Շարահյուսություն

Քվեարկեք այն պատասխան(ներ)ի օգտին, որ համարում եք ճիշտ

• Նախադասության կապակցման միջոցներն են խնդրառություն, համաձայնություն, շրջադասություն

• Համաձայնությունը բնորոշ է ենթակային և ստորոգյալին, որոշչին և հատկացուցչին

• Խնդրառությունը կապակցման այն եղանակն է, երբ բայը պահանջում է համապատասխան հոլովով և կապով դրված լրացում

• Անեզական գոյականով արտահայտված ենթակայի հետ գործածում ենք եզակի ստորոգյալ

Յուրաքանչյուր փողոց ու նրբանցք պետք է բարեկարգվի ու մաքրվի

(a)  

Ընտրել ճիշտ տարբերակը

• Սևակը այն բանաստեղծներից է, որ «ուշ-ուշ է գալիս, բայց ոչ ուշացած»:

• Սևակը այն բանաստեղծներից է, որ «ուշ-ուշ են գալիս, բայց ոչ ուշացած»:

Ո՞ր նախադասության մեջ շարադասական սխալ չկա։

• Հանրաճանաչ անգլիական «Ավե» ընկերությունը վաղուց արդեն հայկական շուկայում է

• Իսլամական համաշխարհային համաժողովը այդպես էլ չկայացավ

• Շատ եվրոպական երկրներում այսօր հորդառատ անձրևներ են տեղում

• Մայիսի 30-ին կայանալիք Երևանի քաղաքապետի ընտրությունները հանրության ուշադրության կենտրոնում են

Ո՞ր նախադասության մեջ համաձայնության սխալ չկա

• Այն բոլոր կանխատեսումները, որ ներկայացվել է, սխալ դուրս եկան։

• Դրանից հետո դիրքերը կթուլանա։

• Նավաստին ուղևորներից մեկի հետ մնացին նավի բազրիքին կռթնած։

• Այդ դեպքից հետո պատկերացնում եմ, թե ինչեր կկատարվեն։

Ո՞ր նախադասության մեջ համաձայնության սխալ կա

• Իջնում էր ձյունը հանդարտ՝ ճերմակ անուրջներով պարուրելով երկիրը։

• Նիդերլանդները Եվրոպայի լավագույն երկրներից է։

• Թմբուկ, զուռնա, աղաղակ, հռհռոց խառնվեց իրար, սկսվեց իրարանցում

• Այսպես է անցկացնում ժամանակը բուն փարիզեցիների մեծ մասը

Ո՞ր նախադասության մեջ խնդրառության սխալ չկա

• Աղջիկը ստիպված էր համաձայնել տղայի խոսքերի հետ

• Մենք ծանոթացանք նրա հետ երկու օր առաջ։

• Ես երախտապարտ եմ իմ ծնողներից

• Մենք պատրաստվում ենք մեկնելու երկու օր անց։

Հետևյալ բայերի կողքին դնել լրացումներ

Օգնել, մասնակցել, կասկածել, խթանել, շնորհակալություն հայտնել

Գտիր սխալը։

• Քեզ՝ իբրև հաղթողի, հանձնելու են պատվոգիր։

• Աղջիկն այդ գեղաչյա հրդեհել էր տղայի սիրտը։

• Ամռան հովերի մեջ օրորվում էր արմավենին։

• Հանձինս ինձ՝ նա ունի հրաշալի ընկեր։

Ի՞նչ սխալներ են թույլ տրված

Ամեն ինչ՝ և' տունը, և' այգին, և կահ-կարասին, գրավ էին դրված, քանի որ նա բաց էր թողել հնարավորությունը այդ ամենը հետ բերել։

• բառակազմական

• շարադասական

• համաձայնության

• խնդրառության