Module 4: Subukin

Nakita mo ang iyong kapitbahay na may itatapong isang timba na puno ng basura

sa tabing-ilog. Alam mong may karatulang inilagay ang inyong street leader kung

kaya’ t dali-dali mo itong sinundan. Ano ang iyong gagawin upang pigilan siya sa

kaniyang gagawin?

• a. Lalapit ako upang sabihin sa kaniya na galit ako sa gagawin niya.

• b. Sasabihin ko sa kaniya na bawal na magtapon ng basura sa ilog.

• c. Sisikapin kong ipaunawa sa kaniya ang kabutihang idudulot sa kapaligiran

  ng hindi pagtatapon ng basura sa ilog.

• d. Sasamahan ko siya sa pupuntahang ilog para makita ko ang ilog na marumi

  at may masangsang na amoy.

Sa hall way ng paaralan makikita ang isang karatula na may nakasulat na,

“Munting basura, pakibulsa na.” Ano ang ibig sabihin nito?

• a. Anomang basura ang makita, kaunti man o marami ikalat na.

• b. Magtapon ng basura kahit saan niya gusto at ikalat sa hallway.

• c. Iwasang magtapon ng basura sa hallway.

• d. Panatilihing malinis ang hallway, pulutin at ilagay na muna sa bulsa ang

  makitang munting basura..

May responsibilidad tayo sa pangangalaga at pagpapanatili ng kaayusan at

kalinisan ng ating kapaligiran. Bilang mag-aaral paano mo maipakikita ang iyong

pangangalaga sa ating kapaligiran kahit walang nakakakita?

• a. Itatapon ko ang balat ng kendi kung saan-saan.

• b. Pinupulot ko ang nakakalat na papel sa hallway at inilalagay ito sa tamang

  lagayan.

• c. Isinisiksik ko ang papel sa ilalim ng aking upuan tuwing nasa silid-aralan

  dahil wala namang nakakakita sa akin.

• d. Itinatapon ko ang aking basura sa palaruan kapag kami’y naglalaro.

Alin sa mga sumusunod ang nagpapakita ng may disiplina sa pangangalaga sa

kalikasan kahit walang nakakakita?

• a. Sikretong itinatapon sa daanan ang gamit na facemask.

• b. Hindi nagsusunog ng basura sa paligid at laging malinis.

• c. Inilalagay sa kanal ang mga basurang galing sa palengke.

• d. Itinatapon ang basurang naipon sa palaruan.

Anong batas sa pagpapanatili ng kaayusan at pangangalaga sa kapaligiran ang

dapat pairalin at sundin sa ilog na malinis?

• a. Bawal Manigarilyo Dito.

• b. Tumawid sa Tamang Tawiran.

• c. Huwag Magtapon ng Basura.

• d. Iwasan ang Pagtapak sa Damuhan.