<<Կրթության մասին>> ՀՀ օրենք

1.Ինչպե՞ս է իրականացվում կրթական ծրագրերի լիցենզավորումը:

• ա.Կրթության պետական կառավարման լիազորված մարմնի սահմանած կարգով:

• բ. ՀՀ օրենքով և ՀՀ կառավարության սահմանած կարգով:

• գ. ՀՀ օրենքով և ԿԳ նախարարության սահմանած կարգով:

• դ. Կրթության պետական տեսչության սահմանած կարգով:

2.Ո՞ր մարմինը կարող է հիմնադրել ռազմական մասնագիտական կրթական ծրագրեր իրականացնող ուսումնական հաստատություններ:

• ա.ՀՀ կառավարությունը:

• բ. Պաշտպանության նախարարությունը:

• գ. Կրթության և գիտության ու պաշտպանության նախարարությունները:

• դ. Անվտանգության խորհուրդը:

3.Հանրակրթության բնագավառում նշվածներից ո՞րն է մարզպետի իրավասություններից:

• ա.Պետական ուսումնական հաստատություններին օգտագործման իրավունքով հանձնված շենքերի կառուցման,պահպանման և օտարման ապահովումը:

• բ. Պետական ուսումնական հաստատություններին օգտագործման իրավունքով հանձնված շենքերի կառուցման, շահագործման և օտարման ապահովումը:

• գ. Պետական ուսումնական հաստատություններին օգտագործման իրավունքով հանձնված շենքերի կառուցման, շահագործման և պահպանման ապահովումը:

• դ. Պետական ուսումնական հաստատություններին օգտագործման իրավունքով հանձնված շենքերի նախագծման,կառուցման,պահպանման և օտարման ապահովումը:

4. Նշվածներից ո՞րն է հանրակրթության բնագավառում համայնքի ղեկավարի իրավասություններից:

• ա.Ուսումնական հաստատությունների ինքնակառավարման սկզբունքներին համապատասխան` աջակցել համայնքի տարածքում պետական կրթական քաղաքականության իրականացմանը` Հայաստանի Հանրապետության օրենսդրությամբ սահմանած կարգով:

• բ. Ուսումնական հաստատությունների ինքնակառավարման սկզբունքներին համապատասխան` աջակցել համայնքի տարածքում պետական կրթական քաղաքականության ձևավորմանը` Հայաստանի Հանրապետության օրենսդրությամբ սահմանած կարգով:

• գ. Ուսումնական հաստատությունների կառավարման սկզբունքներին համապատասխան` աջակցել համայնքի տարածքում պետական կրթական քաղաքականության իրականացմանը` Հայաստանի Հանրապետության օրենսդրությամբ սահմանած կարգով:

• դ. Պետական ուսումնական հաստատություններին օգտագործման իրավունքով հանձնված շենքերի կառուցման,պահպանման և օտարման ապահովումը:

5.Ո՞րտեղ և ու՞մ ընտրությամբ կարող է իրականացվել կրթության առանձնահատուկ պայմանների կարիք ունեցող երեխաների կրթությունը:

• ա.Կարող է իրականացվել ծնողների ընտրությամբ,ինչպես ընդհանուր հանրակրթական,այնպես էլ հատուկ հաստատություններում`հատուկ ծրագրերով:

• բ. Բոլոր ուսումնական հաստատություններում`տնօրենի ընտրությամբ:

• գ. Հատուկ կամ ընդհանուր հանրակրթական հաստատություններում` հատուկ ծրագրերով`մանկավարժական խորհրդի ընտրությամբ:

• դ. Կարող է իրականացվել ծնողների ընտրությամբ,միայն հատուկ հաստատություններում` հատուկ ծրագրերով:

6. Ուսումնական հաստատությունը ե՞րբ է համարվում ստեղծված:

• ա. Հիմնադրի (հիմնադիրների) կողմից հաստատության կանոնադրությունը հաստատելու պահից:

• բ. Օրենքով սահմանված կարգով պետական գրանցում ստանալու պահից:

• գ. Հիմնադրի (հիմնադիրների) կողմից հաստատության կանոնադրությունը հաստատելու և օրենքով սահմանված կարգով պետական գրանցում ստանալու պահից:

• դ. Կրթական ծրագրերի լիցենզավորման պահից:

7. Ինչպե՞ս է վերակազմակերպվում ուսումնական հաստատությունը:

• ա.Միաձուլման, միացման, բաժանման, առանձնացման և վերակազմավորման ձևերով:

• բ. ՀՀ ազգային ժողովի կողմից սահմանված ձևերով:

• գ. Օրենքով սահմանված կարգով պետական գրանցում ստանալուց հետո սահմանված ձևերով:

• դ. Կրթության պետական կառավարման լիազորված մարմնի սահմանած կարգով:

8. Ե՞րբ է ուսումնական հաստատության լուծարումը համարվում ավարտված, իսկ դրա գոյությունը` դադարեցված:

• ա.Պետական գրանցում ստանալու պահից:

• բ. Իրավաբանական անձանց պետական գրանցման մատյանում այդ մասին գրառում կատարելու պահից:

• գ. Նոտարական վավերացման օրվանից:

• դ. Իրավաբանական անձանց պետական գրանցման մատյանում այդ մասին գրառում կատարելու պահից 10 օր հետո:

9. Նշվածներից ո՞րն է կրթության բնագավառում ՀՀ կառավարության իրավասություններից:

• ա.Պետական ուսումնական հաստատությունների օրինակելի կանոնադրությունների հաստատումը:

• բ. Պետական ուսումնական հաստատությունների օրինակելի կանոնադրությունների մշակումը:

• գ. Ուսումնական մասնագիտությունների ցանկերի ձևավորումը:

• դ. Պետական ուսումնական հաստատությունների օրինակելի կանոնադրությունների լրամշակումը և հաստատումը:

10. Նշվածներից ո՞ր մարմինն է ապահովում կրթական քաղաքականության իրականացումը բոլոր տիպի ուսումնական հաստատություններում:

• ա.Կրթության պեական կառավարման լիազորված մարմինը:

• բ. Հայաստանի Հանրապետության կառավարությունը:

• գ. Մարզպետը,Երևան քաղաքում`քաղաքապետը:

• դ. ՀՀ ազգային ժողովը: