ARALIN 3 Quarter 3: Angkop na Kilos ng Pagsunod at Paggalang

Paano naipakikita ang paggalang?

• pakikibahagi sa mga gawaing nakasanayan

• pakikipag-ugnayan sa mga taong nakakahalubilo

• pagbibigay ng halaga sa isang tao

• pagkilala sa mga taong naging bahagi ng buhay

Gaano kahalaga ang pagkakaroon ng nakasanayang gawi o ritwal sa pamilya?

• Napagtitibay nito ang presensiya ng pamilya.

• Naipagpapatuloy nito ang tradisyon ng pamilya.

• Nabubuklod nito ang mga henerasyon.

• Naiingatan nito ang pamilya laban sa panganib.

Paano mo mas higit na maipakikita ang paggalang sa mga taong may awtoridad?

• Unawain na hindi lahat ng pagpapasiya at mga bagay na dapat sundin ay magiging kaaya-aya sa iyo.

• Ipaglaban ang iyong karapatan lalo na kapag ikaw ay nasa katuwiran.

• Ipahayag ang iyong pananaw upang maiwasto ang kanilang mga pagkakamali.

• Suportahan ang kanilang mga proyekto at programa.

Kung pagkatapos ng edad na tatlo hanggang apat, nagsisimula nang mahubog ang kilos-loob ng isang bata, ang bata ay ____________.

• madaling makasusunod sa mga ipinag-uutos ng kanyang mga magulang.

• nagkakaroon ng pagkilos sa kahalagahan ng pagsunod sa kanyang buhay.

• nagkakaroon ng pag-unawa sa kahalagahan ng mga tuntuning itinatakda.

• kumikilos ayon sa mga ipimatutupad na utos ng kanyang magulang.

Ano ang ipinahihiwatig ng pahayag na, "Ang pagsunod ay pagkilos sa pagitan ng katuwiran at ng kakayahang magpasakop"?

• Ang marapat na pagsunod ay naipakikita sa pamamagitan ng pagpapasakop.

• Kailangang sumunod at magpasakop dahil ito ang makatuwiran at nararapat.

• Maipakikita sa pamamagitan ng pagsusuko ng sarili ang marapat na pagsunod sa mga ipinag-uutos.

• May pagkakataon na kailangang sumunod at magpasakop at may pagkakataong di kailangang magpasakop at sumunod.

Paano maipakikita ang paggalang at pagsunod sa nakatatanda?

• Sila ay arugain at pagsilbihan.

• Hingin ang kanilang payo kung ikaw ay bata pa.

• Iparamdam sa kanila na pabigat na sila sa pamilya.

• Tugunan ang kanilang pangangailangan kung may pera.

Paano natin maisasabuhay ang paggalang na ginagabayan ng katarungan at pagmamahal?

• Maawa sa mga nasalanta ng kalamidad.

• Sumingit sa pila sa pagbabayad ng pinamili sa Supermarket upang hindi maghintay ng matagal.

• Sigawan ang kapatid kapag nakagawa ng kamalian.

• Kilalanin ang kakayahan ng bawat tao na matuto.

Ang mga sumusunod na pahayag ang pagpapakita ng paggalang at pagsunod sa magulang, alin ang hindi kabilang dito?

• Pagiging maalalahanin kung kaarawan lamang nila.

• Pag-uwi ng maaga at di na kung saan-saan pa pupunta nang walang paalam.

• Paghingi ng permiso bago kainin ang anumang pagkaing nakatago sa refrigerator.

• Paggamit ng mga magagalang na pananalita at pakikinig sa kanilang mga sinasabi o pinapayo.

Ano ang iyong gagawin kung ang pagsunod sa may awtoridad ay magdadala sa iyo sa kapahamakan?

• Sumunod na lamang upang walang gulo.

• Tumakas at huwag pansinin ang nag-uutos na may aworidad.

• Humingi ng payo sa mga taong pinagkakatiwalaan at tunay na nagmamalasakit.

• Magpabayad ng pera sa nag-uutos na may awtoridad bilang kapalit ng pagsunod dito.

Malapit na ang iyong kaarawan at nais mo na magkaroon ng swimming party.  Alam mo na nagdaan sa gastos ang iyong mga magulang dahil sa mga okasyong nagdaan.  Paano ka mas makatutulong sa kanila?

• Manghihiram ng panggastos para sa kaarawan.

• Hindi na maghahanda bagkus ay mauunawaan ang sitwasyon ng magulang.

• Tatanggapin na masama ang loob kung ano ang kayang ibigay ng magulang para sa kaarawan.

• Pipilitin ang mga magulang na payagan kang magtinda para makaipon ng panghanda sa kaarawan at di na muna papasok sa eskwela.