བྱ་ཚིག་ལ་དཔྱོད་པ་དང་འབྲེལ་བའི་དྲི་བ་ཁག་བཅུ།

སྔོན་འཇུག་ཕོ་བ་ཡིག་བདག་གཞན་དུས་གསུམ་གང་དག་ལ་འཇུག་གམ།

• བྱེད་འབྲེལ་ལས་ཚིག་གི་དུས་འདས་པ་དང་མ་འོངས་པ་དང་གཞན་བཅས་ལ་འཇུག

• བྱེད་འབྲེལ་ལས་ཚིག་གི་དུས་འདས་པ་དང་མ་འོངས་པ་དང་ད་ལྟ་བ་ལ་འཇུག

• བྱེད་འབྲེལ་ལས་ཚིག་གི་དུས་འདས་པ་དང་ད་ལྟ་བ་གཉིས་ལ་འཇུག

སྔོན་འཇུག་བ་ཡིག་དུས་འདས་པར་འཇུག་པའི་དཔེར་བརྗོད་ནི།

• བཏུང་།

• བཀྱིག

• བཏང་།

སྔོན་འཇུག་མ་ནིང་ག་ད་གཉིས་བདག་གཞན་གཉིས་ལས་གང་དང་གང་ལ་འཇུག་གམ།

• བདག་གཞན་གཉིས་ཀར་འཇུག

• བདག་ལ་འཇུག

• གཞན་ལ་འཇུག

སྔོན་འཇུག་ཕོ་ཡིག་གཞན་གྱི་བྱ་ཡུལ་ལ་འཇུག་པའི་དཔེར་བརྗོད་ནི།

• བསྒྲུབ་བྱ།

• དབྱུང་བྱ།

• བསྒྲུབས།

སྔོན་འཇུག་མ་ནིང་གཉིས་གཞན་ལ་འཇུག་པའི་དཔེར་བརྗོད་ནི།

• བསྒོམ་བྱ།

• དབྱུང་བྱ།

• གཏོང་བྱ།

སྔོན་འཇུག་མ་ནིང་གཉིས་བདག་གཞན་དུས་གསུམ་གང་དང་གང་ལ་འཇུག་གམ།

• བདག་གཞན་གཉིས་དང་བྱེད་འབྲེལ་ལས་ཚིག་གི་བྱ་བ་བྱེད་བཞིན་པའི་དུས་ད་ལྟ་བར་འཇུག

• བདག་གཞན་གཉིས་དང་བྱེད་མེད་ལས་ཚིག་གི་བྱ་བ་བྱེད་བཞིན་པའི་དུས་ད་ལྟ་བར་འཇུག

• བདག་གཞན་གཉིས་ཁོ་ན་ལ་འཇུག

གཅོད་པར་བྱེད། ཅེས་པ་ནི།

• སྔོན་འཇུག་མ་ནིང་གཞན་གྱི་བྱ་བའི་ཡུལ་དང་འབྲེལ་བའི་ལས་ལ་འཇུག་པའི་དཔེར་བརྗོད་ཡིན།

• སྔོན་འཇུག་ཕོ་ཡིག་བདག་གི་བྱེད་པ་པོ་དང་འབྲེལ་བའི་ལས་ལ་འཇུག་པའི་དཔེར་བརྗོད་ཡིན།

• སྔོན་འཇུག་མ་ནིང་བདག་གི་བྱེད་པ་པོ་དང་འབྲེལ་བའི་ལས་ལ་འཇུག་པའི་དཔེར་བརྗོད་ཡིན།

བདག་གཞན་དུས་གསུམ་ནི་གཙོ་བོ་གང་གི་ནུས་པས་སྟོན་གྱི་ཡོད་དམ།

• རྗེས་འཇུག

• སྔོན་འཇུག

• མིང་གཞི།

བརྗེ་བྱ། ཞེས་པ་འདི་ནི།

• སྔོན་འཇུག་ཕོ་ཡིག་བདག་ལ་འཇུག་པའི་དཔེར་བརྗོད་ཡིན།

• སྔོན་འཇུག་ཕོ་ཡིག་འདས་པར་འཇུག་པའི་དཔེར་བརྗོད་ཡིན།

• སྔོན་འཇུག་ཕོ་ཡིག་གཞན་ལ་འཇུག་པའི་དཔེར་བརྗོད་ཡིན།

འོག་གི་དཔེར་བརྗོད་རྣམས་ལས་སྔོན་འཇུག་མ་ནིང་བྱ་བ་བྱེད་བཞིན་པའི་དུས་ལྟ་བར་འཇུག་པ་ནི།

• རྟོག་བཞིན་པ།

• དཔྱོད་བཞིན་པ།

• གཏང་བཞིན་པ།