தமிழ்மொழி ஆத்திசூடி (ஆண்டு 1)

கவியரசியின் பெற்றோர் ஆண்டுதோறும் அவள் பிறந்த நாளன்று அன்பு இல்லங்களுக்குச் சென்று நன்கொடை வழங்க விரும்புவர்.

• ஆறுவது சினம்

• இயல்வது கரவேல்

• அறம் செய விரும்பு

• ஈவது விலக்கேல்

கீழ்க்காணும் உரையாடலுக்குப் பொருத்தமான செய்யுளடி யாது?

சர்வினி : கார்த்திகா நீ ஏன் எப்பொழுதும் உன் அண்டை வீட்டாருக்கு உணவு, துணிமணி போன்றவற்றைக் கொடுத்து உதவுகிறாய்? உனக்கென்று வைத்துக் கொள்ளமாட்டாயா?

கார்த்திகா : அவர்கள் வறுமையில் வாடுகிறார்கள் அதனால்தான் என்னால் இயன்றதைக் கொடுத்து உதவுகிறேன்.

பூவரசன் : சர்வினி பிறர் கொடுப்பதைத் தடுக்க நினைப்பது தவறு.

• ஈவது விலக்கேல்

• உடையது விளம்பேல்

• அறம் செய விரும்பு

• ஊக்கமது கைவிடேல்

கீழ்க்காணும் உரையாடலுக்குப் பொருத்தமான செய்யுளடி யாது?

தனலெட்சுமி : சிவசங்கரி, நந்தினி தேர்வில் சிறந்த தேர்ச்சிப்பெற்று விட்டாள் என்பதற்காக மிகத் தற்பெருமையாக இருப்பதைக் கவனித்தாயா?

சிவசங்கரி : தனலெட்சுமி பிறர் மீது பொறாமைக் கொள்வது சரியன்று, அவளும் நம் தோழிதானே!

• ஒப்புர ஒழுகு

• ஔவியம் பேசேல்

• ஓதுவதொழியேல்

• ஊக்கமது கைவிடேல்

இராமருடன் வனவாசம் சென்ற சீதை, அரண்மனை சுகபோகங்களை மறந்து வனவாச வாழ்க்கைக்குத் தன்னைப் பழக்கப் படுத்திக் கொண்டாள்.

மேற்காணும் காணும் கூற்றுக்குப் பொருத்தமான செய்யுளடி யாது?

• ஒப்புர ஒழுகு

• ஊக்கமது கைவிடேல்

• ஐயமிட்டு உண்

• ஏற்பது இகழ்ச்சி

பசியென்று வருவோர்க்குப்

புசியென்று தந்தவனைப்

பரமனும் பணிவானடா - அவன்

பக்கத்தில் வருவானடா

மேற்காணும் பாடல் வரிகள் உணர்த்தும் பொருளுக்குப் பொருத்தமான செய்யுளடி யாது?

• ஐயமிட்டு உண்

• அறம் செய விரும்பு

• ஒப்புர ஒழுகு

• ஏற்பது இகழ்ச்சி

வசந்தி எப்பொழுதும் தன் வீட்டில் உள்ள விலையுயர்ந்த பொருட்களைப் பற்றி வகுப்பில் தற்பெருமையாகப் பேசுவாள்.

மேற்காணும் கூற்றுக்குப் பொருத்தமான செய்யுளடி யாது?

• உடையது விளம்பேல்

• ஊக்கமது கைவிடேல்

• எண்ணெழுத் திகழேல்

• ஓதுவதொழியேல்

குமரன் : அம்மா, இன்னும் சற்று நேரத்தில் பக்கத்து வீட்டு அகிலன் மிதிவண்டி இரவல் கேட்க வருவான், அவனிடம் மிதிவண்டி பழுதாகிவிட்டது என்று கூறிவிடுங்கள்.

அம்மா : குமரா, நம்மிடம் இருப்பதைப் பிறருக்குக் கொடுத்து உதவ வேண்டுமே தவிர இல்லையென்று சொல்லக் கூடாது.

• ஒப்புர ஒழுகு

• ஊக்கமது கைவிடேல்

• ஐயமிட்டு உண்

• இயல்வது கரவேல்

சரியான இணையைத் தெரிவு செய்க

• ஔவியம் பேசேல் - பிறரைப் புகழ்ந்து பேசக்கூடாது

• ஐயமிட்டு உண் - பசியென்று வந்தவர்க்கு உணவிட்டப் பின்னரே உண்ண வேண்டும்.

• உடையது விளம்பேல் - நம்மிடம் உள்ள செல்வம் மற்றும் கல்வியைப் பற்றி பெருமைப்பட பேச வேண்டும்.

• ஒதுவதொழியேல் - நல்ல நூல்களை எப்பொழுதாவது படிக்க வேண்டும்

கோடிடப்பட்ட சொல்லின் பொருள் யாது?

இயல்வது கரவேல்

• பேசக்கூடாது

• நினைக்கக்கூடாது

• பாடக்கூடாது

• மறைக்கக்கூடாது

தவறான இணையைத் தெரிவு செய்க

• எண்ணெழுத்திகழேல் - எண்களையும் மொழியையும் அலட்சியம் செய்யாமல்

  கற்க வேண்டும்.

• ஆறுவது சினம் - கோபத்தைத் தணித்துக் கொள்ள வேண்டும்.

• ஊக்கமது கைவிடேல் - முயற்சியை விட்டு விடக்கூடாது.

• ஏற்பது இகழ்ச்சி - பசியென்று வந்தவர்க்கு உணவிட்டப் பின்னரே

  உண்ண வேண்டும்.