ESP - Quiz - 02-08-21

1. Buwan ng wika, ang inyong paaralan ay magkakaroon ng patimpalak ng Sabayang Pagbigkas o sabay sabay na pagbigkas ng tula. Isa ka sa inatasan na maging lider kaya naman nang malaman ito ng iyong kaibigan agad niyang ipinaalam sa iyo ang kaniyang pagnanais na makasali sa iyong pangkat ngunit batid mong kakaiba ang kaniyang pagbigkas ng wikang Filipino. Ano ang iyong gagawin.

• Sasabihin sa kaibigan na sapat na ang bilang ng mga kasali sa iyong pangkat.

• Hindi na lamang papansinin ang pagnanais niya na sumali

• Isasali mo siya sa pangkat at tutulungan upang maging magaling siya sa pagbigkas ng wikang Filipino

2. Niyaya mo ang iyong matalik na kaibigan sa inyong bahay upang doon na ninyo gawin ang inyong proyektong inyong isasali sa patimpalak bilang pakikiisa sa Science Month Celebration. Ngunit ipinakiusap niya kung maaari niyang isama ang kaniyang nakababatang kapatid dahil walang makakasama sa bahay. Alam mong ang iyong kaibigan lamang ang inaasahan sa kanila na mag-alaga sa nakababatang kapatid. Ano ang iyong gagawin.

• A. Tutulungan siyang mag-alaga sa kaniyang nakababatang kapatid habang tinatapos ang proyekto

• B. Ipagpapabukas na lamang ang paggawa ng proyekto

• C. Sumali ka na lamang sa iba na maaring makatulong sa paggawa ng proyekto

3. Humiram ka ng kuwaderno sa iyong kamag-aral dahil nais mong kopyahin ang mga leksiyon na hindi mo natapos dahil sa iyong pagliban sa klase. Hindi sinasadyang nawala mo ito. Ano ang gagawin mo?

• A. Magkunwaring naibigay o naibalik mo na ang kuwaderno

• B. Sasabihin sa kamag-aral ang nangyari, humingi ng paumanhin at tutulungan siya upang mapalitan ang kuwadernong hiniram.

• C. Humingi ng paumanhin at bayaran na lamang ang kuwadernong nawala.

4. May bago kayong kamag-aral na pumasok sa inyong paaralan. Kapansin-pansin ang kakaiba niyang anyo at kaugalian dahil kabilang siya sa tinatawag na indigenous people o mga kapwa Pilipino mula malalayong lugar sa Pilipinas. Nais niyang sumali sa inyo habang kayo ay naglalaro ng basketball, ngunit napansin mo na siya ay pinagtatawanan at tinutukso ng iyong mga kagrupo. Ano ang gagawin mo?

• A. Hayaan siyang sumali sa laro at pagsabihan ang mga kagrupo na huwag pagtawanan at tuksuhin ang bagong kamag-aral.

• B. Hayaang sumali at huwag na lamang pansinin ang mga kagrupo.

• C. Huwag pasalihin upang hindi na siya pagtawanan at tuksuhin

5. Magkaiba kayo ng relihiyon ng iyong matalik na kaibigan. Minsan niyaya ka niyang sumamang magsimba sa kanilang kapilya o pook sambahan bago kayo mag-ensayo para sa darating na Quizbee sa Mathematika. Ano ang gagawin mo?

• A. Magsanay o mag-ensayo na lamang mag-isa

• B. Magdahilan na may ibang bagay na gagawin

• C. Sumama at igalang ang kaniyang relihiyon

6. Isa ang iyong kaibigan sa kalahok na kasali sa Quiz bee sa Mathematika. Nais niyang sabay kayong uuwi. Anong pagpapasya ang iyong gagawin?

• a. Uuwi na lamang at hindi na hihintayin ang kaibigan.

• b. Hihintayin ang kaibigan para may kasama siya sa pag-uwi.

• c. Hindi na lamang papansinin ang kaibigan.

7. Mayroon kang bagong sapatos na ibinigay ng iyong tiyuhin na galing ng ibang bansa. Hindi lingid sa iyo na sira at luma na ang sapatos ng kaibigan mo. Ano ang gagawin mo bilang kaibigan

• a. Ibibigay na lamang ang luma ngunit maayos pang sapatos para magamit ng kaibigan.

• b. Tutuksuhin ang kaibigan dahil walang bagong sapatos.

• c. Iiwasan na lamang ang kaibigan dahil wala siyang bagong sapatos na kagaya ng sa iyo.

8. Hindi lingid saiyo na ang makakalaban ninyo sa championship ay ang koponan ng iyong kaibigan. Niyaya ka niya na manood sa kanilang laro. Ano ang gagawin mo?

• a. Hindi na lamang pupunta dahil magiging magkalaban ang inyong koponan

• b. Pupunta upang maipaabot mo ang iyong suporta sa iyong kaibigan.

• c. Pupunta upang malaman mo ang mga sikreto ng kanilang koponan

9. Mayroon kang bagong aklat tungkol sa sports na paborito ninyong laruin ng iyong kaibigan ngunit alam mong hindi niya kayang bumili nito. Ano ang gagawin mo?

• a. Ibabahagi at ipahihiram ang aklat dahil pareho ninyong nais malaman ang tungkol sa paboritong laro.

• b. Hindi na lamang sasabihin para hindi makapanakit ng damdamin.

• c. Pautangin ang kaibigan para makabili ng aklat na gaya ng sa iyo.

10. Sa oras ng online class ay may napansin ka na lagi nagbubukas ng kanyang microphone at kung anu-ano ang mga sinasabe na wala naman kinalaman sa aralin. Isa siya sa mga kaibigan mo. Nagtanong ang iyong guro kung sino ang nagsasalita habang siya ay nagtuturo ng aralin. Ano ang gagawin mo ?

• Sasabihan ko na hindi mo narinig na may nagbubukas ng microphone at may iba't ibang sinasabe.

• Magkukunwari na nawalan ka ng signal at magleleft sa Google Meet para hindi masagot ang tanong ng iyong guro at mailigtas mo ang iyong kaibigan.

• Sasabihin mo ang pangalan ng iba mong kaklase para mailigtas mo ang maling ginagawa ng iyong kaibigan.

• Pagkatapos ng klase, sasabihin mo sa iyong guro kung sino talaga ang gumawa ng mali habang siya ay nagtuturo kahit na kaibigan mo pa ang may kasalanan.