Pagsagot sa mga tanong mula sa binasang kuwento

Pagsasaranggola

Maraming bata ang nagtatakbuhan paakyat ng bundok. Ang saya-saya nilang lahat. Maaliwalas ang langit at hindi mainit ang sikat ng araw. Katamtaman lamang ang ihip ng hangin at bagay na bagay para sa pagpapalipad ng saranggola. Higit na mababa ang paglipad ng malaking saranggolang pula ni Luis kaysa sa saranggolang dilaw ni Albert. Tila naman eroplano ang saranggola ni Samuel. Iyon ang pinakamataas sa lahat ng saranggola na lumilipad sa himpapawid. “Kuya,” tawag ni Ana, ang maliit na kapatid ni Samuel. “Tulungan mo po akong paliparin ang aking saranggola.” Hawak ni Ana ang isang saranggolang kulay lila at gawa sa makapal na papel. “Sige, halika at tuturuan kita,” ang sagot ng kanyang kuya. Masayang nagpatuloy sa paglalaro ang mga bata. Alin sa mga salita ang naglalarawan sa mga bata sa kwento?

• malikot

• malungkot

• Masaya

Ano ang ginagawa ng mga bata?

• Naglalaro ng taguan

• Nagpapalipad ng saranggola

• Nagpipiknik sa parke

Kaninong saranggola ang pinakamataas ang lipad?

• Kay Samuel

• Kay Albert

• Kay Luis

Sino ang nagpapatulong na magpalipad ng kanyang saranggola?

• Si Ana

• Si Samuel

• Si Albert

Saan yari ang saranggola ni Ana?

• Sa mahabang tela

• Sa manipis na plastik

• Sa makapal na papel