Unsur-unsur Intrinsik

Cara sasari, Rhéa hayang maca di Taman Bacaan Nini Lintang, tapi . . .

“Har, ari ieu buku-buku badé dicandak ka mana, Ni?” ceuk Rhéa.

“Badé disumbangkeun ka pabukon sareng taman bacaan!” jawab Nini.

“Ari buku détéktif karesep abdi kumaha, Ni?” ceuk Rhéa.

“Aduh, muhun nya, Nini hilap misahkeun. Boa-boa dilebetkeun kana dus. Tadi Nini rusuh, margi ieu buku téh kedah dikirim kaping 17. Dinten ieu.” Ceuk Nini Lintang.

Latar tempat dina sempalan carpon di luhur nyaéta . . .

• di Taman Bacaan Nini Lintang

• di pabukon (perpustakaan)

• di taman caket bumi

• di Taman Bacaan imah Rhéa

Sakeueung deui, indungna Saliha jeung Sali balik ti pasar. Saliha ngajak adina, Sali, méréskeun kamar.

“Yu ah, urang béréskeun heula bukuna, kakara cocooan,” ceuk Saliha.

“Upami sasarengan mah. Pasti téréh rpaihna nya téh!” ceuk Sali.

Saliha resep ngajak adina digawé babarengan. Méréskeun kamar, meresihan buruan, meresihan jamban, jeung réa-réa deui. Lantaran unggal pancén di imah dipigawé babarengan, Saliha jeung Sali mah tara ngarasa ripuh. Pagawéan anu sakitu lobana gancang pisan bérésna.

Amanat tina sempalan carpon di luhur nyaéta . . .

• Kudu akur lamun jeung dulur, teu meunang guntreng.

• Kudu getol bébérés imah, bisi dicarékan ku kolot.

• Kudu digawé babarengan sangkan teu karasa beurat.

• Kudu mantuan ema bébérés imah.

Ieu pun lanceuk, namina Téh Risa. Anjeunna hébat pisan, tiasaan kana sagala. Ti mimiti naék kana tangkal, ngadamel kakapalan, ngadamel sangu goréng, jeung réa-réa deui.

Téh Risa ogé teu sieunan jeung jarang pisan nangis. Lamun geubis ogé Téh Risa mah tara nangis.

“Téh ieu kumaha kakapalanna rusak?” ceuk abdi ka Téh Risa.

“Teu nanaon, kin ogé tiasa didangdosan.” jawab Téh Risa.

“Yééé, Nuhun Téh. Téh Risa hébat.”

Dumasar sempalan carpon di luhur, watek tokoh Téh Risa nyaéta . . .

• sieunan jeung mineng ceurik

• wanian jeung sagala bisa

• sieunan tapi sagala bisa

• wanian tapi mineng ceurik

Sarah téh dulurna Réta ti luar negri. Ayeuna Sarah keur nganjang ka imahna Réta. Sapoé babarengan jeung Réta, Sarah ngarasa héran yén Réta téh sagala nyaho jeung sagala bisa.

“Réta hébat nya sagala terang sareng sagala tiasa!” ceuk Sarah.

“Alhamdulillah, soalna guru lés abdi sok ngajarkeun rupa-rupa hal.” ceuk Réta.

Hiji poé, Sarah milu ka warung. Réta mawa karanjang balanja, guruna ngabéjaan sangkan ngurangaan palastik. Waktu mayar balanjaan ogé, Réta gancang pisan ngitungna. Ceuk Réta, guru lésna nu ngajarkeun cara ngitung gancang.

“Janten hoyong pendak sareng guru lés Réta.” ceuk Sarah.

Dumasar sempalan carpon di luhur, anu ngajarkeun Réta sagala hal téh nyaéta . . .

• indungna

• bapana

• babaturanna

• guruna

Dina carpon aya nu disebut runtuyan atawa jalan carita. Runtuyan atawa jalan carita téh disebutna . . .

• galur

• téma

• latar

• amanat