Sagot sa Tanong!

Basahin ang teksto ng awitin at sagutin ang mga tanong sa ibaba nito.

Kapaligiran

Awit ng Bandang Asin

Wala ka bang napapansin, saiyong kapaligiran Kay rumi ng hangin, pati na ang mga ilog natin.

Hindi na masama ang pag-unlad at malayo-layo na rin ang ating narating. Ngunit masdan mo ang tubig sa dagat; dati’y kulay asul, ngayo’y naging itim.

Ang mga ibong dati ay kay saya, ngayo’y wala nang madadapuan.

Masdan mo ang mga punong dati ay kay tatag, ngayo’y namamatay dahil sa ating kalokohan.

Ang mga batang ngayon lang isinilang, may hangin pa kayang matitikman?

May mga puno pa kaya silang aakyatin?

May mga ilog pa kayang lalanguyan?

Lahat ng bagay na narito sa lupa,

biyayang galing sa Diyos kahit noong ika’y wala pa.

Ingatan natin at huwag nang sirain pa; dahil pag kanyang binawi tayo’y mawawala na,

1. Sino ang tinatanong kung walang napapansin sa kapaligiran?

• Ako

• Ikaw

• Tayo

• Mga batang tulad mo

1.Basi sa kantang "Kapaligiran" Ano na ang nangyari sa hangin at ilog ngayon?

• Kay rumi na

• Malamig ang simoy ng hangin at malinaw ang tubig sa ilog.

• Presko ang hangin at malamig ang tubig sa ilog.

1. Ano ang kulay ng dagat noon at ngayon ayon sa kantang kapaligiran?

• Asul noon at asul pa rin ngayon.

• Asul noon at itim ngayon.

• Itim noon at asul ngayon.

• Itim noon at itim pa rin ngayon.

Bakit kaya wala nang madadapuan ang mga ibon ngayon na dati ay kaysaya noon?

• Dahil malalago ang mga puno ngayon.

• Dahil pinuputol na ang mga puno ngayon.

• Dahil nauubos na ang mga puno sa kabundukan.

• B at C

Ayon sa awit ang mga punong dati ay kay tatag ngayo’y namamatay na. Bakit kaya?

• Dahil sa ating kalokohan

• Dahil sa ating pagmamahal

• Dahil sa ating kasayahan

• Dahil sa ating kasipagan

Ang mga batang ngayon lang isinilang, may hangin pa kayang matitikman? Anong uri ng hangin ang itinatanong dito?

• Maruming hangin

• Sariwang hangin

• Mabahong hangin

• Hanging amihan

May mga puno pa kaya silang aakyatin, may mga ilog pa kayang lalanguyan? Anong ilog ang itinatanong dito?

• Malinis na ilog

• Maruming ilog

• Malinaw na ilog

• Ilog na maraming isda

Sino ang nagbigay ng lahat ng bagay dito sa lupa?

• Ang Diyos

• Ang kalikasan

• Ang Maykapal

• A at C

Paano natin dapat ingatan ang lahat ng bagay na bigay ng Diyos sa atin?

• Alagaan at huwag nating sirain

• Mahalin at preserbahin

• Huwag abusuhin

• Lahat ng sagot

1. Kung patuloy nating sisirain ang ating kapaligiran, ano ang mangyayari?

• Tayo rin ang mawawalan at kawawa.

• Maaari pa nating palitan ang mga nasira.

• Papalitan ng susunod na henerasyon ang nasirang kapaligiran.

• Walang tamang sagot