Pisa оқу сауаттылығы №2

Үнді

Үнді жұртының бір адамы бір жақтан үйіне қайтып келсе, үйдің қасындағы ағаштың басына кептіруге іліп қойған еті жоқ. Ағаштың айналасын әбден жүріп, қарап болған соң, орамға шығып жолай дауыстап сұрайды:

- Аласа бойлы, қолында қыскантақ мылтығы бар, соңында тарақ-құйрық кішкентай иті бар, бірі қарт адам көрдіңіз бе? - деп.

Бұл кісіні әркім көрген екен, сілтеумен барып тауып ұрысын ұстапты-мыс. Ауылдас адамдары үндіден «ұрының түсі-түгін қайдан білдіңіз» деп сұрасыпты. Сонда үнді айтты дейді:

- Ұрының аласа бойлы екенін білгенім, менің қолыммен ілген етімді, ол ағаштан аяғының астына тас қойып, соның үстіне шығып алыпты. Қарт екенін білгенім, жүргендегі ізінен байқадым - адымының арасы тым жақын екен. Мылтығының қысқа екенін: етімді ұрларда, мылтығын ағашқа сүйеп қойған екен, сонда мылтықтың аузы ағаштың кішкене қабығын жырып кетіпті, жер мен сол жырылған қабықтың арасынан шамаладым. Ұрының қасында иті бар екенін, және ол иттің өзі кішкентай, құйрығы тарақ-кұйрық екенін білгенім, етімді ұрлап жатқанда, ит анадай бір кұмайтырақ жерде отырған екен; соның құмға түсіп қалған ізінен, және былғаңдатқан құйрығының табынан байқадым депті-міс.adebiportal.kzhttps://adebiportal.kz/kz/news/view/20824

Үнді жұртының бір адамы ұрының аласа бойлы екенін қайдан білді?

• Көрген адамдар айтқан.

• Ауылдас адамдары түстеген

• Адымының арасы тым жақындығынан.

• Ол ағаштан аяғының астына тас қойып, соның үстіне шығып алыпты.

Үнді  ұрыны не үшін сипаттады?

• Ұрыны табу үшін.

•  Ұрыны көрген адамдарды анықтау үшін.

• Ұрыны жазалау үшін

• Жоғалған затын табу үшін.

Tags

Үнді

Үнді ұрыны табу мақсатында неге сүйенді?

• Біліміне.

• Тапқырлығына.

• Ауылдастарына.

• Аңғарымпаздығына.

Tags

Үнді

Келбет алдамшы ма?

Үлкен орманда бір жылан өмір сүрді.Жыланның түрі суық әрі сұсты болатын. Сондықтан да жануарлар «шағып алар,жалмап өтер» - деп, бойын одан аулақ ұстайтын. Жалғыздық жаман зат екен,ол өзінің жылан болғанына өкінетін де секілді. Сондықтан да уақытының көп бөлігін өсімдіктердің арасында өткізетін.

Күн зулай өтті, қартайған жыланға да ажал жетті. Барлық жануарлар өлім орын алған жерге келді. Жануарлар ішінен «О, жақсы болды ғой, бір қауіп сейілді», - деген дауыс шығып еді, орман дәрігері ашулы қалыппен: -Олай деуші болма, ол барлық уын маған дәрі жасау үшін беретін, - депті. (Олжас Жалғасұлы)

1.     Автордың ойын анықтаңыз

• Әдемілікті дәріптеу.

• Әр нәрсенің өз пайдасы бар.

• Жыланды сұсты болғаны үшін шеттету.

• Жыланның қауіпті екенін көрсету

   Жылан көп уақытын неге өсімдіктің арасында өткізеді?

• Салқындықты ұнатқандықтан.

• Сұсты болғандықтан.

• Одан басқалар қашқандықтан.

• Ылғалды жерді ұнатқандықтан.

Tags

Келбет алдамшы ма?

     Орман жануарларының бірі болсаң не істер едің?

• Жыланнан аулақ жүрер едім.

• Жыланмен жақын болар едім.

• Басқа жануарларды жыланмен жақын болуға үгіттер едім.

• Бәрінен де аулақ болар едім.

Tags

Келбет алдамшы ма?