Абайдың қарасөзін қаншалықты білесіз?

Қай сөзді Абай айтқан?

• Мен тарыдай жақсылық қылсам, таудай зұлымдығымды жасырғалы қылам. Сөйтіп жүріп, адам атануға ұялмаймын.

• Адамның көңілі шын мейірленсе, білім-ғылымның өзі де адамға мейірленіп, тезірек қолға түседі. Шала мейір шала байқайды.

• Баланы ұлша тәрбиелесең – ұл, құлша тәрбиелесең – құл болмақшы.

Абай жазған өлеңді табыңыз.

• Ер жетем, толам, қайта солам, Әрi анам бұл жер, әрi молам, Денемдi жұтпай тынбаған. Кетедi жаным нұрға таман‚ Жазықсыз болса, барады аман, Қиянат iстi қылмаған.

• Нашарларды жылатып, Байлардың сатпа малына. Көз жасына қаларсың, Қарамасаң зарына.

• Әуелде бір суық мұз - ақыл зерек, Жылытқан тұла бойды ыстық жүрек. Тоқтаулылық, талапты шыдамдылық, Бұл қайраттан шығады, білсең керек.

Абай төмендегі қай сөздің авторы?

• Қызыл гүлге қызығып сайраған бұлбұл гүл соларын білгенде зарламай қайтсін.

• Ұят деген - адамның өз бойындағы адамшылығы, иттігіңді ішіңнен өз мойныңа салып, сөгіс қылған қысымның аты

• Жұрт керегін білетіндер – көп, істейтіндер – аз.

Қай сөздің авторы Абай?

• Арын сатқан мал үшін антұрғанның Айтқан сөзі құрысын, шыққан үні.

• Қазақта жазылмайтын бір ауру бар Келмейді мінін айтсаң жаратқысы.

• Адамдар мал-мақтан үшін соғысып, өзі жек көретін өлімге жанын тапсырады.

Абай айтқан нақылды табыңыз.

• Күллі адам баласын қор қылатын үш нәрсе бар. Сонан қашпақ керек: әуелі - надандық, екіншісі - еріншектік, үшінші - залымдық деп білесің.

• Ар-намыс, махаббат болмаған жерде адамшылық тұра ма? Бұл сипаттардың болуы үшін адам баласы азат, тәрбиелі болуға тиіс.

• Адамның түзу жолға түсуінің бірінші шарты — өзін-өзі тексеру, өз қатесін көре білу, келешекте сол қателікке жол бермеуге ұмтылу.

Абай өлеңі қайсы?

• Жұртқа көңіл қалып тұр, Жұрт жалғанға нанып тұр. Өтірік өрлеп күшейіп, Шын жеңіліп, талып тұр.

• Жол таба алмай сенделіп, Адасып алаш жүргенде, Бұл күнгі көп көсемдер, Сұраймын, сонда қайда едің?

• Әркімді заман сүйремек, Заманды қай жан билемек? Заманға жаман күйлемек, Замана оны илемек.

Абай төмендегі қай өлеңнің авторы?

• Бір ғылымнан басқаның, Бәрі де кесел асқанға. Үйткен адам жолығар, Кешікпей-ақ тосқанға.

• Біреу сені мақтаса, қуанасың, Жамандаса, жабырқап, суаласың. Мақтаған кім, сөккен кім –онда ісің жоқ, Бәрі – бір, сен де елерме дуанасың.

• Бар ма екен біздей ғафыл жұрт, Атырафқа көз салсақ. Көзі іскенше ұйқыға Келе жатқан тоя алмай?

Мына нақылдардың қайсысы Абайға тиесілі?

• Бақпен асқан патшадан Мимен асқан қара артық.

• Адамның шын мағынасымен "Адам" болуы үшін өзін сүю, жақындарын сүюмен қанағаттанбайды, жалпы адамзатты сүюі шарт.

• Замана сипаты: білімі көптер жұрт билемей, малы көптер жұрт билер заман.

Абайдың айтқанын табыңыз.

• Жоқтық егіндігіне бір бидай еге алмасаң, барлық қырманынан жалғыз арпа да ала алмассың.

• Бұл күндегіге байлық та мақтан емес, ақыл, абұйыр да мақтан емес, арыз бере білу, алдай білу - мақтан. Бұл екеуі қолынан келген кісі салт атты, сабау қамшылы кедей де болса, аз да болса орны төрде, майлы атқа, майлы етке қолы жетеді.

• Біреу – жұмыс қылайын десем тұрған жерім жаман дейді, біреу – маңайымдағы елім жаман дейді: бұлардың бәрі де – бос сөз.

Мына шумақтардың бірінің авторы - Абай. Қайсысы екенін тауып көріңіз.

• Енді маған, ойласам, Дұспан да бір, дос та бір. Терең ойға бойласам, Адам менен шошқа - бір.

• Білмейсің жөнің менен терісіңді, Ел болып іс етпейсің келісімді. Үміт қып бәйге атындай талай қосып, Байқадық шабыс түгіл, желісіңді.

• Өз үйінде өзендей, Күркірейді, айтса дау. Кісі алдына барғанда Шабан, шардақ және шау.