GAWAIN 2: PAGSASANAY

Ang kaharian ng langit ay maitutulad sa isang taong lumabas nang maagang-maaga upang humanap ng manggagawa para sa kanyang ubasan. Ano kaya ang kahulugan ng pagtutulad na ito?

• Ang kaharian ng langit ay bukas para sa mga manggagawa.

• Ang Panginoon ay laging maagap sa paghahanap ng mga taong nais mapunta sa langit.

• Laging bukas ang puso ng Panginoon sa sinumang tatanggap sa kanyang mga salita at mananampalataya sa Kanya.

• Upang makapasok ang isang tao sa langit ay kailangan niya munang maging manggagawa ng Panginoon.

Sinabi niya sa kanila, “Pumunta rin kayo at magtrabaho sa aking ubasan, at bibigyan ko kayo ng karampatang upa.”

Ano ang nais iparating ng Panginoon sa pahayag na ito?

• Bawat gagawa sa ubasan ay magtatamo ng magandang kapalaran.

• Ipinangako ng Panginoon na may katumbas na bayad ang pagtugon sa kanyang paanyaya..

• Lahat ay inaanyayahan ng Panginoon na pumasok sa kanyang kaharian.

• Sino mang tumanggap sa kanya bilang Tagapagligtas ay magtatamo ng biyaya ng buhay na walang hanggan.

Lumabas na naman siya(May-ari) nang mag-iikalabindalawa ng tanghali at nang mag-ikatlo ng hapon ay ganoon din ang ginawa niya. Nang mag-ikalima nang hapon, siya’y lumabas muli at nakakita pa ng mga ibang wala ring ginagawa. Ano ang pinakamalapit na kahulugan nito?

• Sa lahat ng oras ay matiyaga ang ating Panginoon.

• Hindi nagsasawa ang Panginoon sa atin.

• Laging naghahanap ang Diyos ng mga taong susunod sa Kanya.

• Ano mang oras o panahon ay hinihintay lamang tayo ng Diyos na tanggapin Siya bilang Tagapagligtas

“Tawagin mo na ang mga manggagawa at bayaran mo sila magmula sa huli hanggang sa unang nagtrabaho. At sila’y (manggagawa) pare-parehong tumanggap ng tig-iisang pilak. Ano ang nais iparating sa pasyang ito ng Panginoon?

• Kung minsan ay hindi patas ang pagpapasya ng Panginoon.

• Pantay-pantay ang tingin ng Panginoon sa mga nananalig sa Kanya.

• Pare-pareho lamang ang kabayaran sa mga manggagawa na tig-iisang pilak.

• Mas mapapalad pa ang mga nahuli sa ubasan dahil pareho lang ang kabayaran sa kanila.

“Wala ba akong karapatang gawin sa ari-arian ko ang aking maibigan? Ano ang ibig iparating ni Hesus sa pahayag na ito?

• Hindi dapat mainggit ang tao sa kanyang kapwa.

• Alam ng Panginoon ang kanyang gagawin kaya’t huwag tayong magalit sa Kanya.

• Hindi tayo dapat magselos kung sinusuwerte ang ibang tao.

• Walang karapatan ang tao na pagdudahan ang kapasyahan at kapangyarihan ng Panginoon

Ayon nga kay Hesus,”Ang nahuhuli ay nauuna at ang una ay mahuhuli.” Alin ang pinakamalapit na paliwanag sa talinghagang ito?

• Daig ng nahuhuli ang nauuna kung ang pag-uusapan ay biyaya ng buhay na walang hanggan.

• Ang lahat ay magtatamo ng buhay na walang hanggan nauna man o nahuli sa pagtanggap sa Panginoon bilang Tagapagligtas.

• Mas mabuti pang mahuli kaysa mauna dahil mas pinapaboran ito ng Panginoon.

• Iba ang batas ng Diyos sa batas ng tao kaya hindi dapat mainggit sa ating kapwa.