Па-беларуску — без памылак: самы просты тэст

Любім каву з малаком, а яно скончылася. — Схадзі ў краму...

• за малаком

• па малацэ

• па малако

Answer explanation

Так! Ходзяць па малако, па ваду, у грыбы: „па“ азначае мэту. Хадзіць „за вадой“ — значыць за плынню, куды вада пацячэ.

— Не магу заснуць, у суседзяў плача малое...

• дзіцяці

• дзіця

• дзіцёнак

Answer explanation

Так. Малое дзіця (ёсць і варыянт дзіцё). Скланяйма правільна: Майму дзіцяці ўжо год. Гуляем зь дзíцем у двары.

— Лядоўня з раніцы пустая! Ты, відаць, паціху начамі...

• еш

• ясі

• ясіш

Answer explanation

Так. Што ты там ясí? А мне не дасí? Словы есці і даць па-беларуску спрагаюцца адметна: я ем, ты ясí, ён/яна есць, мы ямо, вы ясцé, яны ядуць.

— Не глядзі ў тэлефон, моцна трымай стырно ровара...

• дзвюма рукамі

• дзвюмя рукамі

• двума рукамі

Answer explanation

Так! Дзвюма рукамі — мякка, бо дзве рукі (форма жаночага роду). А ў мужчынскім родзе — цвёрда: за двума зайцáмі, бо два зайцы́.

Падтрымлівай форму — круці абруч і на таліі,

• і на руке, і на наге.

• і на руцы, і на назе

• і на руцэ, і на назе

Answer explanation

Так! На руцэ́, пры Аленцы. У канцы слова КЕ ХЕ ГЕ не бывае! Рака — на рацэ, кніга — у кнізе, Лявоніха — Лявонісе: тут знакамітыя беларускія чаргаваньні К > Ц, Г > З, Х > С.

Не забываюся званіць сваім маме і...

• тату

• таце

• папе

Answer explanation

Так! Каму? Тáту; Янку Купалу; старасту. Скланяем паводле ўзору мужчынскага роду.

— Хто праліў гарбату? Калі ласка,

• лі акуратна.

• лей акуратна.

• лій акуратна.

Answer explanation

Так! Лі акуратна, пі культурна, ня сёрбай! Ліць, піць, віць, біць — лі, пі, бі, ві. „Біце ў сэрцы іх, біце мячамі!“ (Багдановіч. „Пагоня“)

Нельга кпіць...

• над хворым.

• каля хворага.

• з хворага.

Answer explanation

Так! Кпяць, смяюцца, а таксама, на жаль, здзекуюцца — з кагосьці.

Як па-беларуску „Ladies & Gentlemen“?

• спадарства

• спадары і спадарыні

• каханенькія-родненькія

• спадарыні і спадары

Answer explanation

Так. Шаноўнае спадарства! — зварот да жанчын і мужчын разам.

— І каму ж такі прыгожы букет? — Гэтыя ружы…

• цябе

• цебя

• табе

Answer explanation

Так! Ружы (каму?) табе. Утульна (пры кім?) пры табе. Але: Хачу бачыць (каго?) цябе. Запомніць лёгка: мне — табе, мяне — цябе.