THIRD QUARTER EXAMINATION IN ESP

Isang natatanging kaugalian ng Pilipino ang kusang-loob na pagtulong. Halimbawa: kung may nagbabayad na pasahero, inaabot natin ang kaniyang bayad kahit hindi natin siya kakilala: kung may nahulog na gamit ang isang tao at alam mong marami syang dala, pinupulot mo ito o tinutulungan mo siyang ayusin ang gamit niya. Alin sa mga sumusunod ang tumutukoy sa kaugaliang ito?

• Karapatan

• Kalinisan

• Malasakit

• Pagiging magalang

Ang Pilipinas ay may iba’t ibang pangkat etniko na mayaman sa napakaraming kultura. Alin sa mga sumusunod ang HINDI nagpapakita ng kultura?

• Ang magagandang tanawin sa isang lugar

• Ang mga katutubong kasuotan, kwentong bayan, sayaw, laro at iba pa.

• Ang mga kaugalian at pagpapahalaga ng mga tao sa isang lugar.

• Ang mga lumang kagamitan at paraan ng pamumuhay.

Sa kabila ng mabigat na suliraning idinulot ng bagyong Yolanda, hindi natinag ang mga Pilipino. Nagtulong-tulong ang bawat isa sa pamamagitan ng pagbibigay ng relief goods, muling pagtatayo ng kanilang bahay at pagdarasal para sa kanila. Mahirap mang pumunta sa mga nasalantang lugar, hindi ito inalintana ng mga kababayan natin. Isa itong patunay na likas na sa bawat Pilipino ang pagiging__.

• Bayani

• Madasalin

• Matulungin

• Mapagbigay

Si Isabel ay isang Igorot. Nang siya ay makapag-aral sa kabayanan at makapagtapos, bumalik siya sa kanilang lugar at tinulungan ang kaniyang mga kasama na baguhin ang mali nilang nakasanayan tulad ng hindi pagkakaroon ng tamang palikuran at ang pag-aasawa nang wala sa edad. May pagpapahalaga ba siya sa kanilang pangkat etniko?

• Mayroon

• Wala

• Baka

• Hindi ko alam

Alin sa mga sumusunod ang nagpapakita ng disiplina sa pangangalaga sa kalikasan kahit walang nakakakita?

• Sa parke hindi mo pinipitas ang mga magagandang bulaklak na nakikita mo

• Sa palikuran ay ipina-flush mo ang kubeta at hindi itinatapon ang tissue sa toilet bowl para malinis na magamit ng ibang tao

• Sa palaruan ay itinatapon mo ang iyong basura sa ilalim ng slide dahil may tagalinis naman dito

• Sa daan ay inilalaglag mo ang mga basura galling sa iyong bulsa mula sa paaralan.

Nagmamadali kang umuwi dahil may dadaluhan kang birthday party ng iyong kapitbahay. Paglabas mo ng silid-aralan, nakita mong umaapaw ang basura sa labas. Ikaw na lang ang tao dahil nauna nang umuwi ang iyong mga kaklase. Ano ang gagawin mo?

• Pababayaan ang basura dahil baka mahuli ka sa birthday party na iyong dadaluhan

• Mabilisan mong aayusin ang mga basura sa sako bago umuwi

• Magkukunwaring hindi nakita ang umaapaw na basura sa sako.

• Magkikibit-balikat dahil hindi naman ikaw ang tagalinis sa araw na iyon

Namamasyal kayo sa sa Roxas Boulevard. Habang naglalakd sa baybayin nito ay nakaramdam ka ng matinding pag-ihi ngunit malayo naman ang palikuran. Kung sa baybayin ka iihi ay wala naming makakakita sa iyo. Saan ka iihi?

• Sa baybayin dahil wala namnag makakakita.

• Sa palikuran kahit malayo

• Kahit saan basta maka-ihi lang

• Hindi na ako iihi at pipigilan na lang ito

Kumakain kayo ng ice cream habang naglalakad sa tabi ng kalsada. Pagkatapos ninyong kumain ay hinahanap ninyo ang basurahan para itapon ang mga stick na inyong ginamit. Dahil wala kayong makitang basurahan, bigla na lang itinapon ng kasama mo ang stick sa tabi-tabi dahil wala naman daw makakakita. Ano ang gagawin mo?

• Sasawayin ang kasama at sasabihing itapon sa basurahan ang stick na ginamit

• Gagayahin ang kasama sa pagtapon sa tabi-tabi

• Kakainin mo na lang ang stick para wala ka ng basura.

• Ibibigay sa kasama ang stick para siya na lang din ang magtapon sa tabi-tabi

Habang nasa sasakyan ay ngumunguya ka ng bubble gum. Nang malasahan mo ay matabang na ito. Ano ang gagawin mo?

• Ibabalibag sa bintana ang kinakaing bubble gum

• Ididikit sa ilalim ng upuan ang bubble gum

• Itatapon sa basurahan ang bubble gum na nasa loob ng sasakyan

• lulunukin na lang ang bubble gum

Nangangamoy na ang inyong mga basura ngunit hindi mo pa ito mailalabas kundi sa mismong araw ng paghahakot ng basurang nabubulok, ayon sa ordinansa. Ano ang gagawin mo?

• Ilalabas ko na ang basura kahit hindi pa araw ng kolekta dahil mabaho at nangangamoy na

• Ilalagay ko sa bakuran ng kapitbahay kapag walang nakakakita

• Ibabaon ko sa lupa upang maging pataba

• Ipaaanod ko na lang sa ilog para wala nang basurang mangamoy