PAGBIBIGAY NG WAKAS-Q2W1

1. Nagkagulo ang mga tao sa palengke. May naghahabulan, may Sumisigaw. May isang babaeng iyak nang iyak. “Prrt, Prrt,” ang silbatong naririnig sa loob ng

palengke. Maya-maya’y lumabas ang isang pulis na may bitbit na bag. Kasunod niya ang isang batang lalaki. Hawak-hawak ng isang barangay tanod ang batang umiiyak. Sa iyong palagay, alin ang katapusan ng kuwento?

• A. Naibalik ang bag sa babae at dinala sa presinto ang magnanakaw

• B. Dinala ng pulis sa presinto ang bata at ang babaeng inagawan ng bag.

• C. Nagpaputok sa itaas ang pulis at hinabol ang magnanakaw.

2. Nasa parke si Alice noong Sabado ng umaga. Habang naka upo siya, may nakita siyang isang pitaka sa ilalim ng kaniyang upuan. Balisang-balisa ang isang matandang lalaki na naglalakad patungo sa kaniyang lugar. Hinahanap niya ang kaniyang nawawalang pitaka. Ano kaya ang gagawin ni Alice?

• A. Hindi na nahanap ang pitaka nang matandang lalaki at umuwi siya na malungkot.

• B. Itinago ni Alice ang pitaka na kaniyang nakita at hindi niya ito ipinagbigay alam.

• C. Kinuha ni Alice ang pitaka na kaniyang nakita at isinauli niya ito sa matandang lalaki.

3. Nagbakasyon ang pamilya ni Miko sa Pangasinan. Tumira sila sa bahay ng kanilang Lolo Jose at Lola Bering na malapit sa dalampasigan. Sabik na sabik sina Miko at ang kaniyang mga kapatid na maligo sa dagat. Bilin sa kanila ng nanay na huwag maliligo ng dagat na walang kasamang matanda. Malakas ang hampas ng alon at mataas ang tubig sa dagat noong hapong iyon. Dali-daling nagtungo ang magkakapatid sa dagat at nagpasyang maligo kahit wala silang kasamang matanda na magbabantay sa kanila. Nagtungo sa malalim na

bahagi si Miko, kahit sinabihan siya ng kaniyang kapatid na huwag pumunta sa malayo. Maya-maya ay may malakas na sigaw na “Tulong! Tulong! Tulungan

ninyo ang kapatid ko!” Ano kaya ang nangyari kay Miko?

• A. Masayang-masaya na naligo ang magkakapatid sa dagat.

• B. Pinagalitan sila ng kanilang nanay dahil naligo sila sa dagat na walang kasamang matanda.

• C. Nalunod ang bata dahil sa malakas na alon at mataas na tubig dagat.

4. Matalik na magkaibigan at magkapitbahay sina Lucy at Abby. Malapit na malapit sila sa isa’t-isa. Nagbabahagian sila ng kanilang mga problema at sikreto sa buhay. Isang araw, nagkaroon ang dalawa ng bagong kapitbahay na ang anak ay ka-edad rin nila. Si Belen ay mabilis na napalapit sa dalawa. Isang araw, natuklasan ni Abby na sinabi ni Lucy ang isang pinakatatago niyang sikreto kay

Belen.

• A. Mas napalapit ang loob ni Lucy kay Belen dahil sa pagsiwalat nito ng sikreto ni Abby.

• B. Nagtampo si Abby kay Lucy sa kaniyang ginawa at hindi na sila nag-uusap mula noon.

• C. Naging matalik na magkakaibigan sina Lucy, Abby, at Belen.

5. Binilhan si Lawrence ng kaniyang tatay ng bagong bisikleta. Ngunit pinagbawalan siya ng kaniyang nanay na magbisikleta sa labas ng kalsada. Alam ng kaniyang nanay na delikado ito para sa kaniya, dahil sa maraming mga sasakyan ang dumaraan dito. Isang araw naisipan ni Lawrence pumunta ng plasa upang doon magbisikleta. Habang nasa daan may mga nakasalubong siyang sasakyan. Mabilis ang pagpatakbo ni Lawrence, may mga latang nakakalat sa kalsada na may biglang kumalabog.

• A. Nadisgrasya si Lawrence at dinala siya sa ospital upang ipagamot.

• B. May mga sasakyan nagbanggaan sa kalsada at maraming ang disgrasya.

• C. May mga nagkalat na lata sa kalsada dahil sa mga batang naglalaro.