Pagsisimula ng iba't ibang kuwento

1. Ilang hakbang lamang ang nakapagitan sa silid ko at sa silid ng aking ama. Ilang hakbang lamang at maaari ko nang mabuksan ang pinto at itulak iyon upang makita ang nasa loob. Subalit ang mga hakbang ko ay karaniwang mabibigat, napipigilan, na tila naaatasan ng isang damdaming dayuhan ‘pagkat di inaasahan. (Dayuhan ni Buenaventura Medina Jr.)

• A. kagulat-gulat

• B. pagsasalaysay

• C. paglalarawan sa tagpuan

2. “Rading, Paquito, Nelson… pakinggan ninyo ang kuwentong ito”.

• A. mahalagang kaisipan

• B. pagsasalaysay

• C. usapan o dayalog

3. “May isang lalaki, walong taong gulang. Humiling siya sa kaniyang ama ng isang guryon”. (Saranggola ni Efren Abueg)

• A. mahalagang kaisipan

• B. pagsasalaysay

• C. kagulat-gulat

4. Ang gabi ay mabilis na lumatag sa mga gusali, lumagom sa malaki’t maliit na karanasan, dumantay sa mukha ng mga taong sa araw-araw ay may bagong lunas na walang bisa. Ngunit ang gabi ay waring maninipis na sutla lamang ng dilim na walang lawak mula sa lupa hanggang sa mga unang palapag ng mga gusali. (Mabangis na Lungsod ni Efren Reyes Abueg)

• A. paglalarawan sa tagpuan

• B. pagsasalaysay

• C. paglalarawan sa tauhan

5. Mataas na ang araw nang lumabas si Aling Marta sa bakuran ng kanilang maliit na barong-barong. Maaliwalas ang kaniyang mukha: sa kaniyang lubog na mga mata na bahagyang pinagpadilim ng kaniyang malalagong kilay ay nakakintal ang kagandahan ng kaaya-ayang umaga. (Ang Kalupi ni Benjamin Pascual)

• A. usapan o dayalog

• B. mahalagang kaisipan

• C. paglalarawan sa tauhan

6. Ibinalabal niya ang makapal na lana sa kaniyang katawan. Ngunit hindi maidulot nito ang init na kailangan niya- ang init na papawi kahit bahagya sa lamig na bumabalot sa ibabaw ng lupa. (Ang Anluwage ni Hilario L. Coronel)

• A. paglalarawan sa tauhan

• B. usapan o dayalog

• C. mahalagang kaisipan