Pakikiisa sa Gawaing Pambata

Nais mong sumali sa patimpalak sa pagsasayaw ngunit tila mayroon kang pag-aalinlangan. Ano ang dapat mong gawin?

• Mag-ensayo at lakasan ang loob.

• Huwag na lámang sumali.

Pawang magagaling ang lumahok sa tagisan ng galing sa pag-awit. Nang inanunsyo ang nanalo ay hindi ninyo ito nakamit. Ano ang gagawin mo?

• Magsisisigaw na hindi patas ang desisyon.

• Tanggapin nang maluwag sa kalooban ang pagkatalo.

Alin sa mga sumusunod ang dapat mong tanggalin sa tuwing nagtatangka kang sumali sa palaro o paligsahan?

• Hiya

• Galíng

Alin sa mga sumusunod ang dapat mong linangin sa iyong pakikiisa sa iba’t ibang gawain?

• Tiwala sa Sarili

• Pangamba

Alin sa mga sumusunod ang naidudulot ng pakikipaglaro sa kapwa batà?

• Napapaunlad ang pakikipagkapwa-tao.

• Nalalamangan mo ang kalaban mo.

Lagi kang umiiwas sa tuwing naghahanap ang iyong guro ng kakatawan sa mga patimpalak o paligsahan. Batid mong kaya mo naman ito.

• Tama

• Mali

Sa tuwing sinasabihan ka ng iyong guro na sumali sa palaro ay lagi kang nagdadahilan ng hindi totoo upang makaiwas lámang.

• Tama

• Mali

Sumali ka sa paligsahan sa pagtula. Nang ikaw ay nása bulwagan na, nakita mong napakaraming tao ang nanonood. Huminga ka ng malalim at nilakasan ang iyong loob.

• Tama

• Mali

Nagwagi ang kaibigan mo sa patimpalak sa pagpipinta. Sumamâ ang iyong loob sa kaniya at hindi mo na siya binati.

• Tama

• Mali

Nang ikaw ay nanalo sa tagisan ng talino. Ikaw ay nagyabang sa iyong mga kalaro.

• Tama

• Mali