Сыныпқа мінездеме
Сыныпта 26 оқушы бар. Оның ішінде 11 ұл бала, 14 қыз бала. Әлеуметтік құрамы орташа. Материалдық жағынан жеткілікті қамтылған. Сынып оқушылары ұйымшыл, бір-бірімен жақсы араласады.Сыныптың жалпы танымдық бағыты орташа. Үздік оқушылар жоқ, оқу екпінділері -10, білім сапасы -38%. Себепсіз сабақ босататындар жоқ. Сынып оқушыларының математика, физика, алгебра, геометрия, химия пәндерінен білім сапасы төмендеу.
Сынып оқушылары қалалық, мектепішілік олимпиадалардан жүлделі орындарды иеленіп жүр. Қазақ тілі пәнінен қалалық олипиадада Оспанова Гүлнұр жүлделі ІІІ орынды, «Айналайын» облыстық конкурста қазақ тілі пәнінен Омарова Нурай, Тұрсынова Зара, Оспанова Гүлнұр жүлделі ІІ орындарды иеленді, тарих пәнінен интернет олимпиададаға Уалиолдинов Мейірім сертификат иеленді.
Үйірмелерге қатысу туралы: қыздар көбіне би үйірмесіне, ұлдар спорттық үйірмелерге қатысады.
Оқушыларды осындай сайыстарға қатыстырып,қаржылай да, рухани дем беріп жүрген ата-аналарға айтар алғысымыз шексіз.
Осы тұрғыда мектептің терезелеріне жалюзи алуда 5 мың көлемінде қаржылай көмек көрсетіп және наурыз мерекесін өткізуге ат салысқаны үшін өзімнің, мектеп әкімшілігі, ата-аналар атынан Нұрланқазы Айнұрдың ата-анасына алғысымызды айтамыз. Наурыз мерекесіне «Ең дәмді наурыз көже» дайындаған Асқарбаева Арайлымның апасына алғыс білдіреміз.
Сыныптан тыс жұмыстарды сынып жетекшісінің көмегімен көбінесе сынып старостасы мен тәрбие секторы ұйымдастырады. Барлығын жоспарлап алғаннан соң әрбір оқушыға тапсырмаларын бөліп беріп, орындалуын қадағалап отырады. Тапсырманы әр оқушының бейімділігін, жеке-дара ерекшелігін ескере отырып бөледі.
Сынып іші топ-топқа бөліну, бір-бірімен араласпай жүру деген сияқты жаман қылықтардан аулақ. Оқушылар ұйымшыл. Сабақ үстінде бір-біріне үнемі көмектесіп отырады. Сыныптағы ұлдар мен қыздар арасындағы қарым-қатынас жақсы. Сондықтан сыныпты жақсы сынып деп санаймын.
Сыныптың танымдық бағытының орташалығын қалай байқауға болады?
