Pasulit 3.3

Ang mga sumusunod ay mga tamang dahilan ng pagsunod at paggalang sa may awtoridad MALIBAN sa:

• Ginagabayan tayong mga kabataan na gawin ang tama

• Hinuhubog ng may awtoridad ang ating pagkatao lalo na ang disiplina sa sarili

• Tumutulong sila upang mapaunlad natin ang ating mga

  pagpapahalaga

• Binabantayan ang ating mga kamalian at pinagsasabihan tayo sa harap ng maraming tao

Ang magiging epekto ng pagkilala sa kahalagahan ng may awtoridad ay:

• Madali mong maisasabuhay ang pagsunod at paggalang

• Mapipilitan kang sundin ang kaniyang mga utos

• Magagawa mo ang pagsunod nang may takot

• Matatakot ka na magkamali sa gagawin

Mas madaling mauunawaan ng iyong kapwa ang kahalagahan ng paggalang at pagsunod kung nakikita nila ang iyong pagsusumikap na igalang at sundin ang iyong mga magulang, nakatatanda at may awtoridad. Ang angkop na kilos sa paggalang sa awtoridad na inilalarawan sa pahayag ay:

• Pagiging mabuting halimbawa sa kapwa

• Pagdarasal para mga taong may awtoridad

• Pag-unawa sa mga magulang at nakatatanda

• Pagiging masunurin at maunawain sa mga kaibigan

Alin sa mga sumusunod ang hindi nabibilang sa mga taong may awtoridad?

• Nakababatang kapatid

• Kapitan ng barangay

• Pangulo ng bansa

• Guro

Ang mga sitwasyon sa ibaba ay nagpapakita ng maling dahilan ng paggalang at pagsunod sa may awtoridad MALIBAN sa:

• Nakikinig si Ana sa klase dahil natatakot siya sa guro

• Tumatago si Berto kapag nakikita niya ang pulis na nakadestino sa kanilang barangay

• Ginagawa ni Pedro ang ipinag-uutos ng kanilang kagawad upang makatanggap ng suhol

• Sumusunod si Lorna sa batas trapiko dahil pinapahalagahan niya ito at iginagalang ang nagpapatupad dito.

Paano mo mas higit na maipapakita ang paggalang sa mga taong may awtoridad?

• Suportahan ang kanilang mga proyekto at programa

• Ipaglaban ang iyong karapatan lalo na kapag ikaw ay nasa katwiran

• Ipahayag ang iyong pananaw upang maiwasto ang kanilang mga pagkakamali

• Unawain na hindi lahat ng pagpapasiya at mga bagay na

  dapat sundin ay magiging kaaya-aya para sa iyo

Ang awtoridad ay tumutukoy sa:

• Mga taong inihalal sa pamamagitan ng eleksyon

• Mga pulis na nagpapanatili ng kapayapaan sa kapaligiran

• Mga taong binigyan ng kapangyarihang mamahala sa isang tiyak na pangkat ng tao

• Mga taong binigyan ng kapangyarihang gumabay sa mga mamamayan at kailangang sundin at igalang

Hinahangaan ni Jay si Danny sa taglay niyang kagalingan sa pamumuno. Nang si Danny ang naging lider ng kanilang grupo, lahat ng sabihin ni Danny ay kaniyang sinusunod at ginagawa nang walang pagtutol, kahit pa minsan ay napapabayaan na niya ang kaniyang sariling pangangailangan. Ang kilos ni Jay ay nagpapakita ng ____________.

• katarungan

• kasipagan

• pagpapasakop

• pagsunod

Ang mga sumusunod ay mga paraan ng pagpapakita ng pagsunod at paggalang sa may awtoridad MALIBAN sa:

• Pag-aaral sa tagubilin ng Diyos

• Pagiging mabuting halimbawa sa kapwa

• Pagdarasal para sa mga taong may awtoridad

• Pag-unawa na laging tama at kaaya-aya ang kanilang ipinag-uutos

Maraming balita tungkol sa mga taong may awtoridad ang kinakitaan mo ng mga gawaing taliwas sa dapat nilang gampanan. Maraming kabataang tulad mo ang nagkaroon ng pag-aalinlangan kung sila ay magpapakita pa ng paggalang at pagsunod. Ano ang pinakatama at

pinakamabuting maipapayo sa kanila?

• Alamin ang mga batas na nararapat sundin at mga karapatang dapat ipaglaban at gawin ang inaasahan sa iyo

• Sumangguni sa ibang may awtoridad na nabubuhay nang mabuti at kumilos ayon sa iyong isip at kilos-loob

• Unawain at patawarin ang mga taong may awtoridad na nakagawa ng pagkakamali, lalo na kung hindi naman ikaw ang naapektuhan

• Ipagbigay-alam agad sa kinauukulan ang nasasaksihang paglabag sa batas. Hindi makatarungan na ang nagpapatupad sa batas ay siyang lumalabag dito.