahulog ang loob niya.”

• kaakit-akit

• kabagot-bagot

• kapansin-pansin

5. Alin sa mga salitang payak ang may naiibang kahulugan?

• banta

• babala

• ganti

Para sa bilang 6-10. Basahin at unawain mo ang kontekstong nakapaloob sa bawat pangungusap. Tukuyin sa ikalawang pangungusap ang kasingkahulugan ng salitang nakadiin sa unang pangungusap. I-type ang iyong sagot sa ibaba. MALAKING TITIK LAMANG ANG GAMITIN SA PAGSAGOT.

1. Sumanib ang magkapatid na Titan sa mga Olimpian dahil alam nila ang mangyayari sa hinaharap. Sumama sila para sa pansariling kapakanan.

2. Isang ginintuang kahong may kalakip na susi ang ipinadala ni Zeus bilang handog sa kasal nina Pandora at Epimetheus. Kasama rin sa regalong ito ang babalang huwag bubuksan ang kahon.

3.Hindi mapakali ang babae hangga’t hindi niya nababatid kung ano ang laman ng kahon. Kung nalalaman niya lamang ay hindi niya nanaising buksan ito kailanman.

4. Nakamata siya sa kahon at tulad ng dati ay natutukso na naming buksan ito. Ngayon ay nakatingin naman siya sa susing nakasabit sa dingding.

5. Isa ang paninibugho sa mga bagay na lumabas mula sa kahon. Ang pagseselos ay maaaring makasira sa relasyon lalo kung labis-labis na ito.