PAS Bahasa Sunda Kelas 4A

Soal no 1-5 dumasar kana ieu bacaan. Pék baca heula bacaan di handap ieu!

Si Jalak Harupat

Raden Oto Iskandardinata dibabarkeun di Bandung, 31 Maret 1897. Ari pupusna di Tangerang, sasih Désember 1945. Raden Oto hirup di lingkungan kulawarga priyayi anu boga jiwa ngarayat. Oto aktif dina organisasi Budi Utomo sarta kapilih jadi anggota Dewan Kota. Taun 1925 Oto sabatur-batur ngadegkeun Sakola Kartini. Nya dina waktu harita, Oto ngeritik Paguyuban Pasundan. Anjeunna nadar rék meuncit hayam, tuluy embé, lamun Paguyuban Pasundan bakal bubar. Taun 1928 Oto pindah gawé ka Jakarta, jadi guru HIS Muhammadiyah. Waktu di Jakarta, Oto jadi anggota Paguyuban Pasundan, anu kungsi dikeritikna. Minatna kana pulitik jeung pajuangan kamerdékaan Indonesia beuki ngagedur. Nya kapilih jadi Pupuhu Pangurus Puseur Paguyuban Pasundan sarta jadi wawakilna di Dewan Rayat.

1. Tanggal sabaraha Raden Oto Iskandardinata dibabarkeun?

• a. 31 Desember 1945

• b. 31 Maret 1897

• c. 31 Maret 1945

• d. 31 Desember 1897

2. Naon anu dinadarkeun Raden Oto, lamun Paguyuban Pasundan bubar?

• a. Ngadegkeun Sakola Kartini

• b. Bakal aktif dina organisasi Budi Utomo

• c. Bakal jadi anggota Paguyuban Pasundan

• d. Bakal meuncit hayam jeung embe

3. Taun sabaraha Raden Oto pindah gawé ka Jakarta?

• a. 1897

• b. 1925

• c. 1945

• d. 1928

4. Dimana pupusna Raden Oto téh?

• a. Jakarta

• b. Tangerang

• c. Bandung

• d. Garut

5. Raden Oto Iskandardinata dibabarkeun di Bandung.Dibabarkeun sarua hartina jeung ….

• a. Dilahirkeun

• b. Dinikahkeun

• c. Dinadarkeun

• d. Dinobatkeun

Pék jawab pananya nomer 6-10 dumasar kana carita di luhur!

Sono ka nu Jadi Lanceuk

Rini masih kelas 4 SD, boga lanceuk hiji, umurna saluhureun opat taun, wastana Téh Irma Miyanti. Téh Irma sakolana kelas 2 SMP. Téh Irma di sakolana pintér, loba babaturan nu raresepeun. Di bumi ogé Téh Irma mah rajin, boh bébérés, boh mantuan masak ibu. Ibadahna ogé getol. Rini sareng Téh Irma bobona sakamar, nyimpen bukuna ogé saerak duaan. Pami aya PR nu rada sesah Rini sok naroskeun ka Téh Irma.

6. Naon nu jadi jejer bacaan di luhur?

• a. Sono ka nu jadi indung

• b. Sono ka nu jadi lanceuk

• c. Sono ka nu jadi bapa

• d. Sono ka nu jadi bibi

7. Kelas sabaraha ari Rini téh?

• a. 4 SMP

• b. 2 SD

• c. 2 SMP

• d. 4 SD

8. Saha ngaran lanceuk Rini téh?

• a. Téh Ratna

• b. Téh Irma

• c. Téh Intan

• d. Téh Rina

9. Kumaha ari watek Téh Irma téh?

• a. Galak

• b. Rajin

• c. Isinan

• d. Kedul

10. Dina carita di luhur, palakuna nyaéta. . . .

• a. Téh Irma

• b. Rini

• c. Ujang

• d. Rini jeung Téh Irma