GMRC 10 3rd Quarter Test- Part 2

1. Ito ang kakayahan ng tao na makilala ang tama o mali o ang moral at di moral.

• intellect

• kilos-loob

• konsensya

• pandama

2. Ang konsensiya ay bumubulong na wari’y sinasabi sa atin, “Ito ang mabuti, ang dapat mong gawin”, “Ito ay masama ang hindi mo dapat gawin”. Anong yugto ng konsensiya ang kinapapalooban nito?

• Alamin at naisin ang mabuti

• Ang pagkilatis sa partikular na kabutihan sa isang sitwasyon

• Paghatol para sa mabuting pasiya at kilos

• Pagsusuri ng Sarili/Pagninilay

3. Hindi lamang masamang kitilin ang sariling buhay kundi masama ring kitilin ang buhay ng kaniyang kapuwa. Anong prinsipyo ng Likas na Batas moral ang batayan nito?

• Kasama ng lahat ng may buhay, may kahiligan ang taong pangalagaan ang kaniyang buhay

• Kasama ng mga hayop, likas sa tao ang pagpaparami ng uri at papagaralin ang mga anak

• Bilang rasyonal na nilalang, may likas na kahilingan ang tao na alamin ang katotohanan at mabuhay sa lipunan.

• Gawin ang mabuti, iwasan ang masama

4. Ano ang dalawang kategorya na bumubuo sa 12 na yugto ng makataong kilos ayon kay Sto. Tomas de Aquino?

• Isip at Kilos-loob

• Intensiyon at Layunin

• Paghuhusga at Pagpili

• Sanhi at Bunga

5. Habang naglalakad sa mall si Mary ay nakakita siya ng sapatos. Matagal na niyang gustong magkaroon ng ganoong klase ng sapatos. Tumigil siya sandali at nag-isip kung saan siya kukuha ng pera upang mabili ito. Nasa anong yugto ng makataong kilos si Mary?

• Intensiyon ng layunin

• Nais ng layunin

• Pagkaunawa sa layunin

• Praktikal na paghuhusga sa pagpili

6. Gamit ang halimbawa sa bilang 5. Pinag-isipan ni Mary ang iba't ibang paraan upang mabili niya ang sapatos. Hihingi ba siya ng pera sa kaniyang magulang, mag-iipon o magnanakaw ng pera upang mabili ito. Nasaan na kayang yugto ng kilos si Mary?

• Intensiyon ng layunin

• Pagkaunawa sa layunin

• Paghuhusga sa nais makamtan

• Masusing pagsusuri ng paraan

7. Bakit kailangang isaisip at timbangin ang mabuti at masamang naidudulot ng pasiya?

• Dahil ito ay magsisilbing gabay niya sa araw-araw na pamumuhay.

• Dahil ito ay makatutulong sa tao upang magkaroon siya ng mabuting kilos.

• Dahil ang bawat kilos ay may batayan, dahilan, at pananagutan.

• Dahil ito ay nagdudulot sa tao ng kasiguruhan sa kaniyang pagpili.

8. Alin sa mga sumusunod ang unang dapat gawing hakbang sa moral na pagpapasiya?

• Tingnan ang kalooban

• Magkalap ng patunay

• Isaisip ang posibilidad

• Maghanap ng ibang kaalaman

9. Kung ikaw ay magsasagawa ng pasiya, ano kaya ang pinakahuling hakbang na iyong gagawin?

• Isaisip ang mga posibilidad

• Maghanap ng ibang kaalaman

• Umasa at magtiwala sa Diyos

• Tingnan ang kalooban

10. Niyaya si Raymond ng kaniyang mga kamag-aral na huwag pumasok at pumunta na lamang sa isang computer shop. Hindi kaagad sumagot ng oo si Raymond bagkus ito ay kaniyang pinag-isipang mabuti kung ito ba ay tama o mali at ano ang sakaling magiging epekto nito kung sakaling sumama siya. Anong proseso ng pakikinig ang ginamit ni Raymond?

• Isaisip ang mga posibilidad

• Maghanap ng ibang kaalaman

• Tingnan ang kalooban

• Magkalap ng patunay