Қазақ тілі (9 - сынып, 1 - нұсқа)

Тест тапсырмалары 1 – тоқсан 1 – нұсқа

1. Жазба тілінде пайдаланылатын жазудың тарихи қалыптасқан жүйесі (сөздердің дұрыс жазылуы):

• А) Әліпби

• В) Орфография

• С) Орфоэпия

• D) Пунктуация

• Е) Сөздіктер

2. Фонетикалық принципке сай жазылған сөздер қатарын анықтаңыз.

• А) Кейуана, жер-көк

• В) Адамдар, көзқарас

• С) Қоян-қолтық, сәнқой

• D) Қиындық, жұлын

• Е) Өкімет, жалма-жан

3. Фактіні толық және жүйелі баяндау тәсілі жағынан публицистикалық стиль қай стильге жақын?

• А) ресми іскерлік стиліне

• В) ауызекі стиль түріне

• С) көркем әдебиет стиліне

• D) ғылыми стильге

• Е) ісқағаздары стиліне

4. Адамның кең көлемдегі визит карточкасы іспеттес іс қағазы:

• А) Анықтама

• В) Түйіндеме

• С) Қолхат

• D) Өтініш

• Е) Өмірбаян

5. Қоғамдық, саяси өмірдегі маңызды мәселелерді талқылау мақсатында қолданылатын тілдік бірліктер қолданысын .............. қарастырады.

• А) ресми-іскерлік стиль

• В) ауызекі сөйлеу стилі

• С) ғылыми стиль

• D) көркем-әдебиет стилі

• Е) публицистикалық стиль

6. Тірек сөздер арқылы мәтіннің тақырыбын анықтаңыз: бәсекеге қабілеттілік, даму, жасампаздық

• А) Жаһандану

• В) Азаматтардың еркіндігі

• С) Экономикалық тәуелсіздік

• D) Саяси сауаттылық

• Е) Тәрбие мен тәлім

7. Тіл тазалығына қайшы қатарды анықтаңыз.

• А) Құрметті халықтар

• В) Менің ойымша

• С) Қадірлі оқырман

• D) Ақылдың кені

• Е) Бойға сіңіру

8. Қанатты сөздердің анықтамасын белгілеңіз.

• А) Күрделі мәселeлерді терең, дәл жеткізетін ой шалымы кең, қысқа қайырымды шешен сөз

• В) Кереғар шендестіруі жоқ, қорытындысы тұспалды, қысқа да нұсқа

  нақыл сөз.

• С) Тұжырымды ой, әуезді ұйқасқа құрылған өрнекті сөз тіркестері.

• D) Өмірдегі түрлі құбылысты жинақтап, түйіп, ықшамдап беріп, бір не екі тармақтан тұратын ой оралымы.

• Е) Қысқа сөзбен түйінделген тиянақты, бейнелі ой.

9. Үзіндідегі дәйексөзді анықтаңыз.

Сана Рамазанова – Назарбаев Зияткерлік мектебінің оқушысы:

- Менің ойымша, «Мәңгілік ел» ұлттық идеясы – арман-тұрмысы бақуатты, түтіні түзу ұшатын, ұрпақтары ертеңіне сеніммен қарайтын ел болу. Соның мақсатында болашаққа жоспарланған «Мәңгілік Ел» жобасы қазіргі кезде іске асырыла бастады. Сондай-ақ, ол бұл жобаның мақсаты – Қазақстан Республикасын әлем халықтары арасында 30 дамыған елдердің қатарына қосу. Мен бұл жобаны қолдаймын. Себебі 2050 Стратегиясында біздің елімізде экономика, медицина және білім салалары дамиды. «Мәңгілік Ел – жалпықазақстандық ортақ шаңырағымыздың ұлттық идеясы, бабаларымыздың арманы», - деген Елбасымыз. Біз жаңа сатыға көтерілеміз. «Мәңгілік Ел» жобасы арқылы біз ата-бабаларымыздың армандарын шындыққа айналдырамыз. «Мәңгілік елдің» іргетасын қалауда үлкен рөл атқаратын боламыз.

• А) Мәңгілік Ел – жалпықазақстандық ортақ шаңырағымыздың ұлттық идеясы, бабаларымыздың арманы.

• В) «Мәңгілік Ел» жобасы арқылы біз ата-бабаларымыздың армандарын ақиқатқа айналдырамыз.

• С) Соның мақсатында болашаққа жоспарланған «Мәңгілік Ел» жобасы қазіргі кезде іске асырыла бастады.

• D) Сана Рамазанова – Назарбаев Зияткерлік мектебінің оқушысы.

• Е) Менің ойымша, «Мәңгілік ел» ұлттық идеясы – арман-тұрмысы бақуатты, түтіні түзу ұшатын, ұрпақтары ертеңіне сеніммен қарайтын ел болуы керек.

10. Асты сызылған сөзге сәйкесін табыңыз. «Мәңгілік Ел» жобасы арқылы біз ата-бабаларымыздың армандарын шындыққа айналдырамыз.

• А) іс-әрекет

• В) амал

• С) тәуекел ету

• D) мақсат

• Е) ақиқат