Latihan Soal Bahasa jawa

Tembang Pangkur

Sekar pangkur kang winarna

Lelabuhan kang kanggo wong ngaurip

Ala lan becik puniku

Prayoga kawruhana

Adat waton puniku dipun kadulu

Miwahing kang tata karma

Den kaesthi siyang ratri

Tembung sekar ing dhuwur nduweni teges ….

• tembang

• kembang

• geguritan

• macapat

Guru lagu lan wilangan gatra ketelu tembang pangkur yaiku ….

• 7u

• 8u

• 9u

• 10u

Guru gatra tembang pangkur yaiku ….

• 6

• 7

• 8

• 9

Tibaning dhong dhing utawa swara ing pukasaning larik ing tembang macapat diarani ….

• guru lagu

• guru wilangan

• guru gatra

• geguritan

Den kaesthi siyang ratri nduweni teges ….

• digawe awan bengi

• diudi sapa wae

• digawe sapa wae

• diudi awan lan bengi

Dongeng kang nyritakake dumadine sawijine panggonan, desa utawa kutha diarani ….

• sage

• fabel

• legendha

• mithe

Gatekna crita ing ngisor iki !

Rawa Pening

Ing Redi Merbabu wonten pandhita gadhah anak dados sawer. Sawer kala wau saya suwe saya mundhak gedhe. Sang Pandhita kersa ngakoni putra, menawa sawer wau purun tapa nglekeri Redhi Merbabu. Anggenipun nglekeri kedah ngantos gathuk antawisipun endhas kaliyan buntutipun.

Nalika sawer tapa nglekeri Redi Merbabu wau. Sareng pethitipun kacobi badhe kagathukaken kaliyan sirahipun, ananging tasih cupet. Sawer wau mbudidaya ilatipun lajeng dipuneletaken. Sang Pandhita sumerep, ilatipun wau lajeng dipun kethok Pandhita. Sawer wau boten pejah badanipun. Saya suwe saya boten katawis, saking kathahing rerungkudan.

Tiyang dhusun sami pados bebujengan wana. Ing dhusun mriku badhe wonten tatacara tradisi bersih dhusun. Sadinten wonten njero wana ananging dereng angsang bebujengan wana. Wonten tiyang lungguh kaliyan bacok bacok lelandesan ing rebatang. Kaget rebatang wau ngedalaken rah. Tiyang dushun gadhah panginten manawi ing kang medal rahipun punika uling ingkang ageng sanget. Uling wau dipunpurak ulamipun dipun bekta mantuk dhateng ing dhusun.

Ing dhusun kathah tiyang sami olah olah. Sukmanipun sawer wau lajeng mindha lare jaler. Lare jaler menika mara dhateng dhusun nyuwun ulam sekul, ananging boten dipun paringi. Wonten nini nini ingkang welas dhateng lare jaler wau. Lajeng lare wau dipunparingi ulam sekul. Lare wau ngaturaken metur nuwun lan atur pemut bilih mangkih badhe wontem bena ageng. Supados sedhiya lesung kangge prahu lan enthong kangge welahipun.

Lare wau nancebaken sada ing siti. Lare lare dhusun sami nyobi bedhol sada wau, ananging boten wonten ingkang kiyat. Tiyang – tiyang sepuh ugi nyobi mbedhol sada wau, ananging boten wonten ingkang saged. Lajeng lare jaler wau mbedol piyambak sadanipun. Sareng mbedol sadaipun wau, medhal toyanipun. Toyanipun saya suwe saya ageng, ndadosaken bena utawi banjir. Tiyang sadhusun akhire sami kerem keblabak banjir. Namung nini ingkang paring sekul ulam ingkang tasih wilujeng, amargi numpak lesung. Panggenan ingkang kabanjiran wau dados rawa. Sapunika naminipun Rawa Pening, dados tukipun lepen Tuntang

Ing redi Merbabu wonten pandhita gadhah anak dados sawer. Tembung pandhita tegese ….

• murid

• resi

• juragan

• penduduk

Sawer kala wau saya suwe saya mundhak gedhe. Sawer tegese ….

• elut

• macan

• ula

• kadal

Crita ing dhuwur kalebu dongeng jenisipun ….

• legendha

• sage

• mite

• fabel

Sang pandhita kersa ngakoni putra, menawa sawer wau purun tapa nglekeri redi Merbabu.

Redi tegese ….

• alas

• kali

• gunung

• uwit