ESP-SUMMATIVE # 3 (WK5 &6)

1. Ang pinakamalaking hadlang sa kalayaan ay hindi ang nagmumula sa labas ng tao kundi ang nagmumula mismo sa loob ng tao. Ano ang nais ipakahulugan nito?

• A. Ang kalayaan ay matatagpuan sa sarili.

• B. Nakahahadlang ang kapwa sa pagkamit ng kalayaan.

• C. Niloob ng tao ang antas ng kaniyang pagiging malaya.

• D. Ang hadlang sa pagiging malaya ay ang sarili niyang pag-uugali.

2. Ito ay isang uri ng kalayaan na tumutukoy sa kakayahang magpasya ng tao na gawin o hindi ang isang bagay.

• A. Free choice

• B. Kalayaang Moral

• C. Fundamental choice

• D. Kalayaang Pangkaisipan

3. Ang responsibilidad ay ang kakayahang tumugon sa tawag ng pangangailangan ayon sa sitwasyon. Ang pahayag ay:

• A. Tama, dahil may kakayahan ang taong magbigay paliwanag sa kilos na ginawa.

• B. Tama, dahil ang tunay na responsableng kalayaan ay ang pagtulong sa kapuwa.

• C. Mali, dahil ang responsibilidad ay ang pagtanggap sa kahihinatnan ng kilos na ginawa.

• D. Mali, dahil ang responsibilidad ay palaging kakambal ng kalayaan na ginagamit ng tao.

4. Alin sa sitwasyon ang nagpapakita ng tunay na kalayaan?

• A. Nagagawa ni Connie ang mamasyal anumang oras niya gustuhin.

• B. Inamin ni Lala ang kaniyang pagkakamali at humingi ng paumanhin sa ginawa.

• C. Hindi mahiyain si Greg kaya nasasabi niya ang gusto niyang sabihin sa isang tao.

• D. Kahit pagod na galing sa trabaho, sinamahan pa rin ni Jake ang kapitbahay na isinugod sa ospital.

5. Ito ang uri ng kalayaan na nakaaapekto sa malayang pagpili at nakasalalay sa kasalukuyang istilo ng pamumuhay.

• A. Free choice

• B. Kalayaang Moral

• C. Fundamental choice

• D. Kalayaang Pangkaisipan

6. Hindi mo maunawaan ang leksiyon ng inyong guro at nakababagot sa pakiramdam kaya nawalan ka ng interes na makinig sa kaniya. Dahil dito wala kang natutuhan sa itinuro niya, sinisi mo ang iyong guro. Sang-ayon ka ba sa kaniya?

• A. Di sang-ayon, dahil may kakayahan kang piliin ang iyong kilos.

• B. Di sang-ayon, dahil may pananagutan ang tao sa kaniyang kilos.

• C. Sang-ayon, dahil responsibilidad ng guro ang maipaunawa sa mga mag-aaral ang leksiyon.

• D. Sang-ayon, dahil kailangang mapaganda ang leksiyon para hindi nakababagot sa mag-aaral.

7. Para saan ang pagkakaroon ng kalayaan ng tao?

• A. Mahalaga ito upang malinang ang kakayahan ng taong piliin ang mabuti kaya ibinigay sa kaniya ang kalayaan.

• B. Para maging masaya ang tao sa buhay niya dahil nagagawa niya ang kaniyang nais na walang nakahahadlang dito.

• C. Dahil kailangang malinang ang pagkatao ng tao sa pamamagitan nito upang matamo ang layunin ng kaniyang buhay sa mundo.

• D. Para maging malaya ang tao sa pansariling kahinaan at maging malayang tumugon sa pangangailangan ng sitwasyon.

8. Ito tumutukoy sa pagpili sa kung ano sa tingin ng tao ang makabubuti sa kanya.

• A. Free choice

• B. Kalayaang Moral

• C. Fundamental choice

• D. Kalayaang Pampulitikal

9. Ano ang mensahe nito?

“Higit na nagiging malaya ang tao kapag ginagawa niya ang mabuti. Walang tunay na kalayaan kundi sa pagmamahal at paglilingkod.”

• A. Ang kalayaan ay ang paggawa ng mabuti.

• B. Ang pagiging malaya ay nakabatay sa kilos ng tao.

• C. Makabubuti sa bawat tao ang pagkamit ng kalayaan.

• D. Ikaw ay malaya kapag naipakita ang pagmamahal at paglilingkod.

10. Ano ang tinutukoy na mabuti?

• A. Ang pagkakaroon ng kalayaan.

• B. Ang kakayahan ng taong pumili ng mabuti.

• C. Ang pagmamahal at paglilingkod sa kapuwa.

• D. Ang magamit ang kalayaan sa tama at ayon sa inaasahan.