ວິຊາ ພາສາລາວ ມ4 12

ການນໍາໃຊ້ເຫດຜົນມາຊີ້ແຈງບັນຫາໃດໜຶ່ງ ເພື່ອໃຫ້ຜູ້ອ່ານຜູ້ຟັງເຂົ້າໃຈ ເປັນການຂຽນປະເພດໃດ ?

• ບົດພິສູດ.
• ບົດວິຈານ.
• ບົດວິເຄາະ.
• ບົດອະທິບາຍ.

ຂໍ້ຄວາມທີ່ວ່າ ‘’ ເອື້ອຍຂ້ອຍເວົ້າພາສາອັງກິດເກັ່ງປານພາສາລາວ’’ ຂໍ້ໃດ ແມ່ນຂໍ້ຄວາມປຽບທຽບ ?

• ປານພາສາລາວ.
• ເວົ້າພາສາອັງກິດເກັ່ງ.
• ເອື້ອຍຂ້ອຍເກັ່ງພາສາອັງກິດ.
• ເອື້ອຍຂ້ອຍເວົ້າພາສາອັງກິດເກັ່ງ.

ຂໍ້ໃດ ແມ່ນເເພີ່ນໃຊ້ສໍານວນ ປຽບທຽບ ?

• ລາວເປັນຄົນຫົວອ່ອນ.
• ເຂົາເປັນຫຼັກຂອງຄອບຄົວ.
• ລາວເປັນຫົວຈັກຫຼັກແຫຼ່ງຂອງວຽກງານນີ້.
• ນາງບົວສີມີມາລະຍາດຄ່ຽມຄົມຄືແພພັບໄວ້ໃນຕູ້.

ຄໍາສຸພາສິດທີ່ວ່າ ‘’ເປັນຄົນເຮືອນນ້ອຍ ບໍ່ທໍ່ເປັນຂ້ອຍເຮືອນໃຫຍ່’’ ແມ່ນມີລັກສະນະແນວໃດ ?

• ຖືກຕ້ອງສົມບູນ.
• ຜິດໝົດ.
• ຖືກແດ່ ແລະ ຜິດແດ່.
• ສໍານວນປຽບທຽບ.

ການຍ້ອງຍໍສິ່ງທີ່ຖືກຕ້ອງ ແລະ ຕໍາໜິສິ່ງທີ່ຜິດພາດຂອງບັນຫາ ແມ່ນການຂຽນບົດປະເພດໃດ ?

• ບົດອະທິບາຍ.
• ບົດພິສູດ.
• ບົດວິຈານ.
• ບົດວິຊາການ.

ການຂຽນສະແດງຄວາມຮູ້ສຶກດີໃຈ ເພິ່ນໃຊ້ໃນໂອກາດໃດ ?

• ໂອກາດພິເສດຂອງຄົນໃກ້ຊິດ.
• ໂອກາດສໍາຄັນຂອງງານບຸນຕ່າງໆ.
• ໂອກາດພິເສດຂອງໝູ່ເພືອນ.
• ໂອກາດສໍາຄັນຂອງຜູ້ໃຫຍ່ຜູ້ອາວຸໂສ.

ຂໍ້ຄວາມທີ່ວ່າ: ນັກຂຽນໄດ້ພັນລະນາຄວາມຮູ້ສຶກຂອງຕົນອອກມາວ່າ: ‘’ນາງເປັນຄົນທີ່ມີຮູບຊົງສວຍງາມ, ແວວຕາແຫຼມຄົມ, ວ່ອງໄວ, ເວົ້າພ້ອມກັບຍິ້ມຍ່າງມີສະເໜ່’’ ແມ່ນຄວາມຮູ້ສຶກປະເພດໃດ ?

• ດີໃຈ
• ຕົກໃຈ
• ເສຍໃຈ
• ປະທັບໃຈ

ຂໍ້ຄວາມໃດລຸ່ມນີ້ ຖືກຕ້ອງຕາມຄວາມເປັນຈິງ ແລະ ມີລັກສະນະວິທະຍາສາດທີີ່ສຸດ ?

• ແຂ່ງເຮືອແຂ່ງແພແຂ່ງກັນໄດ້ ແຂ່ງບຸນວາດສະໜາແຂ່ງກັນບໍ່ໄດ້.
• ຍ່າງນໍາກົ້ນຜູ້ເຖົ້າ ຜີເປົ້າບໍ່ກິນ.
• ຄວາມຄຶດມີບໍ່ແພ້ ທຶນຊິຄ້າກໍບໍ່ມີ.
• ໜັກຊ່ວຍກັນຫາບ ຫຍາບຊ່ວຍກັນດຶງ.

ການແຕ່ງບົດວິຈານຕ້ອງອີງໃສ່ຫຍັງ ເພື່ອຕີລາຄາບັນຫາວ່າຖືກຜິດ ?

• ຄວາມຮູ້, ຄວາມຄິດ ແລະ ທັດສະນະຫຼັກໝັ້ນຂອງຜູ້ແຕ່ງ.
• ທັດສະນະຫຼັກໝັ້ນ ແລະ ເປົ້າໝາຍຂອງຜູ້ແຕ່ງ.
• ເນື້ອໃນຄວາມໝາຍຂອງບົດ.
• ໃຈຄວາມຂອງບົດ.

ຂໍ້ໃດແມ່ນວະລີທັງໝົດ ?

• ຄົນບ້ານດຽວກັນ, ນົກບິນ, ປະຊາທິປະໄຕ.
• ນົກບິນສູງ, ໄກ່ຂັນມ່ວນ, ນ້ອງນອນເຢັນດີ.
• ເຮືອນຂອງຂ້ອຍ, ນ້ອງນ້ອຍ, ພວກເພິ່ນນີ້ເອງ.
• ບ້ານໂຊກຄໍາ, ຂ້ອຍນີ້ເອງ, ທ້ອງແຕກ.