TAYAHIN

Panuto A: Basahin ang mga sitwasyon at piliin ang titik ng tamang sagot. Isulat ito sa kwadernong panggawain.

1. May panauhing darating sa inyong tahanan, paano mo maipapakita ang iyong magiliw na pagtanggap sa kanila?

• A. Hindi ko sila pagbubuksan ng pinto.

• B. Magdadabog ako sa harapan nila upang umalis agad sila.

• C. Maghahanda ako ng pagkain at sisiguraduhing malinis ang bahay.

2. May taong hindi mo kilala na lumapit sa iyo upang magtanong sa tamang direksyon na kanyang pupuntahan, ano ang gagawin mo?

• A. Tatakbo ako palayo sa kanya.

• B. Maayos ko siyang kakausapin at sasagutin.

• C. Magkukunwari akong hindi ko siya nakita at narinig.

3. Paano mo maipapakita ang pagmamalasakit sa mga nakakasalamuha lalo na sa mga taong hindi mo kakilala?

• A. Bahala na rin sila sa sariling buhay nila

• B. Tatratuhin ko sila ng maayos at mabuti

• C. Hindi ko sila pakikialaman at papansinin

4. Nakita mong walang gustong kumausap sa isang turistang nagtatanong dahil na rin sa kanyang linggwahe, ano ang gagawin mo?

• A. Wala akong pakialam sa kanya

• B. Lalapit ako sa kanya at tutulungan ko siya

• C. Hindi ko rin siya papansinin katulad ng ginagawa ng iba

5. Lumapit sa iyo ang isang matanda at nanghihingi ng pagkain pagkat siya’y gutom na, ano ang iyong gagawin?

• A. Itatago ko ang aking pagkain

• B. Bibigyan ko siya ng aking pagkain

• C. Lalayo ako sa kanya upang hindi siya makahingi sa akin