Mga Pagbabagong Naganap sa Europa sa Gitnang Panahon

Naging malaganap noong Gitnang Panahon ang paggamit ng salapi at ang pagpapalitan nito na naging daan sa sistema ng pagbabangko. Ano ang naging kahalagahan ng sistema ng pagbabangko sa mga mangangalakal?

• Sumigla ang kalakalan

• Naging ligtas ang paglilipat ng salapi

• Dumami ang salapi ng mga mangangalakal

• Nagkaroon ng maraming uri ng salapi ang mga mangangalakal

Noong ika-25 ng Disyembre taong 800 ay kinoronahan si Charlemagne bilang Emperador ng Banal na Imperyong Romano (Holy Roman Empire). Ano ang naging bunga ng pagkakatatag ng Imperyong ito?

• Bumagsak ang pamumuno ng Simbahan

• Dumami ang kalabang barbaro ang Rome

• Binuhay muli nito ang Imperyong Romano

• Sinikap bawiin ng mga obispo ang pamumuno kay Charlemagne

Alin sa sumusunod ang pinakamahalagang tungkulin ng mga monghe noong Gitnang Panahon?

• Sila ang nagsisilbing tagapagdasal ng mga tao

• Sila ang tagapagpalaganap ng relihiyon sa utos ng Papa

• Sila ang tagapag-ingat ng mga itinayong Simbahan

• Sila ang naging pinuno ng mga pamayanan

Malaking bahagi ng mga mamamayan noong Panahong Medieval ay nakatali sa lupang kanilang sinasaka at naglilingkod sa kanilang panginoong may lupa. Ano ang tawag sa pangkat na ito ng mga tao?

• Baron

• Lord

• Vassal

• Serf

Isang magandang ala-ala ng Piyudalismo ang sistemang Kabalyero o Knighthood na kung saan ay itinuro sa kanila ang mga kagandahang asal. Ano ano ang mga kaasalang ito?

1. Katapangan 2. Kahinahunan 3. Maginoo 4. Marangal

• 1, 2 at 3

• 2, 3 at 4

• 1, 3 at 4

• 1, 2, 3 at 4

"Ang madalas na pagsalakay ng mga barbaro ay nagbigay ligalig sa mga mamamayan ng Europe. Dahil dito, hinangad ng lahat ang proteksyon kaya naitatag ang sistemang Piyudalismo". Ano ang ipinapahiwatig ng pahayag?

• Magulo ang Europe dahil sa pagsalakay ng mga barbaro

• Sa panahon ng kaguluhan, ang mga tao ay naghangad ng proteksiyon

• Mahina ang pamahalaan noon kaya dumami ang mga pangkat barbaro

• Ang sistemang Piyudalismo ay sagot sa kahirapan ng mga tao

Mahalagang anyo ng yaman sa Europe ang lupa. Ang hari ang pangunahing nagmamay-ari ng lupain ngunit ibinahagi ito sa mga tinaguriang “dugong bughaw” noong Gitnang Panahon. Bakit ito ginawa?

• Dahil hindi kayang ipagtanggol ng Hari ang kanyang lupain

• Dahil nagrerebelde ang mga mamamayan laban sa kanila

• Dahil labis na malaki ang lupain upang maging kanyang pag-aari

• Dahil malaki ang tiwala ng hari sa mga panginoon ng lupa

Naging matagumpay ang Simbahan na makapagtatag ng mabisang organisasyon noong Gitnang Panahon sa Europe. Sino ang kinikilalang pinakamataas na pinuno ng Simbahan noong Gitnang Panahon?

• Papa

• Kardinal

• Obispo

• Obispo ng Roma

Dumating ang panahon na ang Imperyong Romano ay unti-unting humina at tuluyang bumagsak. Anong isyung politikal ang nakaapekto dito?

• Paglubha ng krisis pangkabuhayan

• Pagsalakay ng mga Barbaro sa Rome

• Kakulangan ng mga tapat at may kakayahang pinuno

• Pagkawala ng katuturan ng pagkamamamayang Romano

Dahil sa panawagan ng Simbahan sa pamumuno ni Papa Urban II ay nailunsad ang Krusada ng mga relihiyosong European laban sa mga Turkong Muslim. Bakit inilunsad ng simbahan ang Krusada?

• Dahil nais ipalaganap ng Simbahan ang Kristiyanismo sa mga Muslim

• Dahil nais bawiin ng Simbahan ang Jerusalem na isang banal na lugar sa mga Kristiyano sa kamay ng mga Turkong Muslim

• Dahil nais palawakin ng Simbahan ang kanyang nasasakupan

• Dahil maraming European ang nabihag ng mga Muslim na nais nilang palayain