Filipino 10 Balik-tanaw (Q1W5)

Tinugon ng Diyos ang kanilang dasal. Nagpadala ito ng isang taong kasinlakas ni Gilgamesh, si Enkido, na lumaking kasama ng mga hayop sa kagubatan. Nagpangamok ang dalawa nang sila ay magkita. Nanalo si Gilgamesh. Ngunit sa bandang huli ay naging matalik na magkaibigan sila. Di naglaon ay naging kasa-kasama na ni Gilgamesh si Enkido sa kaniyang pakikipaglaban. Una, pinatay nila si Humbaba, ang demonyong nagbabantay sa kagubatan ng Cedar. Pinatag nila ang kagubatan. Nang tangkain nilang siraan ang Diyosang si Ishtar, na nagpahayag ng pagnanasa kay Gilgamesh, ipinadala nito ang toro ng kalangitan, upang wasakin ang kalupaang pinatag nila bilang parusa. Nagapi nina Gilgamesh at Enkido ang toro. Hindi pinahihintulutan ng mga Diyos ang kanilang kawalan ng paggalang kaya itinakda nilang dapat mamatay ang isa sa kanila, at iyon ay si Enkido na namatay sa matinding paraan.

1. Ano ang naging kaparusahan ng kalangitan sa magkaibigan?

• mabigo sa pakikidigma

• magkakahiwalay ng landas

• mamamatay ang isa sa kanila

• mawawalan ng kapangyarihan

2. Paano tinugon ng Diyos ang panalangin ng mga tao?

• nagpadala ng gagapi kay Gilgamesh

• nagpadala ng kasinlakas ni Gilgamesh

• nagpadala ng kamalasan kay Gilgamesh

• pinarusahan ng kamatayan si Gilgamesh

3. Ano ang kahulugan ng salitang nagpang-amok ayon sa paggamit sa akda?

• naghamon

• naglaban

• nagwala

• nakidigma

4. Ibigay ang katangian ng epiko na taglay ng akda?

• may mga Diyos

• maraming tauhan

• mahaba ang banghay

• maraming pakikipagsapalaran

5. Ano ang mahihinuha mo sa bahaging "hindi pinahintulutan ng Diyos ang kanilang kawalan ng paggalang kaya itinakdang may mamatay sa kanila"?

• may kabayaran ang lahat

• matinding parusa ang kamatayan

• makapangyarihan ang kanilang Diyos

• nakatakda na ang kanilang mga tadhana