ESP 3- Quiz 1(3rd quarter)

Gutom na gutom ka nang umuwi sa bahay dahil marami kayong ginawa sa paaralan. Pagdating mo ng bahay nadatnan mo ang iyong Nanay na nagluluto ng hapunan, ano ang iyong sasabihin?

• Bakit ngayon lang kayo nagluto, gutom na gutom na ako!

• Ano ang puwedeng makain, Inay?

• Ayaw ko ng niluluto ninyo, Inay!

• Mano po, Inay, tulungan ko na po kayong magluto.

Gusto mong lumabas, ngunit ang iyong guro at ang kaniyang kausap ay nakaharang sa pinto, ano ang iyong sasabihin sa kanila?

• Makikiraan po, salamat.

• Tumabi kayo sa dadaanan ko.

• Bakit kasi dito kayo nag-uusap?

• Doon kayo sa labas, nakaharang kayo sa daanan.

Binilhan ka ng iyong nanay ng cellphone na gagamitin mo para sa online class, ano ang sasabihin mo?

• “Bakit ka pa bumili?”

• “Ang pangit naman nito!”

• “Maraming salamat po, nanay.”

• “Maganda sana kaso iba ang gusto ko.”

Nabali mo ang lapis na hiniram mo sa iyong kaklase, ano ang sasabihin mo sa kaniya?

• “Nabali ang lapis mo, pahiramin mo ako ng isa pa.”

• “Pasensiya na , hindi ko sinasadya.”

• “Bakit mabilis mabali ang lapis mo?”

• “Itapon mo na lang ito nabali eh.”

Dumating galing probinsiya ang iyong Lolo at Lola, ano ang una mong gagawin?

• Babatiin sila at magmamano.

• Tatanungin kung may pasalubong sila sa amin.

• Hindi papansinin dahil walang kang oras.

• Hahayaan na lamang ang nanay ang mag-asikaso sa kanila

Maraming basura ang nakakalat sa paligid kaya naglunsad ang inyong barangay ng proyekto na “Tapat mo, Linis Mo”. Makikiisa ka ba sa proyektong ito?

• Oo, dahil kasapi ako ng isang pamayanan.

• Oo, para magandang tingnan ang ating paligid.

• Oo, para maging ligtas ang lahat sa lumalaganap na sakit.

• Lahat nang nabanggit

Ikaw ay pauwi na sa inyong bahay ng may naramdaman ka na kailangan mong pumunta sa palikuran. Ngunit malayo pa ang inyong bahay sa iyong dinadaanan at malapit ang bahay ng inyong kaibigan. Ano ang iyong gagawin?

• Hihinto ako sa isang tabi at iihi sa pader.

• Makikiusap ako sa aking kaibigan kung maaaring gumamit ng kanilang palikuran at aalis na lang basta basta.

• Hindi na lang ako iihi.

• Makikiusap ako sa aking kaibigan kung maaaring gumamit ng kanilang palikuran at maayos na gagamitin ang kanilang palikuran.

Ang pamilya ni Robert ay nasa parke upang sila ay magsama-samang pamilya. Ngunit habang naglalaro silang magkakapatid ay nararamdaman niyang siya ay naiihi. Siya ay nagpaalam sa kaniyang mga kapatid na siya muna ay gagamit ng palikuran. Paano niya magagamit nang wasto ang palikuran?

• Tatapakan ang inidoro.

• Magtatapon ng ginamit na tissue sa inidoro.

• Aalis agad pagkatapos gamitin ang palikuran.

• Bubuhusan nang maayos pagkatapos gamitin ang palikuran.

Oras na ng uwian sa inyong paaralan at ang tito mo ang naatasan ng iyong ama na sumundo sayo. Nabigla ka at nakita mo siya na naninigarilyo sa labas ng inyong paaralan. Ano ang maaari mong sabihin sa kaniya?

• Hahayaan lang siyang manigarilyo.

• Ipagwalang-bahala ang kaniyang ginagawa.

• Itatanong sa kaniya kung saan siya bumili ng kaniyang sigarilyo.

• Sasabihan ko siya na hindi siya dapat naninigarilyo sa isang pampublikong lugar at ang kaniyang ginagawa ay nakasisira lalo sa kaniyang kalusugan at sa kalusugan ng kaniyang mga kasama.

Ikaw at ang iyong nakatatandang kapatid ay papunta sa Mall upang bumili ng iyong bagong damit. Kayo ay patawid na ng daan ng biglang naging pula ang traffic light. Ano ang dapat ninyong gawin?

• Tatawid pa rin para makabili na ng aking damit.

• Tatakbo para mabilis na makarating sa Mall.

• Hihinto kami at maghihintay hanggang sa maging berde ang kulay ng traffic lights

• Papahintuin ang mga sasakyan para makatawid kami.